ლოგიკური ამოცანა №85
№8(92), 2007
ჟურნალის წინა ნომერში გამოქვეყნებული ამოცანა #84:
1883 წლის შემოდგომაზე ერთმა ინგლისურმა გამომცემლობამ ისევე, როგორც წინა წლებში გამოუშვა წიგნი, რომლის ყდაზეც ამოტვიფრული იყო სათაური "ფიქრი ფიქრზე ანუ ყოველდღიური სამახსოვრო წიგნი". რამდენი გვერდი იყო ამ წიგნში?
ამოცანის პასუხი:
ეს წიგნი არის დღიური, რომელიც გამოუშვეს 1884 წლისათვის. ვინაიდან 1884 წელი ნაკიანია, შესაბამისად, ამ წიგნში 366 გვერდია.
ამჯერად ჟურნალის მკითხველებიდან სწორი პასუხი ვერავინ გვაცნობა.
მორიგი ამოცანა #85:
მინდორში არსებული ბალახის მთლიანად მოძოვისათვის ცხრა ძროხას ოთხი დღე სჭირდება, ხოლო რვა ძროხას - ექვსი. მაქსიმუმ რამდენი ძროხა შეიძლება გავუშვათ მინდორში, რომ ბალახი არ გამოილიოს?
რედაქციის გადაწყვეტილებით, პირველ მკითხველს, ვინც სწორად უპასუხებს ამ რუბრიკით გამოქვეყნებულ ამოცანას, გადაეცემა შესანიშნავი საჩუქარი - შპს "ააფ-მენეჯმენტის" მიერ გამოცემული ერთ-ერთი წიგნი:
1) ფრანგი მწერლის, რეიმონ რადიგეს (1903-1923) რომანი "მაცდური სხეულში";
2) ჯეკ ლონდონის მოთხრობების კრებული "ზღაპრის დასასრული";
3) ფრანგი მწერლის, ნობელის პრემიის ლაურეატის ანდრე ჟიდის რომანი "ვიწრო კარიბჭე";
4) ჩარლზ დიკენსის "საშობაო მოთხრობები".
გამარჯვებულის ვინაობა გამოქვეყნდება!
დაგვირეკეთ ტელეფონზე: 39-33-48/49 ან (99)-55-68-34 (მობ.).
გისურვებთ წარმატებებს!
რამაზ ლიპარტელიანი
|