1.02.03.2012. საქართველოს კანონი “ბუნებრივი რესურსებით სარგებლობისათვის მოსაკრებლების შესახებ” საქართველოს კანონში ცვლილების შეტანის თაობაზე”. #5749-Iს;

2. 13.03.2012. საქართველოს კანონი “საქართველოს საგადასახადო კოდექსში ცვლილების შეტანის შესახებ”. #5791-Iს;

3. 16.03.2012. საქართველოს კანონი “საქართველოს საგადასახადო კოდექსში ცვლილების შეტანის შესახებ”. #5910-Iს;

4. 16.03.2012. საქართველოს პარლამენტის დადგენილება “საქართველოს მთავრობასა და უნგრეთის მთავრობას შორის შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ” შეთანხმების რატიფიცირების თაობაზე”. #5860-Iს;

5. 20.03.2012. საქართველოს ფინანსთა მინისტრის ბრძანება #88. "სპეციალური დაბეგვრის რეჟიმების გამოყენების შესახებ” საქართველოს ფინანსთა მინისტრის 2010 წლის 31 დეკემბრის #999 ბრძანებაში ცვლილების შეტანის შესახებ”;

6. 23.03.2012. საქართველოს მთავრობის დადგენილება #97. “სპეციალური დაბეგვრის რეჟიმების შესახებ" საქართველოს მთავრობის  2010 წლის 29 დეკემბრის #415 დადგენილებაში ცვლილების შეტანის თაობაზე”;

7. 26.03.2012. შემოსავლების სამსახურის უფროსის ბრძანება #4830. “საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში განხილვის რეგლამენტის დამტკიცების შესახებ”;

8. 27.03.2012. საქართველოს კანონი “საქართველოს საგადასახადო კოდექსში ცვლილების შეტანის შესახებ”. #5942-Iს;

9. 27.03.2012. საქართველოს კანონი “საქართველოს სამოქალაქო კოდექსში ცვლილების შეტანის შესახებ”. #5964-Iს;

10. 28.03.2012. საქართველოს მთავრობის დადგენილება #119. “სასოფლო-სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების დამტკიცების თაობაზე” საქართველოს მთავრობის 2012 წლის 14 თებერვლის #50 დადგენილებაში ცვლილების შეტანის შესახებ”;

11. 30.03.2012. საქართველოს ფინანსთა მინისტრის ბრძანება #103. “ორმაგი დაბეგვრის თავიდან აცილების შესახებ საერთაშორისო შეთანხმებით განსაზღვრული საგადასახადო შეღავათით სარგებლობისა და არარეზიდენტისათვის საქართველოში გადახდილი გადასახადის დაბრუნების წესის დამტკიცების შესახებ” საქართველოს ფინანსთა მინისტრის 2011 წლის 28 დეკემბრის #633 ბრძანებაში ცვლილების შეტანის თაობაზე”;

12. 30.03.2012. ქალაქ თბილისის საკრებულოს გადაწყვეტილება #3-12. “ქ. თბილისის ტერიტორიაზე ადგილობრივი გადასახადის შემოღების შესახებ” ქ. თბილისის საკრებულოს 2011 წლის 28 იანვრის #1-9 გადაწყვეტილებაში ცვლილების შეტანის შესახებ”;

13. 04.04.2012. საქართველოს ფინანსთა მინისტრის ბრძანება #106. ,,საგადასახადო კონტროლის განმახორციელებელი პირის შერჩევისა და საგადასახადო კონტროლის განხორციელების, მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდაღვევათა საქმისწარმოების წესის დამტკიცების თაობაზე” საქართველოს ფინანსთა მინისტრის 2010 წლის 31 დეკემბრის #994 ბრძანებაში ცვლილების შეტანის შესახებ”;

14. 12.04.2012. შემოსავლების სამსახურის კომენტარი საქართველოს საგადასახადო კოდექსის მე-8 მუხლის მე-10 ნაწილზე - ,,გრძელვადიანი კონტრაქტი - კონტრაქტი წარმოებაზე, მონტაჟზე, მშენებლობაზე ან ასეთ საქმიანობასთან დაკავშირებულ მომსახურების გაწევაზე, რომელიც არ დასრულებულა იმ კალენდარულ წელს, რომელშიც დაიწყო კონტრაქტით გათვალისწინებული მომსახურება, გარდა იმ კონტრაქტისა, რომელიც დასრულდა კონტრაქტით გათვალისწინებული მომსახურების გაწევის დაწყებიდან 6 თვის განმავლობაში”;

15. 12.04.2012. შემოსავლების სამსახურის კომენტარი საქართველოს საგადასახადო კოდექსის 144-ე მუხლზე - გრძელვადიანი კონტრაქტი;

16. 12.04.2012. შემოსავლების სამსახურის კომენტარი საქართველოს საგადასახადო კოდექსის 157-ე მუხლზე - დღგ-ის გადამხდელად სავალდებულო რეგისტრაცია;

17. 12.04.2012. შემოსავლების სამსახურის კომენტარი საქართველოს საგადასახადო კოდექსის 161-ე მუხლის მე-6 ნაწილზე - ,,გრძელვადიანი კონტრაქტის შემთხვევაში, თუ არ დადგა ამ მუხლის პირველი ნაწილით გათვალისწინებული პირობა: ა) დასაბეგრი ოპერაციის თანხა კალენდარული წლისათვის განისაზღვრება ფაქტობრივი შესრულების მოცულობის მიხედვით, რომელიც გაიანგარიშება გაწეული ხარჯების კონტრაქტით გათვალისწინებულ ერთობლივ ხარჯებთან შეპირისპირებით; ბ) დასაბეგრი ოპერაციის მომენტად ითვლება არა უგვიანეს ყოველი წლის დეკემბერი”;

18. 12.04.2012. შემოსავლების სამსახურის კომენტარი საქართველოს საგადასახადო კოდექსის  168-ე მუხლის მე-4 ნაწილის “მ” ქვეპუნქტზე - საწარმოს ყველა აქტივის მიწოდება.

1. საქართველოს კანონი
"ბუნებრივი რესურსებით სარგებლობისათვის მოსაკრებლების შესახებ" საქართველოს კანონში ცვლილების შეტანის თაობაზე
მუხლი 1. "ბუნებრივი რესურსებით სარგებლობისათვის მოსაკრებლების შესახებ" საქართველოს კანონში (საქართველოს საკანონმდებლო მაცნე, ?41, 30.12.2004, მუხ. 213) შეტანილ იქნეს შემდეგი ცვლილება:
1. მე-9 მუხლის პირველი პუნქტი ჩამოყალიბდეს შემდეგი რედაქციით:
"1. ამ კანონით განსაზღვრული ბუნებრივი რესურსებით სარგებლობისათვის მოსაკრებლების გადახდის ადმინისტრირება ევალებათ საგადასახადო ორგანოს და საქართველოს ენერგეტიკისა და ბუნებრივი რესურსების სამინისტროს სისტემაში შემავალ საჯარო სამართლის იურიდიულ პირს ? ბუნებრივი რესურსების სააგენტოს (შემდგომ ? სააგენტო). სააგენტო ბუნებრივი რესურსებით სარგებლობისათვის მოსაკრებლების გადახდის ადმინისტრირებას ახორციელებს ამ კანონითა და საქართველოს მთავრობის კანონქვემდებარე ნორმატიული აქტით დადგენილი წესით.".
2. კანონს დაემატოს შემდეგი შინაარსის 91 და 92 მუხლები:
"მუხლი 91. მოსაკრებლის გადახდის ადმინისტრირების წესი
1. ამ კანონით განსაზღვრული ბუნებრივი რესურსებით სარგებლობისათვის მოსაკრებლების გადახდაზე პასუხისმგებელ პირსა (შემდგომ ? პასუხისმგებელი პირი) და სააგენტოს შორის შესაძლებელია დაიდოს მოსაკრებლების გადახდის ადმინისტრირების თაობაზე შეთანხმება (შემდგომ ? შეთანხმება).
2. შეთანხმებით შესაძლებელია განხორციელდეს:
ა) პასუხისმგებელი პირის მიერ შეთანხმების დადების თაობაზე განცხადების შეტანის მომენტისათვის ან რომელიმე კონკრეტულ პერიოდში/პერიოდებში გადაუხდელი მოსაკრებლებისა და საურავის ოდენობის განსაზღვრა, შემცირება, მათი გადახდის (მთლიანად ან ნაწილობრივ) გადავადება (მათ შორის, განაწილვადება) ან/და სხვა ვალდებულებით ჩანაცვლება;
ბ) მომავალ პერიოდში/პერიოდებში გადასახდელი მოსაკრებლების ოდენობის განსაზღვრა, მათი გადახდის (მთლიანად ან ნაწილობრივ) ვადის განსაზღვრა, გადავადება (მათ შორის, განაწილვადება) ან/და სხვა ვალდებულებით ჩანაცვლება.
3. ამ მუხლის მე-2 პუნქტის შესაბამისად მოსაკრებლების გადახდის გადავადება (მათ შორის, განაწილვადება) არა უმეტეს 3 წლით ხორციელდება წლიური 4 პროცენტი სარგებლით, ხოლო 3 წელზე მეტი ვადით ? არანაკლებ წლიური 4 პროცენტი სარგებლით.
4. შეთანხმებით გათვალისწინებულ ვალდებულებათა შესრულების ვადის დარღვევის შემთხვევაში პასუხისმგებელ პირს დაეკისრება გადაუხდელი თანხის 0,5 პროცენტი თითოეული ვადაგადაცილებული კალენდარული დღისათვის, მაგრამ არა უმეტეს შეთანხმებით გადასახდელად განსაზღვრული მთლიანი თანხის 10 პროცენტისა.
5. შეთანხმების გასაჩივრება დასაშვებია მხოლოდ იმ შემთხვევაში, თუ მას ხელს აწერს არაუფლებამოსილი პირი.
მუხლი 92. შეთანხმების დადება
1. პასუხისმგებელი პირი შეთანხმების დადების თაობაზე განცხადებით მიმართავს სააგენტოს. განცხადების მიღების შემდეგ სააგენტო უფლებამოსილია:
ა) უარი თქვას შეთანხმების დადებაზე, რაც წერილობით უნდა ეცნობოს პასუხისმგებელ პირს. ასეთ შემთხვევაში სააგენტო არ არის ვალდებული, დაასაბუთოს უარი;
ბ) აღნიშნული განცხადება თანდართულ მასალებთან ერთად წარუდგინოს საქართველოს ენერგეტიკისა და ბუნებრივი რესურსების მინისტრს, რომელიც, თავის მხრივ, ამ დოკუმენტაციას წარუდგენს საქართველოს პრემიერ-მინისტრს.
2. შეთანხმების დადების თაობაზე გადაწყვეტილებას იღებს საქართველოს პრემიერ-მინისტრი. საქართველოს პრემიერ-მინისტრის ბრძანებით განისაზღვრება პასუხისმგებელი პირის მიერ შეთანხმების შესაბამისად გადასახდელი თანხის ოდენობა და გადახდის ვადა, ხოლო ამ კანონის 91 მუხლის მე-3 პუნქტით გათვალისწინებულ შემთხვევაში ? სარგებლის წლიური განაკვეთის ოდენობა.
3. საქართველოს პრემიერ-მინისტრის გადაწყვეტილებით, მოსაკრებლების გადახდის უზრუნველყოფის მიზნით დამატებით პირობად შესაძლებელია განისაზღვროს საქართველოს კანონმდებლობით გათვალისწინებული ვალდებულების შესრულების უზრუნველყოფის საშუალება.
4. ამ მუხლის მე-2 პუნქტით გათვალისწინებული გადაწყვეტილების თაობაზე პასუხისმგებელ პირს წერილობით უნდა ეცნობოს.
5. შეთანხმების დადების შემდეგ დაუშვებელია ადმინისტრაციული ორგანოების (მათ შორის, სამართალდამცავი ორგანოების) მიერ შეთანხმებით გათვალისწინებული მოსაკრებლების ან/და საურავის ოდენობის გადახედვა (დაზუსტება) ან/და დამატებით დარიცხვა, გარდა იმ შემთხვევისა, როდესაც შეთანხმება გაუქმებულია.
6. პასუხისმგებელი პირის მიერ შეთანხმების პირობების დარღვევა გამოიწვევს შეთანხმების გაუქმებას საქართველოს მთავრობის კანონქვემდებარე ნორმატიული აქტით დადგენილი წესისა და ამ შეთანხმების შესაბამისად.".
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი              მ. სააკაშვილი
თბილისი,
2012 წლის 2 მარტი.
#5749-Iს

(ვებ პორტალი წწწ.მატსნე.გოვ.გე 15.03.2012 ß.)

2. საქართველოს კანონი
საქართველოს საგადასახადო კოდექსში ცვლილების შეტანის შესახებ
მუხლი 1. საქართველოს საგადასახადო კოდექსში (საქართველოს საკანონმდებლო მაცნე, ?54, 12.10.2010, მუხ. 343) შეტანილ იქნეს შემდეგი ცვლილება:
1. კოდექსს დაემატოს შემდეგი შინაარსის 261 მუხლი:
"მუხლი 261. ტურისტული საწარმო
1. ტურისტული საწარმო არის იურიდიული პირი, რომელიც აშენებს სასტუმროს, ახორციელებს სასტუმროს აქტივების/მათი ნაწილის სხვა პირისთვის მიწოდებას მისი იჯარით მიღების მიზნით და უზრუნველყოფს შენობის, როგორც სასტუმროს, ფუნქციონირებას ექსპლუატაციაში მიღებიდან არანაკლებ 8 წლის განმავლობაში.
 2. ამ მუხლით გათვალისწინებული იჯარა არის პირის მიერ ნასყიდობის ხელშეკრულების საფუძველზე ტურისტული საწარმოსგან სასტუმროს აქტივების/მათი ნაწილის შეძენა და ამავე საწარმოსთვის დროებით ფასიან სარგებლობაში გადაცემა, მისი გამოსყიდვის უფლებით ან უამისოდ.
 3. სასტუმროს მშენებლობის დასრულების შემდეგ ტურისტული საწარმო ვალდებულია ახორციელებდეს მხოლოდ ამ მუხლის პირველი ნაწილით გათვალისწინებულ საქმიანობას და შენობის ფართობის არანაკლებ 40 პროცენტისა გამიზნული ჰქონდეს სასტუმრო ნომრებისათვის გამოსაყენებლად. ამასთანავე, ამავე მუხლის პირველ ნაწილში მითითებულ ვადაში კონკრეტული ობიექტიდან (სასტუმროდან) ტურისტული საწარმოს მიერ მიღებული შემოსავალი არ უნდა იყოს ქონების მიწოდების შედეგად მიღებულ კომპენსაციის თანხაზე ნაკლები.
4. პირს ტურისტული საწარმოს სტატუსს კონკრეტული ობიექტის (სასტუმროს) მიხედვით ანიჭებს შემოსავლების სამსახური, რომელიც უფლებამოსილია, ქონების შემძენის მიერ ამ კოდექსის 63-ე მუხლის 51 ნაწილის საფუძველზე თანხის დაბრუნებისას მოითხოვოს უზრუნველყოფის საშუალებების წარდგენა.
5. ამ მუხლით გათვალისწინებული პირობების დარღვევის შემთხვევაში უქმდება ტურისტული საწარმოს სტატუსი, იჯარის ხელშეკრულების მონაწილე მხარეები პირისთვის ტურისტული საწარმოს სტატუსის მინიჭების მომენტიდან კარგავენ ამ კოდექსით განსაზღვრულ უფლებებსა და დადგენილ საგადასახადო შეღავათებს და ამავე კოდექსის 63-ე მუხლის 51 ნაწილის საფუძველზე დაბრუნებული თანხის გადახდევინება ხორციელდება სოლიდარულად ამ პირთა ქონებიდან ან წარდგენილი უზრუნველყოფის საშუალებებიდან.
6. პირისთვის ტურისტული საწარმოს სტატუსის მინიჭებისა და ასეთი საწარმოს ფუნქციონირების წესს განსაზღვრავს საქართველოს მთავრობა.".
2. 63-ე მუხლს დაემატოს შემდეგი შინაარსის 51 ნაწილი:
"5.1 პირს, რომელიც არ არის რეგისტრირებული დამატებული ღირებულების გადასახადის გადამხდელად, ან მის უფლებამოსილ/კანონიერ წარმომადგენელს, რომელიც ნასყიდობის ხელშეკრულების საფუძველზე ტურისტული საწარმოსგან შეძენილ სასტუმროს აქტივებს/მათ ნაწილს იჯარით გადასცემს ამავე საწარმოს, აქტივების/მათი ნაწილის შეძენისას გადახდილი დამატებული ღირებულების გადასახადი უბრუნდება საგადასახადო ორგანოში განცხადების წარდგენიდან 3 თვის ვადაში.".
3. 82-ე მუხლის პირველ ნაწილს დაემატოს შემდეგი შინაარსის "ჯ" ქვეპუნქტი:
"ჯ) ტურისტული საწარმოს მიერ სასტუმრო ნომრის მესაკუთრისათვის კალენდარული წლის განმავლობაში არა უმეტეს 1 თვის ვადით სასტუმროს მომსახურების (სასტუმროში ცხოვრების) უსასყიდლოდ გაწევის შედეგად სასტუმრო ნომრის მესაკუთრის მიერ მიღებული სარგებელი.".
4. 99-ე მუხლის პირველ ნაწილს დაემატოს შემდეგი შინაარსის "შ" და "ჩ" ქვეპუნქტები:
"შ) ტურისტული საწარმოს მიერ სახელმწიფოსგან უსასყიდლოდ საქონლის მიწოდების ან/და მომსახურების გაწევის შედეგად მიღებული სარგებელი;
ჩ) ტურისტული საწარმოს მიერ სასტუმრო ნომრის მესაკუთრისათვის კალენდარული წლის განმავლობაში არა უმეტეს 1 თვის ვადით სასტუმროს მომსახურების (სასტუმროში ცხოვრების) უსასყიდლოდ გაწევის შედეგად წარმოშობილი შემოსავალი (უსასყიდლოდ გაწეული მომსახურების საბაზრო ფასი) და სასტუმრო ნომრის მესაკუთრის მიერ მიღებული სარგებელი.".
5. 174-ე მუხლის მე-3 ნაწილს დაემატოს შემდეგი შინაარსის "თ" ქვეპუნქტი:
"თ) იმ პირისათვის, რომელსაც ამ კოდექსის 63-ე მუხლის 51 ნაწილის საფუძველზე დაბრუნებული აქვს აქტივების/მათი ნაწილის შეძენისას გადახდილი დღგ, დაბრუნებული თანხის ფარგლებში.".
მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი             მ. სააკაშვილი
თბილისი,
2012 წლის 13 მარტი.
#5791-Iს

(ვებ პორტალი წწწ.მატსნე.გოვ.გე 23.03.2012 ß.)

3. საქართველოს კანონი
საქართველოს საგადასახადო კოდექსში ცვლილების შეტანის შესახებ
მუხლი 1. საქართველოს საგადასახადო კოდექსის (საქართველოს საკანონმდებლო მაცნე, ?54, 12.10.2010, მუხ. 343) 168-ე მუხლის მე-4 ნაწილს დაემატოს შემდეგი შინაარსის "ფ" და "ქ" ქვეპუნქტები:
"ფ) საქართველოში წარმოებული სოფლის მეურნეობის პროდუქციის (გარდა საგარეო-ეკონომიკური საქმიანობის ეროვნული სასაქონლო ნომენკლატურის 0407 00 190 00 და 0407 00 300 00 კოდებში მითითებული საქონლისა (კვერცხისა)) მიწოდება მის სამრეწველო გადამუშავებამდე (სასაქონლო კოდის შეცვლამდე), გარდა ამ მუხლის პირველი ნაწილის "ჟ" ქვეპუნქტით გათვალისწინებული შემთხვევისა;
ქ) საქართველოში მთლიანად წარმოებული საქონლისაგან მიღებული საგარეო-ეკონომიკური საქმიანობის ეროვნული სასაქონლო ნომენკლატურის 0201, 0203 11 - 0203 19, 0204 10 000 00 - 0204 23 000 00, 0204 50 110 00 - 0204 50 390 00 კოდებში მითითებული საქონლის (მათ შორის, გატარებული/დაკეპილი ფორმით არსებულის (ფარშის)), აგრეთვე საქართველოს ბინადარი ცხოველისგან მიღებული პროდუქტის სამრეწველო გადამუშავების შედეგად წარმოებული ყველის მიწოდება, გარდა ამ მუხლის პირველი ნაწილის "ჟ" ქვეპუნქტით გათვალისწინებული შემთხვევისა.".
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი მ. სააკაშვილი
თბილისი,
2012 წლის 16 მარტი.
#5910-Iს

(ვებ პორტალი წწწ.მატსნე.გოვ.გე 19.03.2012 ß.)

4. საქართველოს პარლამენტის დადგენილება
"საქართველოს მთავრობასა და უნგრეთის მთავრობას შორის შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ" შეთანხმების რატიფიცირების თაობაზე
საქართველოს პარლამენტი ადგენს:
რატიფიცირებულ იქნეს ბუდაპეშტის 2012 წლის 16 თებერვლის შეთანხმება "საქართველოს მთავრობასა და უნგრეთის მთავრობას შორის შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ".
საქართველოს პარლამენტის
თავმჯდომარის პირველი
მოადგილე მ. მაჭავარიანი
თბილისი,
2012 წლის 16 მარტი.
#5860-Iს

(ვებ პორტალი წწწ.მატსნე.გოვ.გე 21.03.2012 ß.)

5. საქართველოს ფინანსთა მინისტრის ბრძანება #88
2012 წლის 20 მარტი
ქ. თბილისი
 "სპეციალური დაბეგვრის რეჟიმების გამოყენების შესახებ" საქართველოს ფინანსთა მინისტრის 2010 წლის 31 დეკემბრის ?999 ბრძანებაში ცვლილების შეტანის შესახებ
,,ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, ვბრძანებ:
 მუხლი 1. "სპეციალური დაბეგვრის რეჟიმების გამოყენების შესახებ" საქართველოს ფინანსთა მინისტრის 2010 წლის 31 დეკემბრის ?999 ბრძანებაში (სსმ III, 31.12.2010, ?172, მუხლი 2550) შეტანილ იქნეს შემდეგი ცვლილება:
1. პრეამბულა ჩამოყალიბდეს შემდეგი რედაქციით:
"საქართველოს საგადასახადო კოდექსის 84-ე მუხლის მე-5 ნაწილის, 91-ე მუხლის მე-7 ნაწილის, 93-ე მუხლის მე-4 ნაწილის, 95-ე მუხლის მე-2 ნაწილის, 954 მუხლის მე-3 ნაწილისა და 955 მუხლის მე-7 ნაწილის შესაბამისად, ვბრძანებ:".
2. პირველ მუხლს დაემატოს შემდეგი შინაარსის მე-4 პუნქტი:
"4. ინსტრუქცია "ფიქსირებული გადასახადის გადამხდელის სტატუსის მინიჭებისა და გაუქმების, ფიქსირებული გადასახადის გადახდისა და ანგარიშგების და ფიქსირებული გადასახადის გადამხდელის სერტიფიკატის გაცემის წესის შესახებ" (დანართი ?4) თანდართულ დანართებთან ერთად.".
3. ბრძანებით დამტკიცებულ ,,სპეციალური დაბეგვრის რეჟიმების შესახებ'' ინსტრუქციის (დანართი ?1):
ა) მე-2 მუხლის:
ა. ბ) პირველი მაგალითის შენიშვნა ჩამოყალიბდეს შემდეგი რედაქციით:
"შენიშვნა:
ჯონდის მიერ დამატებით, სხვა სახის საქმიანობის განხორციელება და, შესაბამისად, შემოსავლის მიღება არ არის საგადასახადო ორგანოს მიერ მიკრობიზნესის სტატუსის მინიჭებაზე უარის თქმის, ან სტატუსის ქონის შემთხვევაში სტატუსის გაუქმების საფუძველი, თუ აღნიშნული საქმიანობა არ განეკუთვნება "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით განსაზღვრული იმ საქმიანობების სახეებს, რომელთა განხორციელებაც ეკრძალება მიკრობიზნესის სტატუსის მქონე ფიზიკურ პირს.";
ა.ბ) მე-4 პუნქტი ჩამოყალიბდეს შემდეგი რედაქციით:
"4. "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით გათვალისწინებული დანართი ?1-ით განსაზღვრულ საქმიანობის სახეებზე მიკრობიზნესის 30000-ლარიანი ზღვარი არ ვრცელდება და ასეთი საქმიანობიდან მიღებული შემოსავალი არ იბეგრება.";
ა.გ) მე-2 მაგალითის ანალიზი ჩამოყალიბდეს შემდეგი რედაქციით:
"ანალიზი:
"სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?1-ის თანახმად, საყოფაცხოვრებო ელექტრონული ნაწარმის რემონტი განეკუთვნება იმ საქმიანობიდან ერთ-ერთს, რომლისგან მიღებული შემოსავალი არ იბეგრება და რომელზეც არ ვრცელდება მიკრობიზნესისთვის დადგენილი ერთობლივი შემოსავლის 30 000-ლარიანი ზღვარი, შესაბამისად, ჯონდის მიერ საყოფაცხოვრებო ელექტრონული ნაწარმის რემონტიდან 10 000 ლარის ოდენობით მიღებული შემოსავალი მხედველობაში არ მიიღება და ამ შემოსავლის გარეშე მისი სხვა შემოსავალი კვლავ შეადგენს 27 000 ლარს, რომელიც არ აჭარბებს 30 000 ლარს.";
ა.დ) მე-5 პუნქტი ჩამოყალიბდეს შემდეგი რედაქციით:
"5. "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?3-ით განსაზღვრული შემოსავლების მიღებისას:
ა) მიკრობიზნესის მიერ კალენდარული წლის განმავლობაში მისაღები ჯამური ერთობლივი შემოსავლის 30 000-ლარიანი ზღვრის განსაზღვრისას მხედველობაში არ მიიღება ასეთი შემოსავლები მიუხედავად ამ შემოსავლების ოდენობისა;
ბ) ასეთი შემოსავლები იბეგრება ჩვეულებრივი წესით, როგორც დაიბეგრებოდა მიკრობიზნესის სტატუსის არარსებობის შემთხვევაში.";
ა.ე) მე-3 მაგალითის ანალიზი ჩამოყალიბდეს შემდეგი რედაქციით:
"ანალიზი:
ანალიზი იგივეა, რაც მე-2 მაგალითის ანალიზშია მოცემული, იმ განსხვავებით, რომ "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?3-ის თანახმად, პროცენტის სახით და ჩუქებით მიღებული შემოსავლები განეკუთვნება იმ შემოსავლებს, რომლებიც იბეგრება ჩვეულებრივი რეჟიმით (ერთობლივ შემოსავალთან მასთან დაკავშირებული ხარჯების შეპირისპირებით) და რომლებიც მიკრობიზნესისთვის დადგენილი ერთობლივი შემოსავლის 30 000-ლარიანი ზღვრის განსაზღვრის მიზნებისათვის არ გაითვალისწინება ერთობლივ შემოსავალში. შესაბამისად, ჯონდის მიერ პროცენტის სახით 3 500 ლარის ოდენობით და ჩუქების შედეგად 7 000 ლარის ოდენობით მიღებული შემოსავალი მხედველობაში არ მიიღება და ამ შემოსავლის გარეშე მისი სხვა შემოსავალი შეადგენს 27 000 ლარს, რომელიც არ აჭარბებს 30 000 ლარს.";
ა.ვ) მე-6 პუნქტი ჩამოყალიბდეს შემდეგი რედაქციით:
"6. მიკრობიზნესის სტატუსი არ შეიძლება მიენიჭოს ფიზიკურ პირს, თუ იგი ახორციელებს "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?2-ით განსაზღვრულ საქმიანობას (შემდგომში - მიკრობიზნესისთვის აკრძალული საქმიანობა), რომლის განხორციელება მიკრობიზნესის მიერ აკრძალულია და იწვევს სტატუსის გაუქმებას.";
ბ) მე-4 მუხლის:
ბ.ა) პირველი პუნქტის "ბ" ქვეპუნქტი ჩამოყალიბდეს შემდეგი რედაქციით:
"ბ) შემოსავლისგან, რომელიც იბეგრება ჩვეულებრივი რეჟიმით და მოიცავს მიკრობიზნესის სტატუსის მქონე ფიზიკური პირის მიერ "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?3-ით განსაზღვრული შემოსავლების სახეების მიხედვით მიღებულ ერთობლივ შემოსავალს;";
ბ.ბ) მე-2 პუნქტის "ბ" ქვეპუნქტი ჩამოყალიბდეს შემდეგი რედაქციით:
"ბ) "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?1-ით განსაზღვრული საქმიანობის სახეებიდან მიღებული შემოსავლებისგან, რომლებზეც 30 000-ლარიანი ზღვარი არ ვრცელდება. (იხ.: მე-2 მუხლის მაგალითი 2).";
გ) მე-11 მუხლის მე-3 და მე-4 პუნქტები ჩამოყალიბდეს შემდეგი რედაქციით:
"3. მცირე ბიზნესისთვის "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?5-ით განსაზღვრული შემოსავლები:
ა) მიუხედავად ამ შემოსავლების ოდენობისა, მცირე ბიზნესის მიერ კალენდარული წლის განმავლობაში მისაღები ჯამური ერთობლივი შემოსავლის 100000-ლარიანი ზღვრის განსაზღვრისას მხედველობაში არ მიიღება;
ბ) იბეგრება ჩვეულებრივი წესით, როგორც დაიბეგრებოდა მცირე ბიზნესის სტატუსის არარსებობის შემთხვევაში.
4. მცირე ბიზნესის სტატუსი არ შეიძლება მიენიჭოს ფიზიკურ პირს, თუ:
ა) იგი ახორციელებს "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?4-ით განსაზღვრულ საქმიანობას (შემდგომში - მცირე ბიზნესისთვის აკრძალული საქმიანობა), რომლის განხორციელება მცირე ბიზნესის მიერ აკრძალულია და იწვევს სტატუსის გაუქმებას;
ბ) იგი რეგისტრირებულია დღგ-ის გადამხდელად, გარდა იმ შემთხვევისა, როდესაც მას უფლება აქვს და მიმართავს საგადასახადო ორგანოს დღგ-ის გადამხდელად რეგისტრაციის გაუქმების მოთხოვნით.";
დ) მე-13 მუხლის პირველი პუნქტის ,,ბ" ქვეპუნქტი ჩამოყალიბდეს შემდეგი რედაქციით:
"ბ) შემოსავლისგან, რომელიც იბეგრება ჩვეულებრივი რეჟიმით და მოიცავს მცირე ბიზნესის სტატუსის მქონე მეწარმე ფიზიკური პირის მიერ "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით დამტკიცებული დანართი ?5-ით განსაზღვრული შემოსავლების სახეების მიხედვით მიღებულ ერთობლივ შემოსავლებს;".
4. ბრძანებით დამტკიცებული ინსტრუქციის ,,მიკრო და მცირე ბიზნესის სტატუსის მქონე პირების მიერ დეკლარაციის ფორმის, მისი შევსებისა და წარდგენის წესის" (დანართი ?2):
ა) პირველი მუხლი ჩამოყალიბდეს შემდეგი რედაქციით:
     "მუხლი 1. დეკლარაციის წარდგენა მიკრო და მცირე ბიზნესის მიერ
მიკრო ბიზნესის სტატუსის მქონე ფიზიკური პირები და მცირე ბიზნესის სტატუსის მქონე მეწარმე ფიზიკური პირები საგადასახადო ორგანოს საგადასახადო აღრიცხვის ადგილის მიხედვით წარუდგენენ საშემოსავლო გადასახადის წლიურ დეკლარაციას ამ ინსტრუქციის დანართით განსაზღვრული ფორმით:
ა) საანგარიშო წლის მომდევნო წლის 1 აპრილამდე;
ბ) საქართველოში ეკონომიკური საქმიანობის შეწყვეტისას 30 დღის ვადაში.";
ბ) მე-2 მუხლის მე-5 პუნქტი ჩამოყალიბდეს შემდეგი რედაქციით:
 "5. დეკლარაციის III განაყოფის II ნაწილი (ჩვეულებრივი დაბეგვრის წესით) ივსება მხოლოდ იმ შემთხვევაში, თუ მიკრობიზნესის სტატუსის მქონე ფიზიკურ და მცირე ბიზნესის სტატუსის მქონე მეწარმე ფიზიკურ პირს საქართველოს საგადასახადო კოდექსის 84-ე მუხლის მე-4 ნაწილისა და 88-ე მუხლის მე-3 ნაწილის შესაბამისად გააჩნიათ "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებით განსაზღვრული შემოსავლების სახეები:
ა) 24-ე უჯრაში - ერთობლივი შემოსავალი, რომელიც მიღებულია საქართველოს საგადასახადო კოდექსის 84-ე მუხლის მე-4 და 88-ე მუხლის მე-3 ნაწილებით გათვალისწინებული საქმიანობებიდან. მათ შორის:
ბ) 25-ე უჯრაში - საქართველოში არსებული წყაროდან მიღებული შემოსავალი. მათ შორის:
გ) 26-ე უჯრაში - ხელფასის სახით მიღებული;
დ) 27-ე უჯრაში - საქართველოს ფარგლებს გარეთ მიღებული შემოსავალი. მათ შორის:
ე) 28-ე უჯრაში - ხელფასის სახით მიღებული;
ვ) 29-ე უჯრაში - 24-ე უჯრაში ასახული ერთობლივი შემოსავლის მიღებასთან დაკავშირებული და გამოქვითვას დაქვემდებარებული ხარჯები (გარდა კაპიტალიზებადი და საქართველოს საგადასახადო კოდექსის 117-ე მუხლით განსაზღვრული ხარჯებისა);
ზ) 30-ე უჯრაში - წინა წლების აუნაზღაურებელი ზარალი, რომელიც ექვემდებარება გამოქვითვას, მაგრამ არა უმეტეს წინა 5 საგადასახადო წლის ზარალისა, უჯრის შევსებისას გაითვალისწინება საქართველოს საგადასახადო კოდექსის 121-ე და 122-ე მუხლებით დაწესებული ნორმები;
თ) 31-ე უჯრაში - დაბეგვრისაგან გათავისუფლებული შემოსავალი;
ი) 32-ე უჯრაში - ერთობლივ შემოსავალში (უჯრა 24) შეტანილი საქართველოში არსებული წყაროდან მიღებული და საქართველოს საგადასახადო კოდექსის 154-ე მუხლის პირველი ნაწილის შესაბამისად გადახდის წყაროსთან დაბეგრილი შემოსავლები;
კ) 33-ე უჯრაში - შემოსავალი, რომელიც ექვემდებარება დაბეგვრას, მიიღება: 24-ე უჯრაში ასახულ მონაცემს გამოკლებული 29-ე უჯრაში ასახული მონაცემი, გამოკლებული 30-ე უჯრაში ასახული მონაცემი, გამოკლებული დაბეგვრისაგან გათავისუფლებული შემოსავალი (უჯრა 31) და გამოკლებული საქართველოს წყაროდან მიღებული და გადახდის წყაროსთან დაბეგრილი შემოსავალი (უჯრა 32);
ლ) 34-ე უჯრაში - საშემოსავლო გადასახადი დასაბეგრ შემოსავალზე, რომელიც მიიღება 33-ე უჯრაში ასახული თანხის საშემოსავლო გადასახადის საქართველოს საგადასახადო კოდექსის 81-ე მუხლით დადგენილ განაკვეთზე გამრავლებით;
მ) 35-ე უჯრაში - სულ საშემოსავლო გადასახადი, რომელიც მიიღება 23-ე და 34-ე უჯრებში ასახული მონაცემების დაჯამებით;
ნ) 36-ე უჯრაში - საქართველოს საგადასახადო კოდექსის 155-ე მუხლით დადგენილი ნორმებით განსაზღვრული მომდევნო საგადასახადო წლის მიმდინარე გადასახდელების ოდენობა;
ო) 37-ე უჯრაში - გადასახადის გადამხდელის ან სხვა ვალდებული პირის ან/და მისი კანონიერი ან უფლებამოსილი წარმომადგენლის (ვინც ადასტურებს დეკლარაციაში მოცემული მონაცემების უტყუარობას და სისრულეს) გვარი და სახელი სრულად;
პ) 38-ე უჯრაში - 37-ე უჯრაში ასახული პირის ხელმოწერა;
ჟ) 39-ე უჯრაში - 37-ე უჯრაში ასახული პირის ხელმოწერის თარიღი. აღნიშნული უჯრის პირველ ორ განაყოფში აისახება ხელმოწერის რიცხვი, მომდევნო ორ განაყოფში - თვე და ბოლო ოთხ განაყოფში - წელი სრულად.".
5. ბრძანებას დაემატოს ინსტრუქცია "ფიქსირებული გადასახადის გადამხდელის სტატუსის მინიჭებისა და გაუქმების, ფიქსირებული გადასახადის გადახდისა და ანგარიშგების და ფიქსირებული გადასახადის გადამხდელის სერტიფიკატის გაცემის წესის შესახებ" (დანართი ?4) თანდართული რედაქციით:

"დანართი ?4
ინსტრუქცია
ფიქსირებული გადასახადის გადამხდელის სტატუსის მინიჭებისა და გაუქმების, ფიქსირებული გადასახადის გადახდისა და ანგარიშგების და ფიქსირებული გადასახადის გადამხდელის სერტიფიკატის გაცემის წესის შესახებ
    მუხლი 1. ფიქსირებული გადასახადის გადამხდელი
1. ფიქსირებული გადასახადის გადამხდელის სტატუსი შეიძლება მიენიჭოს პირს, რომელიც არ არის დამატებული ღირებულების გადასახადის გადამხდელი და ახორციელებს ფიქსირებული გადასახადით დასაბეგრ ერთ ან ერთზე მეტ საქმიანობას.
2. ფიქსირებული გადასახადის გადამხდელი უფლებამოსილია, გარდა ფიქსირებული გადასახადით დასაბეგრი საქმიანობისა, დამატებით განახორციელოს საქართველოს მთავრობის მიერ ნებადართული საქმიანობა.
3. ამ მუხლის მე-2 პუნქით გათვალისწინებული დამატებითი საქმიანობიდან მიღებული შემოსავალი ექვემდებარება საერთო წესით დაბეგვრას.
4. ფიქსირებული გადასახადით დასაბეგრი საქმიანობიდან მიღებული შემოსავალი არ ჩაირთვება ფიქსირებული გადასახადის გადამხდელის ერთობლივ შემოსავალში და შემდგომ დაბეგვრას არ ექვემდებარება.
5. ფიქსირებული გადასახადით დასაბეგრი საქმიანობიდან მიღებული შემოსავალი არ გაითვალისწინება დღგ-ის სავალდებულო რეგისტრაციის ვალდებულების განსაზღვრისას.
6. ფიქსირებული გადასახადის გადამხდელი თავისუფლდება ფიქსირებული გადასახადით დასაბეგრი საქმიანობის ნაწილში საკონტროლო-სალარო აპარატების გამოყენების ვალდებულებისაგან.
7. ფიქსირებული გადასახადის გადამხდელის სტატუსის მქონე პირისგან ფიქსირებული გადასახადით დასაბეგრი საქმიანობის ფარგლებში შეძენილ საქონელზე/მომსახურებაზე გაწეული ხარჯი ერთობლივი შემოსავლიდან არ გამოიქვითება.
    მუხლი 2. ფიქსირებული გადასახადის გადამხდელის სტატუსის მინიჭება
 1. ფიქსირებული გადასახადის გადამხდელის სტატუსის მინიჭების მოთხოვნით გადასახადის გადამხდელი განცხადებით (დანართი ?1) მიმართავს საგადასახადო ორგანოს. განცხადებაში მითითებული უნდა იყოს საქმიანობის ის სახე, რომელზეც გავრცელდება ფიქსირებული გადასახადით დაბეგვრის რეჟიმი.
2. პირს უფლება აქვს ფიქსირებული გადასახადის გადამხდელის სტატუსის მინიჭების მოთხოვნით საგადასახადო ორგანოს მიმართოს საანგარიშო წლის ნებისმიერ თვეს.
3. თუ პირი აკმაყოფილებს საქართველოს საგადასახადო კოდექსის 159-ე მუხლის მე-2 ნაწილით დადგენილ დღგ-ის გადამხდელად რეგისტრაციის გაუქმების პირობებს, მას შეუძლია მიმართოს საგადასახადო ორგანოს დღგ-ის გადამხდელად რეგისტრაციის გაუქმებისა და ფიქსირებულ გადასახადზე გადასვლის მოთხოვნით. აღნიშნულ შემთხვევაში, მიუხედავად ფიქსირებულ გადასახადაზე გადასვლისა, პირი ვალდებულია შეასრულოს დღგ-ის გადამხდელად რეგისტრაციის გაუქმებასთან დაკავშირებული საგადასახადო ვალდებულებები საქართველოს საგადასახადო კოდექსის შესაბამისად.
4. საგადასახადო ორგანო განიხილავს განცხადებას და თუ პირი აკმაყოფილებს ამ ინსტრუქციის პირველი მუხლის პირველი პუნქტით დადგენილ მოთხოვნებს, განცხადება სრულყოფილადაა შევსებული და მასში დაფიქსირებული მონაცემები შეესაბამება რეალურად არსებულს გონივრულ ვადაში გასცემს ფიქსირებული გადასახადის გადამხდელის სერტიფიკატს (დანართი ?2).
5. ფიქსირებული გადასახადის გადამხდელის სტატუსი პირს ენიჭება სერტიფიკატის გაცემის დღიდან.
6. პირი ფიქსირებული გადასახადის გადამხდელად ითვლება სტატუსის მინიჭების თვის მომდევნო თვის პირველი რიცხვიდან.
 7. პირს ფიქსირებული გადასახადის სტატუსი არ მიენიჭება, თუ:
 ა) არ აკმაყოფილებს ამ ინსტრუქციის პირველი მუხლის პირველი პუნქტის მოთხოვნებს ;
 ბ) განცხადება არასრულყოფილად არის შევსებული;
 გ) განცხადებაში დაფიქსირებული მონაცემები არ შეესაბამება რეალურად არსებულს.
8. თუ პირის მიერ ფიქსირებული გადასახადის გადამხდელის სტატუსის მინიჭებასთან ერთად განცხადებით (დანართი ?1) მოთხოვნილ იქნა მიკრო/მცირე ბიზნესის სტატუსის გაუქმება და პირს უარი ეთქვა ფიქსირებული გადასახადის გადამხდელის სტატუსის მინიჭებაზე, მიკრო/მცირე ბიზნესის სტატუსი გაუქმებას არ ექვემდებარება.
    მუხლი 3. ფიქსირებული გადასახადი და დაბეგვრის სხვა სპეციალური რეჟიმები
1. საქართველოს მთავრობის მიერ ფიქსირებული გადასახადით დასაბეგრი საქმიანობის განსაზღვრის შემდეგ აღნიშნული საქმიანობ(ებ)ის განმახორცილებელ პირებზე არ გაიცემა მიკრო და მცირე ბიზნესის სტატუსი.
2. თუ ფიზიკური პირი, დამატებით ახორციელებს სხვა საქმიანობას და აკმაყოფილებს საგადასახადო კანონმდებლობით დადგენილ მოთხოვნებს, უფლება აქვს ფიქსირებული გადასახადით დაბეგვრის რეჟიმთან ერთად დამატებით განხორციელებული საქმიანობის ნაწილში ისარგებლოს სპეციალური დაბეგვრის სხვა რეჟიმით (მიკრო ან მცირე ბიზნესის სპეციალური დაბეგვრის რეჟიმებით).
3. ფიქსირებული გადასახადის გადამხდელის მიერ დამატებით განხორციელებული საქმიანობის ნაწილში მიკრო ან მცირე ბიზნესის სტატუსის მიღების შემთხვევაში მიკრო/მცირე ბიზნესისათვის დადგენილი წლიური ერთობლივი შემოსავლის ზღვრული ოდენობის განსაზღვრისას გაითვალისწინება ფიქსირებული გადასახადით დასაბეგრი საქმიანობიდან მიღებული ერთობლივი შემოსავალი.
    მუხლი 4. ფიქსირებული გადასახადის გადამხდელის საგადასახადო ანგარიშგების და გადახდის წესი
1. ფიქსირებული გადასახადის განაკვეთი საქართველოს მთავრობის მიერ განსაზღვრული საქმიანობის სახეების მიხედვით შეიძლება იყოს ? დაბეგვრის ობიექტზე ? 1 ლარიდან 2000 ლარის ფარგლებში.
2. ფიქსირებული გადასახადის საანგარიშო პერიოდია კალენდარული თვე.
3. ფიქსირებული გადასახადის გადახდა ხორციელდება საანგარიშო თვის დაწყებამდე, გადახდის მომენტისათის არსებული განაკვეთის შესაბამისად.
4. საგადასახადო ორგანოს მიერ ფიქსირებულ გადასახადზე გადასვლის თაობაზე შესაბამისი სერტიფიკატის გაცემის შემთხვევაში, პირის ფიქსირებულ გადასახადზე გადასვლის თაობაზე განცხადება წარმოადგენს გაანგარიშებას და მასში მითითებული დაბეგვრის ობიექტის მიხედვით ფიქსირებული გადასახადის გადამხდელის სტატუსის მინიჭების თვის მომდევნო თვიდან ფიქსირებული გადასახადის დარიცხვის საფუძველს.
5. ფიქსირებული გადასახადის გადამხდელი არ იხდის მიმდინარე გადასახდელებს ფიქსირებული გადასახადის მიხედვით.
6. ფიქსირებული გადასახადით დაბეგვრის პერიოდში ფიქსირებული გადასახდის გადამხდელი პირი აღნიშნული საქმიანობიდან მიღებულ შემოსავალზე საგადასახადო ორგანოს არ წარუდგენს საშემოსავლო/მოგების გადასახადის შესახებ დეკლარაციას.
7. იმ შემთხვევაში თუ იცვლება განცხადებაში დაფიქსირებული ფიქსირებული გადასახადით დასაბეგრი საქმიანობის სახე ან/და ობიექტის რაოდენობა, გადასახადის გადამხდელი ვალდებულია განცხადებით (დანართი ?1) მიმართოს საგადასახადო ორგანოს ცვლილების მოთხოვნით, რის შემდეგაც დარიცხვა მომდევნო საანგარიშო პერიოდიდან უნდა განხორციელდეს შემდგომ წარდგენილ განცხადებაში დაფიქსირებული მონაცემების შესაბამისად. ფიქსირებული გადასახადით დასაბეგრი საქმიანობის სახის დამატების შემთხვევაში გადამხდელზე გაიცემა ახალი სერტიფიკატი, ხოლო ძველი სერტიფიკატი ექვემდებარება საგადასახადო ორგანოსათვის დაბრუნებას.
8. ფიქსირებული გადასახადით დასაბეგრი საქმიანობის მისამართის შეცვლის შემთხვევაში გადასახადის გადამხდელი ვალდებულია ცვლილებებამდე აცნობოს საგადასახადო ორგანოს.
9. დარიცხული ფიქსირებული გადასახადი შესაბამისი საანგარიშო თვის დადგომის შემდეგ ფიქსირებული გადასახადით დასაბეგრი ობიექტის შემცირების/ფიქსირებული გადასახადით დასაბეგრი საქმიანობის შეწყვეტის ან/და ფიქსირებული გადასახადის განაკვეთის ცვლილების შემთხვევაში გადაანგარიშებას არ ექვემდებარება.
    მუხლი 5. ფიქსირებული გადასახადის გადამხდელის ვალდებულებები
1. ფიქსირებული გადასახადის გადამხდელი ვალდებულია მისთვის ან მის მიერ პირველადი საგადასახადო დოკუმენტის გამოწერის შემთხვევაში შეინახოს აღნიშნული დოკუმენტი.
2. ფიქსირებული გადასახადის გადამხდელი არ თავისუფლდება გადახდის წყაროსთან გადასახადის დაკავების ვალდებულებისაგან.
    მუხლი 6. ფიქსირებული გადასახადით დასაბეგრი საქმიანობის შეჩერება
1. ფიქსირებული გადასახადის გადამხდელი უფლებამოსილია ფიქსირებული გადასახადით დასაბეგრი საქმიანობის შეჩერების შემთხვევაში განცხადებით (დანართი ?3) მიმართოს საგადასახადო ორგანოს.
2. ფიქსირებული გადასახადით დასაბეგრი საქმიანობის შეჩერების პერიოდში პირს არ დაერიცხება ფიქსირებული გადასახადი.
3. საქმიანობის განახლების შემთხვევაში პირი ვალდებულია აცნობოს საგადასახადო ორგანოს (დანართი ?3) და გადაიხადოს ფიქსირებული გადასახადი.
4. ფიქსირებული გადასახადით დასაბეგრი საქმიანობის შეჩერების პერიოდში საქმიანობის ფაქტობრივად გაგრძელების შემთხვევაში, შესაბამისი საგადასახადო ვალდებულებების შეუსრულებლობისას პირს დაეკისრება საგადასახადო კანონმდებლობით დადგენილი პასუხისმგებლობა.
    მუხლი 7. ფიქსირებული გადასახადის გადამხდელის სტატუსის გაუქმება
1. ფიქსირებული გადასახადის გადამხდელის სტატუსი უქმდება, თუ:
ა) პირი წყვეტს ფიქსირებული გადასახადით დასაბეგრ საქმიანობას;
ბ) პირი საგადასახადო ორგანოს მიმართავს ფიქსირებული გადასახადის გადამხდელის სტატუსის გაუქმების მოთხოვნით;
გ) პირი ახორციელებს საქართველოს მთავრობის მიერ ფიქსირებული გადასახადის გადამხდელისთვის ნებადართული დამატებითი საქმიანობისგან განსხვავებულ საქმიანობას;
დ) საქართველოს მთავრობის მიერ ფიქსირებული გადასახადის გადამხდელისთვის ნებადართული დამატებითი საქმიანობის ნაწილში პირს წარმოეშვა დამატებული ღირებულების გადასახადის გადამხდელად რეგისტრაციის ვალდებულება ან ნებაყოფლობით გატარდა დამატებული ღირებულების გადასახადის გადამხდელად რეგისტრაციაში.
2. ფიქსირებული გადასახადის გადამხდელის სტატუსის გაუქმების ერთ-ერთი პირობის (გარდა ამ მუხლის პირველი ნაწილის "ბ" ქვეპუნქტისა) დადგომისას პირი ვალდებულია ფიქსირებული გადასახადის გადამხდელის სტატუსის გაუქმების მიზნით განცხადებით (დანართი ?4) მიმართოს საგადასახადო ორგანოს შესაბამისი პირობის დადგომიდან არა უგვიანეს 10 სამუშაო დღისა.
3. ფიქსირებული გადასახადის გადამხდელის სტატუსი გაუქმებულად ითვლება ამ მუხლის პირველი ნაწილით გათვალისწინებული ფიქსირებული გადასახადის გადამხდელის სტატუსის გაუქმების პირობის დადგომის დღიდან.
    მუხლი 8. ფიქსირებული გადასახადის გადამხდელის სტატუსის მქონე პირთა რეესტრი
ფიქსირებული გადასახადის გადამხდელის სტატუსის მქონე პირიდან შეძენილ საქონელზე/მომსახურებაზე გაწეული ხარჯის იდენტიფიცირების მიზნით, საჯარო სამართლის იურიდიული პირი - შემოსავლების სამსახური (შემდგომში - შემოსავლების სამსახური) აწარმოებს საგადასახადო წლისათვის ფიქსირებული გადასახადის გადამხდელის სტატუსის მქონე პირების ერთიან რეესტრს, რომელიც განთავსდება შემოსავლების სამსახურის ვებგვერდზე.
    მუხლი 9. ფიქსირებული გადასახადის გადამხდელის საგადასახადო კონტროლი
საგადასახადო ორგანოს უფლება აქვს ფიქსირებული გადასახადის გადამხდელის მიმართ განახორციელოს საგადასახადო კონტროლის ღონისძიებები.
    მუხლი 10. გარდამავალი დებულებები
1. მიკრო/მცირე ბიზნესის სტატუსის მქონე პირის მიერ ფიქსირებული გადასახადით დასაბეგრი საქმიანობის ნაწილში მიკრო/მცირე ბიზნესის სტატუსის გაუქმებისა და ფიქსირებული გადასახადის გადამხდელის სტატუსზე გადასვლის შემთხვევაში, საანგარიშო წლის დაწყებიდან მიკრო/მცირე ბიზნესის სტატუსის გაუქმებამდე პერიოდში მიღებული შემოსავალი ექვემდებარება დაბეგვრას მიკრო/მცირე ბიზნესისათვის დადგენილი რეჟიმით.
2. ამ მუხლის პირველი პუნქტით გათვალისწინებულ შემთხვევაში მიკრო/მცირე ბიზნესის სტატუსის მქონე პირებს ფიქსირებული გადასახადით დაბეგვრის რეჟიმზე გადასვლის მიზნით განცხადებით მომართვის დღიდან ფიქსირებული გადასახადის გადამხდელად დადგომის დღემდე უნარჩუნდებათ მიკრო/მცირე ბიზნესის სტატუსი.

მაგალითი 1
ინდივიდუალურ მეწარმეს, რომელიც ახორციელებს "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილების ?6 დანართით განსაზღვრულ ფიქსირებული გადასახადით დასაბეგრ საქმიანობას, სურს გადავიდეს ფიქსირებული გადასახადით დაბეგვრის რეჟიმზე. ამასთან, პირი არ არის დღგ-ის გადამხდელი.
2012 წლის 20 მარტს მეწარმემ განცხადებით მიმართა საგადასახადო ორგანოს ფიქსირებული გადასახადის გადამხდელად რეგისტრაციის მოთხოვნით. საგადასახადო ორგანომ განიხილა პირის განცხადება და 2012 წლის 25 მარტს პირს მიანიჭა ფიქსირებული გადასახადის გადამხდელის სტატუსი.
დასკვნა: ასეთ შემთხვევაში პირი ფიქსირებული გადასახადის გადამხდელად ითვლება 2012 წლის 1 აპრილიდან, ხოლო ფიქსირებული გადასახადი გადახდილი უნდა იქნეს 2012 წლის 1 აპრილამდე.

მაგალითი 2
შპს-ს, რომელიც ეწევა სარესტორნო მომსახურებას, გააჩნია საკუთარი თონე, რომლის საშუალებითაც ხორციელდება პურის გამოცხობა, საწარმო ახდენს ამგვარი წესით გამოცხობილი პურის როგორც ცალკე საქონლის მიწოდებას (რეალიზაციას), ისე იყენებს სარესტორნო მომსახურების გაწევაში და მისი ფასი ჩართულია კლიენტისათვის გაწეული მომსახურების საბოლოო ღირებულებაში.
შპს-მ განცხადებით მიმართა საგადასახადო ორგანოს ფიქსირებული გადასახადის გადამხდელის სტატუსის მინიჭების მიზნით. ვინაიდან საწარმო ფიქსირებული გადასახადით დასაბეგრი საქმიანობიდან მიღებულ საქონელს იყენებს მის მიერ სხვა რეჟიმით დასაბეგრ საქმიანობაში, მას არ მიენიჭება ფიქსირებული გადასახადის გადამხდელის სტატუსი.

მაგალითი 3
პირი ახორციელებს "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილების ?6 დანართით განსაზღვრულ ფიქსირებული გადასახადით დასაბეგრ საქმიანობას და დამატებით ეწევა სარემონტო მომსახურებას. პირს სურს მიიღოს ფიქსირებული გადასახადის გადამხდელის სტატუსი ძირითად საქმიანობაზე, ხოლო დამატებით განხორციელებული საქმიანობის ნაწილში ისარგებლოს მცირე ბიზნესის სტატუსით. პირი არ არის დღგ-ის გადამხდელი.
ასეთ შემთხვევაში პირმა განცხადებით უნდა მიმართოს საგადასახადო ორგანოს ფიქსირებულ გადასახადზე გადასვლის მოთხოვნით და დამატებით განხორციელებული (სარემონტო მომსახურება) საქმიანობის ნაწილში მცირე ბიზნესის სტატუსის მინიჭების თაობაზე. ამასთან, ფიქსირებული გადასახადით დასაბეგრი საქმიანობიდან მიღებული შემოსავალი გათვალისწინებული იქნება მცირე ბიზნესის 100 000 ლარამდე ერთობლივი შემოსავლის ოდენობის დათვლისას.

მაგალითი 4
პირს აქვს თონე და პურის ცხობასთან ერთად თონეში აცხობს და ყიდის ლობიანს. იგი ასევე დამატებით ახორციელებს თონით მომსახურებას (მაგ., გოჭის შეწვა) და სურს გადავიდეს ფიქსირებული გადასახადით დაბეგვრის რეჟიმზე.
ასეთ შემთხვევაში პირს შეუძლია მიმართოს საგადასახადო ორგანოს ფიქსირებული გადასახადის გადამხდელად რეგისტრაციის მოთხოვნით. პირს ფიქსირებული გადასახადის გადამხდელის სტატუსი მიენიჭება თონეზე და იგი შეზღუდული არ არის აღნიშნული სტატუსის ფარგლებში პურთან ერთად გაყიდოს მის მიერ გამომცხვარი ლობიანი, პურისათვის მოზელილი ცომი ან თონეში შეწვას გოჭი.


დანართი ?1

----------------------------------------------
(საგადასახადო ორგანოს დასახელება)

----------------------------------------------
(გადასახადის გადამხდელის დასახელება/სახელი და გვარი)

                                        
                                                   

საიდენტიფიკაციო/პირადი ნომერი

-----------------------------------
 (მისამართი)

გ ა ნ ც ხ ა დ ე ბ ა
ფიქსირებულ გადასახადზე გადასვლის/ ფიქსირებულ გადასახადით დასაბეგრი საქმიანობის/ობიექტის რაოდენობის ცვლილების თაობაზე

გაცნობებთ, რომ ვეწევი --------------------------------------- საქმიანობას.
(საქმიანობ(ებ)ის სახე)

?    საქმიანობის სახე    დაბეგვრის ობიექტი    ობიექტის რაოდენობა    ობიექტის მისამართი    გადასახადის განაკვეთი ობიექტზე    კუთვნილი გადასახადი
(4 X 6)    შენიშვნა
 1    2    3    4    5    6    7   
                           
                           
                                  
                                                                                                                                                    ჯამი        

შენიშვნა:
ა) ობიექტის დამატების შემთხვევაში ახალ განცხადებაში მონაცემები მიეთითება სრულად, წინა განცხადების გათვალისწინებით;
ბ) საქმიანობის სახის ცვლილების შემთხვევაში ფიქსირებული გადასახადის გადამხდელის სერტიფიკატი ექვემდებარება საგადასახადო ორგანოსათვის დაბრუნებას.
გთხოვთ
მომანიჭოთ ფიქსირებული გადასახადის გადამხდელის სტატუსი

გამიუქმოთ:

? მიკრობიზნესის სტატუსი და ჩაიბაროთ მიკრობიზნესის ? ---- სერტიფიკატი

? მცირე ბიზნესის სტატუსი და ჩაიბაროთ მცირე ბიზნესის ? ---- სერტიფიკატი.

 ხელმოწერა . . . . . . . . . . . . . .
 თარიღი " -- " "-------" 20 წელი
 

დანართი ?2
საჯარო სამართლის იურიდიული პირი - შემოსავლების სამსახური
ფიქსირებული გადასახადის გადამხდელის
ს ე რ ტ ი ფ ი კ ა ტ ი ?
სერტიფიკატით დასტურდება, რომ

პირს -------------------------------------------------------------
(დასახელება/სახელი და გვარი)
 
                                                   
საიდენტიფიკაციო/ პირადი ნომერი
 
------------------------------------------------------------------
(საქმიანობის სახე(ები))
მინიჭებული აქვს ფიქსირებული გადასახადის გადამხდელის სტატუსი


სერტიფიკატის გაცემის თარიღი                                                         " -- " "-------" 20 წელი
პირი ფიქსირებული გადასახადის გადამხდელია                            
                                                                                                    "01" "--------" 20 წლიდან

უფლებამოსილი პირის ხელმოწერა                                                             /                        /

დანართი ?3

----------------------------------------------
(საგადასახადო ორგანოს დასახელება)

--------------------------------------------------------------------
(გადასახადის გადამხდელის დასახელება/სახელი და გვარი)
 
                                       
                                                   

საიდენტიფიკაციო/პირადი ნომერი

-----------------------------------
 (მისამართი)

გ ა ნ ც ხ ა დ ე ბ ა
ფიქსირებული გადასახადით დასაბეგრი საქმიანობის შეჩერების/განახლების შესახებ

 გაცნობებთ, რომ

? შევაჩერე

?  განვაახლე

ფიქსირებული გადასახადით დასაბეგრი საქმიანობა ........................................
 (საქმიანობის სახე)

საქმიანობ(ებ)ის ნაწილში.

საქმიანობის შეჩერების/ განახლების თარიღი                             20.. წლის ..... თვიდან

ხელმოწერა . . . . . . . . . . . . . . . . . .

თარიღი " -- " "-------" 20 წელი


დანართი ?4

----------------------------------------------
(საგადასახადო ორგანოს დასახელება)

----------------------------------------------
(გადასახადის გადამხდელის დასახელება/სახელი და გვარი)
 
                                       
                                                   

საიდენტიფიკაციო/პირადი ნომერი

-----------------------------------
 (მისამართი)
გ ა ნ ც ხ ა დ ე ბ ა
ფიქსირებული გადასახადის გადამხდელის სტატუსის გაუქმების შესახებ


გთხოვთ გამიუქმოთ ფიქსირებული გადასახადის გადამხდელის სტატუსი
----------------------- საქმიანობის ნაწილში.
 (საქმიანობის სახე)

სტატუსის გაუქმების მიზეზი:

?  მსურს გავიუქმო ფიქსირებული გადასახადის გადამხდელის სტატუსი

?  --- --------- 20-- წ. შევწყვიტე/ვწყვეტ ფიქსირებული გადასახადით დასაბეგრ საქმიანობას;
?  --- --------- 20-- წ. ვახორციელებ/განვახორციელებ საქართველოს მთავრობის მიერ ფიქსირებული გადასახადის გადამხდელისთვის ნებადართული დამატებითი საქმიანობისგან განსხვავებულ საქმიანობას;
?  --- --------- 20-- წ. საქართველოს მთავრობის მიერ ფიქსირებული გადასახადის გადამხდელისთვის ნებადართული დამატებითი საქმიანობის ნაწილში წარმომეშვა დამატებული ღირებულების გადასახადის გადამხდელად რეგისტრაციის ვალდებულება;
?  --- --------- 20-- წ. ნებაყოფლობით გავიარე დამატებული ღირებულების გადასახადის გადამხდელად რეგისტრაცია.

 ხელმოწერა . . . . . . . . . . . . . . . . . .

თარიღი " -- " "-------" 20 წელი".

მუხლი 2. ეს ბრძანება ამოქმედდეს გამოქვეყნებისთანავე.
მინისტრის მოვალეობის შემსრულებელი                 პ. პეტრიაშვილი

(ვებ პორტალი წწწ.მატსნე.გოვ.გე 21.03.2012 ß.)

6. საქართველოს მთავრობის დადგენილება #97
2012 წლის 23 მარტი
ქ. თბილისი
"სპეციალური დაბეგვრის რეჟიმების შესახებ" საქართველოს მთავრობის  2010 წლის 29 დეკემბრის ?415 დადგენილებაში ცვლილების შეტანის თაობაზე
მუხლი 1. "ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, შეტანილ იქნეს ცვლილება "სპეციალური დაბეგვრის რეჟიმების შესახებ" საქართველოს მთავრობის 2010 წლის 29 დეკემბრის ?415 დადგენილებაში (სსმ, 2010 წელი, მუხლი 1827) და ?6 დანართის:
1. პირველი გრაფა ჩამოყალიბდეს შემდეგი რედაქციით:


"1     თონეში წარმოებული/საწარმოებელი (ნახევარფაბრიკატი) საქონლის მიწოდება ან/და თონეთი გაწეული მომსახურება    თონე    კალენდარული თვე   
50 ლარი
(ერთ თონეზე)".


2. პირველი გრაფის შემდეგ დაემატოს შემდეგი შინაარსის მე-2 და მე-3 გრაფები:


"2     თმის შეჭრის, შესწორების, დაწყობის, შეღებვის, დახვევის, გასწორების, გაპარსვის, წვერის შესწორების, მაკიაჟის, სახის მასაჟის, წარბების კორექციის, ეპილაციის, დეპილაციის, მომსახურება    სამუშაო ადგილი (სკამი/მაგიდა/ სავარძელი)    კალენდარული თვე    ერთ სამუშაო ადგილზე (სკამი/მაგიდა/ სავარძელი) -  50 ლარი
3    მანიკიურის და პედიკიურის  მომსახურება    სამუშაო ადგილი (სკამი/მაგიდა)    კალენდარული თვე    ერთ სამუშაო ადგილზე (სკამი/მაგიდა) - 30 ლარი".

3. შენიშვნის მე-3 პუნქტი ამოღებულ იქნეს.
მუხლი 2. პირებს, რომლებსაც ამ დადგენილების პირველი მუხლის მე-2 პუნქტით გათვალისწინებული ფიქსირებული გადასახადით დასაბეგრი საქმიანობისათვის მინიჭებული აქვთ მიკრო/მცირე ბიზნესის სტატუსი ამ დადგენილების ძალაში შესვლამდე, უნარჩუნდებათ მინიჭებული სტატუსი.
მუხლი 3. დადგენილება ამოქმედდეს გამოქვეყნებისთანავე.
პრემიერ-მინისტრი                        ნ. გილაური


(ვებ პორტალი წწწ.მატსნე.გოვ.გე 26.03.2012 ß.)

7. შემოსავლების სამსახურის უფროსის ბრძანება #4830
2012 წლის 26 მარტი
ქ. თბილისი
საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში განხილვის რეგლამენტის დამტკიცების შესახებ
საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში წინასწარი განხილვის მიზნით, "საჯარო სამართლის იურიდიული პირის - შემოსავლების სამსახურის დებულების დამტკიცების შესახებ" საქართველოს ფინანსთა მინისტრის 2011 წლის 23 მაისის ?303 ბრძანებით დამტკიცებული შემოსავლების სამსახურის დებულების მე-3 მუხლის მე-2 პუნქტის "ზ" და "უ" ქვეპუნქტების საფუძველზე, ვბრძანებ:
1. დამტკიცდეს "საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში განხილვის რეგლამენტი".
2. ამ ბრძანების ამოქმედებისთანავე ძალადაკარგულად გამოცხადდეს "საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში განხილვის რეგლამენტის დამტკიცების შესახებ" შემოსავლების სამსახურის უფროსის 2012 წლის 2 თებერვლის ?1161 ბრძანება.
3. ეს ბრძანება ამოქმედდეს ხელმოწერისთანავე.
სამსახურის უფროსი                                                                   ჯ. ებანოიძე
საგადასახადო შემოწმების შედეგებზე გადასახადის გადამხდელის მიერ წარდგენილი პოზიციის აუდიტის დეპარტამენტში განხილვის რეგლამენტი
    მუხლი 1. ზოგადი დებულებები
1. ეს რეგლამენტი განსაზღვრავს აუდიტის დეპარტამენტის მიერ ჩატარებული საგადასახადო შემოწმების (შემდგომში - საგადასახადო შემოწმება) შედეგებზე შედგენილი შემოწმების აქტის პროექტთან (შემდგომში - აქტის პროექტი) დაკავშირებით აუდიტის დეპარტამენტის სათათბირო საბჭოზე (შემდგომში - სათათბირო საბჭო) გადასახადის გადამხდელის ან/და მისი წარმომადგენლის (შემდგომში - გადამხდელი) წერილობითი/ელექტრონული პოზიციის (შემდგომში - გადამხდელის პოზიცია) განხილვის პროცედურებს.
2. სათათბირო საბჭოს რიცხოვნობას და პერსონალურ შემადგენლობას განსაზღვრავს აუდიტის დეპარტამენტის უფროსი.
3. სათათბირო საბჭოს თავმჯდომარეობს აუდიტის დეპარტამენტის უფროსი, მისი არყოფნის შემთხვევაში სათათბირო საბჭოს თავმჯდომარის მოვალეობას ასრულებს აუდიტის დეპარტამენტის უფროსის ერთ-ერთი მოადგილე.
4. სათათბირო საბჭოს საქმიანობის ორგანიზებას, სათათბირო საბჭოზე განსახილველი გადამხდელთა პოზიციების (დღის წესრიგის) მომზადებასა და განხილვის ოქმების (შემდგომში - სხდომის ოქმი) სისტემატიზაციას წერილობითი ან/და ელექტრონული ფორმით უზრუნველყოფს აუდიტის დეპარტამენტის ხარისხის კონტროლის სამმართველო (შემდგომში - ხარისხის კონტროლის სამმართველო).
5. სათათბირო საბჭო განიხილავს აქტის პროექტთან დაკავშირებით წარდგენილ გადამხდელის დასაბუთებულ პოზიციას, რომლითაც იგი სრულად ან ცალკეული ეპიზოდების მიხედვით არ ეთანხმება აქტის პროექტს სათანადო საფუძვლებზე მითითებით და რომელიც აუდიტის დეპარტამენტში წარდგენილია შეტყობინების და აქტის პროექტის გადამხდელის მიერ ჩაბარებიდან/გაცნობიდან 5 სამუშაო დღის ვადაში.
6. გადამხდელის პოზიცია სათათბირო საბჭოზე არ განიხილება (გარდა ამ რეგლამენტის მე-6 მუხლით გათვალისწინებული შემთხვევისა), თუ სახეზეა ერთ-ერთი ქვემოთ მოყვანილი პირობა:
ა) გადამხდელის პოზიცია აუდიტის დეპარტამენტში წარდგენილია ამ მუხლის მე-5 პუნქტით განსაზღვრული ვადის დარღვევით;
ბ) წარდგენილია გადამხდელის წერილობითი ინფორმაცია, სადაც ფიქსირდება აქტის პროექტთან დაკავშირებით პოზიციის წარდგენის განზრახულობის ან წარდგენის ვადის გაგრძელების შესახებ და არაა მითითებული მისი წარდგენის კონკრეტული ვადა. ამასთან, გადამხდელის პოზიცია აუდიტის დეპარტამენში არაა წარდგენილი ამ მუხლის მე-5 პუნქტის მოთხოვნათა დაცვით;
გ) გადამხდელის პოზიცია ან მასზე თანდართული დოკუმენტი არ არის შედგენილი საქართველოს სახელმწიფო ენაზე;
დ) გადამხდელი სრულად ეთანხმება აქტის პროექტს;
ე) გადამხდელის პოზიცია წარდგენილია არაუფლებამოსილი პირის მიერ;
ვ) გადამხდელის პოზიცია უკვე განხილულია სათათბირო საბჭოზე და სათათბირო საბჭოს სხდომის ოქმი წარდგენილია შემოსავლების სამსახურის მედიაციის საბჭოზე განსახილველად ან შემოსავლების სამსახურის მედიაციის საბჭოს მიერ მიღებულია აღნიშნულ საკითხზე საოქმო გადაწყვეტილება;
ზ) გადამხდელის მიერ სრულად/ნაწილობრივ არის აღიარებული საქართველოს საგადასახადო კოდექსის 49-ე მუხლის მე-6 ნაწილით გათვალისწინებული პირის მიერ ჩატარებული ალტერნატიული საგადასახადო შემოწმების შედეგებზე შედგენილი აქტით/დასკვნით განსაზღვრული საგადასახადო ვალდებულებები, საქართველოს ფინანსთა მინისტრის მიერ დადგენილი წესით. ამ შემთხვევაში გადამხდელის პოზიცია არ განიხილება აღიარებულ ნაწილში.
7. აქტის პროექტთან დაკავშირებით გადამხდელის მიერ სხვადასხვა პოზიციის წარდგენის შემთხვევაში, სათათბირო საბჭოზე არსებითად განხილვას ექვემდებარება ამ მუხლის მე-5 პუნქტით განსაზღვრული ვადის გასვლამდე წარდგენილი ბოლო პოზიცია, მიუხედავად ადრინდელი პოზიციების არსებობისა. სათათბირო საბჭოს მიერ ასევე შესაძლებელია განხილულ იქნეს აქტის პროექტთან დაკავშირებული ის საკითხებიც, რომლებიც არ არის აღნიშნული გადამხდელის პოზიციაში.
8. გადამხდელს უფლება აქვს შეტყობინებისა და აქტის პროექტის მიღებიდან 5 სამუშაო დღის ვადაში პირადად ან წარმომადგენლის მეშვეობით, ან ელექტრონული ფოსტით აუდიტის დეპარტამენტს წარუდგინოს გადამხდელის პოზიცია აქტის პროექტთან დაკავშირებით შესაბამის მასალებთან/მტკიცებულებებთან ერთად (ასეთის არსებობისას) ან მიმართოს აუდიტის დეპარტამენტს გადამხდელის პოზიციის წარდგენის ვადის გაგრძელების თხოვნით (კონკრეტული ვადის მითითებით).
9. გადამხდელის პოზიცია ან ვადის გაგრძელების შესახებ მიმართვა ვადაში წარდგენილად ჩაითვლება იმ შემთხვევაშიც, თუ ამ მუხლის მე-5 პუნქტით განსაზღვრულ ვადაში ჩაბარდა ფოსტას ან წარდგენილ იქნა შემოსავლების სამსახურის სხვა სტრუქტურულ ერთეულში. ამასთან, შემოსავლების სამსახურის შესაბამისი სტრუქტურული ერთეული გადამხდელის პოზიციას ან მიმართვას ვადის გაგრძელებაზე, თანდართულ მასალებთან ერთად (ასეთის არსებობისას), დაუყოვნებლივ უგზავნის აუდიტის დეპარტამენტს.
10. აუდიტის დეპარტამენტის ხელმძღვანელობის გადაწყვეტილების საფუძველზე, გადამხდელს უფლება აქვს დაესწროს სათათბირო საბჭოს სხდომას პირადად ან/და წარმომადგენლის მეშვეობით. ამასთან, მოთხოვნის შემთხვევაში, უფლებამოსილი წარმომადგენელი ვალდებულია, პოზიციასთან ერთად, სათათბირო საბჭოს წარუდგინოს შესაბამისი უფლებამოსილების დამადასტურებელი დოკუმენტი.
11. სათათბირო საბჭოს წევრმა, გადასახადის გადამხდელმა/წარმომადგენელმა ან/და სხვა მოწვეულმა პირმა (ასეთის არსებობისას) შესაძლებელია სათათბირო საბჭოს სხდომაზე მონაწილეობა მიიღოს ელექტრონული კომუნიკაციების საშუალებით (ვიდეოჩართვის გზით).
12. სათათბირო საბჭოზე გადამხდელის პოზიცია განიხილება, მიუხედავად იმისა, იგი მონაწილეობს თუ არა სათათბირო საბჭოს სხდომაზე საკითხის განხილვაში. თუ გადამხდელი არ მონაწილეობს სათათბირო საბჭოს სხდომაზე საკითხის განხილვაში, ასეთ შემთხვევაში სათათბირო საბჭოს სხდომაზე ინფორმაციას წარადგენს საგადასახადო შემოწმების ჩამტარებელი აუდიტორი (შემდგომში - აუდიტორი). 
13. სათათბირო საბჭოს სხდომაზე საკითხის განხილვაში სავალდებულო წესით უნდა მონაწილეობდეს აუდიტორი, მათ შორის, ელექტრონული კომუნიკაციების საშუალებით (ვიდეო ჩართვის გზით). ამასთან, აუდიტორის არყოფნის შემთხვევაში სათათბირო საბჭოს სხდომაზე საკითხის განხილვაში მონაწილეობს საგადასახადო შემოწმების ჩამტარებელი შესაბამისი სამმართველოს უფროსი.
    მუხლი 2. აქტის პროექტისა და აუდიტის დეპარტამენტის შეტყობინების მომზადება და გადამხდელისათვის გაცნობა
1. საგადასახადო შემოწმების შედეგებზე გადამხდელს წერილობით/ელექტრონული ფოსტით ეგზავნება/გადაეცემა აუდიტის დეპარტამენტის შეტყობინება შემოსავლების სამსახურის უფროსის მიერ დამტკიცებული ფორმის შესაბამისად და აქტის პროექტი, აგრეთვე არსებობის შემთხვევაში ის მასალები, რომლებიც წარმოადგენს გადასახადების, მოსაკრებლების ან/და სანქციის (შემდგომში -თანხები) დარიცხვის საფუძველს, თუ კანონმდებლობით არ არის შეზღუდული მათი გადამხდელისათვის გაცნობა.
2. გადამხდელს უფლება აქვს ამ რეგლამენტის პირველი მუხლის მე-5 პუნქტით განსაზღვრული ვადის გასვლამდე მიმართოს აუდიტის დეპარტამენტს საგადასახადო შემოწმების ჩატარებისას გადამხდელისაგან ამოღებული საბუღალტრო ან/და პირველადი საგადასახადო დოკუმენტების გაცნობის ან მათი ასლების გადაცემის თაობაზე, რომელიც საჭიროა აქტის პროექტთან დაკავშირებით გადამხდელის პოზიციის მომზადებისათვის. აუდიტის დეპარტამენტი გადამხდელს აცნობს მოთხოვნილ დოკუმენტაციას ან გადასცემს მათ ასლებს. აღნიშნულ შემთხვევაში, გადამხდელის პოზიციის წარდგენისათვის ამ რეგლამენტის პირველი მუხლის მე-5 პუნქტით განსაზღვრული ვადა აითვლება მოთხოვნილი დოკუმენტაციის გადამხდელისათვის გაცნობის ან ასლების გადაცემის დღიდან.
3. აქტის პროექტი მზადდება აუდიტორის მიერ, რომელიც არსებითად (დამატებით დასარიცხი/შესამცირებელი საგადასახადო ვალდებულებების კანონმდებლობასთან შესაბამისობის ნაწილში) შეთანხმებული უნდა იყოს საგადასახადო შემოწმების ჩამტარებელი შესაბამისი სამმართველოს უფროსთან. ამასთან, აქტის პროექტში ყოველ გვერდზე მიეთითება "პროექტი" და არ ხდება მისი დამოწმება აუდიტორის ხელმოწერით.
4. შეტყობინება და აქტის პროექტის ერთი ეგზემპლარი, აგრეთვე შესაბამისი მასალები (ასეთის არსებობისას) გადამხდელს გადაეცემა:
ა) აუდიტორის მიერ - ხელზე, რაც უნდა დასტურდებოდეს შეტყობინების მეორე ეგზემპლარზე გადამხდელის ხელმოწერითა და თარიღის მითითებით. ამასთან, აქტის პროექტის შეთანხმებას შეტყობინების მეორე ეგზემპლარზე ხელმოწერით ადასტურებს საგადასახადო შემოწმების ჩამტარებელი შესაბამისი სამმართველოს უფროსი. დოკუმენტების გადამხდელისათვის გადაცემის შესახებ ინფორმაცია ელექტრონული ფორმით (დოკუმენტბრუნვის პროგრამის საშუალებით) ეცნობება აუდიტის დეპარტამენტის აუდიტის საქმისწარმოების სამმართველოს (შემდეგში - აუდიტის საქმისწარმოების სამმართველო), რომელიც ახორციელებს ამ მუხლის მე-5 პუნქტის "გ" ქვეპუნქტით გათვალისწინებულ პროცედურას;
ბ) აუდიტის საქმისწარმოების სამმართველოს მიერ, საგადასახადო შემოწმების ჩამტარებელი შესაბამისი სამმართველოს უფროსის სამსახურებრივი ბარათის საფუძველზე. ამასთან, აუდიტის საქმისწარმოების სამმართველო ახორციელებს ამ მუხლის მე-5 პუნქტით გათვალისწინებულ პროცედურებს.
გ) აუდიტორის მიერ - ელექტრონული ფოსტით გადამხდელის ავტორიზებულ ელექტრონულ მისამართზე. ინფორმაცია ელექტრონული ფორმით ეცნობება აუდიტის საქმისწარმოების სამმართველოს, რომელიც ახორციელებს ამ მუხლის მე-5 პუნქტის "გ" ქვეპუნქტით გათვალისწინებულ პროცედურას;
5. აუდიტის საქმისწარმოების სამმართველო, აქტის პროექტის მიღებიდან არა უგვიანეს 3 სამუშაო დღისა:
ა) ამზადებს შეტყობინებას შემოსავლების სამსახურის უფროსის მიერ დამტკიცებული ფორმის შესაბამისად, ორ ეგზემპლარად;
ბ) შეტყობინების ერთ ეგზემპლარს, აქტის პროექტთან და შესაბამის მასალებთან ერთად (ასეთის არსებობისას) უგზავნის გადამხდელს ფოსტით ან გადასცემს ხელზე, რაც უნდა დასტურდებოდეს შეტყობინების მეორე ეგზემპლარზე გადამხდელის ხელმოწერითა და თარიღის მითითებით;
გ) ამზადებს საგადასახადო შემოწმების შეჩერების თაობაზე აუდიტის დეპარტამენტის უფლებამოსილი პირის ბრძანების პროექტს.
6. ამ მუხლის მე-4 და მე-5 პუნქტებით გათვალისწინებულ შემთხვევებში, გადამხდელისათვის გაგზავნილი/გადაცემული შეტყობინება და აქტის პროექტი იმავდროულად ინფორმაციის სახით ელექტრონული ფორმით (დოკუმენტბრუნვის პროგრამის საშუალებით) ეცნობება ხარისხის კონტროლის სამმართველოს.
7. გადამხდელისათვის შეტყობინებისა და აქტის პროექტის გადაცემის/გაგზავნის შემდეგ გადამხდელის პოზიციის აუდიტის დეპარტამენტში წარდგენის ამ რეგლამენტის პირველი მუხლის მე-5 პუნქტით განსაზღვრული ვადის კონტროლს ახორციელებს აუდიტის საქმისწარმოების სამმართველო.
8. შეტყობინებისა და აქტის პროექტის გადამხდელის მიერ ჩაბარებიდან/გაცნობიდან 5 სამუშაო დღეში გადამხდელის პოზიციის ან ვადის გაგრძელების თაობაზე მიმართვის წარუდგენლობისას, აგრეთვე აქტის პროექტთან დაკავშირებით გადამხდელის თანხმობის წარდგენის შემთხვევაში, აუდიტის საქმისწარმოების სამმართველო აღნიშნული ვადის გასვლიდან არა უადრეს მე-5 და არაუგვიანეს მე-10 სამუშაო დღისა:
ა) ამზადებს საგადასახადო შემოწმების განახლების თაობაზე აუდიტის დეპარტამენტის უფლებამოსილი პირის ბრძანების პროექტს;
ბ) დაუყოვნებლივ აცნობებს ხარისხის კონტროლის სამმართველოს და აუდიტორს ამ პუნქტის "ა" ქვეპუნქტით გათვალისწინებული ბრძანების გამოცემის თაობაზე.
9. აუდიტორი საგადასახადო შემოწმების განახლების თაობაზე ბრძანების გაცნობიდან არა უგვიანეს 3 სამუშაო დღისა აფორმებს აქტს, რომელიც ეგზავნება გადამხდელს და ხარისხის კონტროლის სამმართველოს (ცნობის სახით),  რის შემდეგაც ხორციელდება საგადასახადო კანონმდებლობით დადგენილი შესაბამისი პროცედურები.

    მუხლი 3. სათათბირო საბჭოს სხდომის მომზადება
1. აქტის პროექტთან დაკავშირებით გადამხდელის წერილობითი /ელექტრონული პოზიცია შეიძლება შეტანილ/გაგზავნილ იქნეს აუდიტის დეპარტამენტში, მათ შორის, საფოსტო გზავნილით.
2. გადამხდელის პოზიცია აქტის პროექტთან დაკავშირებით ან მიმართვა ვადის გაგრძელების შესახებ, საქმისწარმოების დადგენილი წესების შესაბამისად (კანცელარიის მეშვეობით), გადაეცემა ხარისხის კონტროლის სამმართველოს, აუდიტორს და აუდიტის საქმისწარმოების სამმართველოს.
3. გადამხდელის პოზიციის წარდგენის ვადის გაგრძელების თხოვნით მიმართვის შემთხვევაში, ვადის გაგრძელების თაობაზე ხარისხის კონტროლის სამმართველოს მიერ ეცნობება გადამხდელს წერილობით ან ნებისმიერი სხვა საკომუნიკაციო საშუალებით (ტელეფონი, ფაქსი, ელექტრონული ფოსტა და სხვ.). აღნიშნულის შესახებ ელექტრონული ფორმით  (დოკუმენტბრუნვის პროგრამის საშუალებით) ასევე ეცნობება აუდიტის საქმისწარმოების სამმართველოს.
4. ამ მუხლის მე-3 პუნქტის შესაბამისად გადამხდელის პოზიციის წარდგენის ვადის გაგრძელებისას, დამატებით ვადაში გადამხდელის პოზიციის წარუდგენლობის ან აქტის პროექტთან დაკავშირებით გადამხდელის თანხმობის წარდგენის შემთხვევაში, დამატებითი ვადის გასვლიდან 5 სამუშაო დღეში ხორციელდება ამ რეგლამენტის მე-2 მუხლის მე-8 და მე-9 პუნქტებით გათვალისწინებული პროცედურები.
5. ხარისხის კონტროლის სამმართველო, აუდიტორისა და გადამხდელის მონაწილეობით, წარდგენილი პრეტენზიის ნაწილში წინასწარ განიხილავს: აქტის პროექტს, აქტის პროექტით გათვალისწინებული დარიცხვის/შემცირების შესაბამისობას კანონმდებლობასთან, გადამხდელის პოზიციას, არსებითი მნიშვნელობის მქონე ფაქტობრივ გარემოებებს და დამატებით წარდგენილ მტკიცებულებებს (ასეთის არსებობისას). ამასთან, განხილვა შესაძლებელია ჩატარდეს როგორც შეხვედრით, ისე სატელეფონო ან ელექტრონული კომუნიკაციების საშუალებით (ვიდეოჩართვის გზით). 
6. გადამხდელის პოზიციის წარდგენისას აუდიტის დეპარტამენტი (ხარისხის კონტროლის სამმართველო) ელექტრონული ფოსტით მიმართავს დავების დეპარტამენტს, რომელიც ვალდებულია მიმართვიდან ერთი სამუშაო დღის ვადაში აუდიტის დეპარტამენტს (ხარისხის კონტროლის სამმართველო) ელექტრონული ფოსტით მიაწოდოს ინფორმაცია აღნიშნულ საკითხზე არის თუ არა გადამხდელთან გაფორმებული საგადასახადო შეთანხმება.
7. ამ მუხლის მე-6 პუნქტით გათვალისწინებული ინფორმაციის მიღების შემდეგ, ხარისხის კონტროლის სამმართველო ამზადებს საკითხს სათათბირო საბჭოს სხდომაზე განსახილველად, რისთვისაც გადამხდელის პოზიციას, შესაბამის მასალებს (ასეთის არსებობისას) და დავების დეპარტამენტიდან მიღებულ ინფორმაციას, მიღების დღიდან არა უგვიანეს მომდევნო სამუშაო დღისა გადასცემს/უგზავნის (მათ შორის, ელექტრონული ფორმით) სათათბირო საბჭოს წევრებს.
8. სათათბირო საბჭოს თავმჯდომარე განსაზღვრავს სათათბირო საბჭოს სხდომის თარიღს (საათი, რიცხვი, თვე და წელი), მაგრამ არა უგვიანეს გადამხდელის პოზიციის მიღების დღიდან 15 სამუშაო დღისა. ხარისხის კონტროლის სამმართველო აცნობებს გადამხდელს (ამ რეგლამენტის პირველი მუხლის მე-10 პუნქტით გათვალისწინებულ შემთხვევაში), სათათბირო საბჭოს წევრებს, აუდიტორს და სხვა მოწვეულ პირებს (ასეთის არსებობისას) სხდომამდე არანაკლებ ერთი სამუშაო დღით ადრე, ნებისმიერი საკომუნიკაციო საშუალებით (ტელეფონი, ფაქსი, ელექტრონული ფოსტა და სხვ.).
9. სათათბირო საბჭოს სხდომის ჩატარებამდე ან უშუალოდ სათათბირო საბჭოს სხდომის მიმდინარეობისას გადამხდელის მიმართვის საფუძველზე ან სათათბირო საბჭოს თავმჯდომარის ინიციატივით, სათათბირო საბჭოს სხდომაზე საკითხის განხილვა შეიძლება გადაიდოს, რის შესახებაც ხარისხის კონტროლის სამმართველო აცნობებს გადამხდელს წერილობით ან ნებისმიერი სხვა საკომუნიკაციო საშუალებით (ტელეფონი, ფაქსი, ელექტრონული ფოსტა და სხვ.). აღნიშნულის შესახებ ასევე ეცნობება აუდიტის საქმისწარმოების სამმართველოს.
    მუხლი 4. სათათბირო საბჭოს სხდომაზე საკითხის განხილვა
1. სათათბირო საბჭოს სხდომას ხელმძღვანელობს სათათბირო საბჭოს თავმჯდომარე.
2. სათათბირო საბჭო უფლებამოსილია, თუ სხდომაზე მონაწილეობს სათათბირო საბჭოს წევრთა უმრავლესობა. სათათბირო საბჭოს სტუმრის სტატუსით შეიძლება მოწვეულ იქნეს დავების დეპარტამენტის წარმომადგენელი, რომელიც სრულფასოვან მონაწილეობას იღებს საკითხის განხილვაში. მოწვეული სტუმარი გადაწყვეტილების მიღებისას არ სარგებლობს ხმის უფლებით.
3. სათათბირო საბჭო საკითხის განხილვისას ვალდებულია დაეყრდნოს საქართველოს კანონმდებლობით დადგენილ ნორმებს, აგრეთვე სამართლიანობის, მიუკერძოებლობისა და ობიექტურობის პრინციპებს.
4. განსახილველი საკითხის სირთულისა და სპეციფიკურობის გათვალისწინებით, სათათბირო საბჭოს თავმჯდომარის გადაწყვეტილებით, სათათბირო საბჭოს სხდომაზე შესაძლებელია მოწვეულ იქნეს სპეციალისტი/ექსპერტი, რომელიც ვალდებულია დაიცვას გადამხდელის შესახებ ინფორმაციის საიდუმლოება, აგრეთვე ამ მუხლის მე-3 პუნქტით გათვალისწინებული პრინციპები.
5. სათათბირო საბჭოს სხდომაზე შესაძლებელია განხილულ იქნეს როგორც ერთი, ისე რამდენიმე გადამხდელის პოზიცია, მათ მიმართ შედგენილი აქტების პროექტებთან დაკავშირებით.
6. სათათბირო საბჭოს სხდომაზე საკითხის განხილვა იწყება გადამხდელის გარეშე (იმ შემთხვევაში, თუ გადამხდელი ესწრება სათათბირო საბჭოს სხდომას), მხოლოდ შემმოწმებელი აუდიტორ(ებ)ისა და ხარისხის კონტროლის სამმართველოს იმ თანამშრომლის მონაწილეობით, რომელსაც დავალებული ჰქონდა საკითხის შესწავლა. განსახილველი საკითხის შესახებ, სათათბირო საბჭოს წევრებს მათ მიერ წარედგინებათ ინფორმაცია და მტკიცებულებები (ასეთის არსებობისას), აგრეთვე განსახილველ საკითხთან დაკავშირებული ფაქტობრივი გარემოებები, რის შემდეგაც განხილვაში ერთვება გადამხდელი.
7. აუდიტორი ვალდებულია სხდომაზე სათათბირო საბჭოს აცნობოს (წარუდგინოს) აქტის პროექტით გათვალისწინებული თანხების დარიცხვის საფუძველი, კერძოდ:
ა) შემოსავლების სამსახურის უფროსის ბრძანებით დამტკიცებული სიტუაციური სახელმძღვანელო;
ბ) შემოსავლების სამსახურის სათათბირო საბჭოს გადაწყვეტილება და შესაბამისი ფაქტობრივი გარემოებების ამსახველი მოხსენებითი ბარათი;
გ) გადამხდელის მიერ დაშვებული გაანგარიშებითი ხასიათის შეცდომის დამადასტურებელი დოკუმენტი;
დ) მესამე პირის მიერ დადგენილი ფაქტობრივი გარემოებების ამსახველი მასალები;
ე) საკანონმდებლო ნორმის დამოუკიდებელი ინტერპრეტირებისას, მისი გამოყენების დეტალური განმარტება.
8. საკითხის შემსწავლელი ხარისხის კონტროლის სამმართველოს თანამშრომელი სხდომაზე სათათბირო საბჭოს აცნობს თავის პოზიციას აქტის პროექტით გათვალისწინებული დარიცხვის/შემცირების კანონმდებლობასთან შესაბამისობის, გადამხდელის პოზიციის მართებულობის, ასევე არსებითი მნიშვნელობის მქონე ფაქტობრივი გარემოებებისა და დამატებით წარდგენილი მტკიცებულებების (ასეთის არსებობისას) გათვალისწინების მიზანშეწონილობის შესახებ.
9. სათათბირო საბჭო სხდომაზე განიხილავს წარდგენილ ინფორმაციას და მტკიცებულებებს (ასეთის არსებობისას), ამასთან, თუ გადამხდელი მონაწილეობს/ესწრება სათათბირო საბჭოს სხდომას იგი დროებით ტოვებს სხდომას და საკითხის განხილვაში მონაწილე სათათბირო საბჭოს თითოეული წევრი და აუდიტორი ვალდებულია განსახილველ ყოველ კონკრეტულ საკითხთან დაკავშირებით დააფიქსიროს თავისი პოზიცია, რის შემდეგაც სათათბირო საბჭო აქტის პროექტთან დაკავშირებით გადამხდელის პოზიციის თაობაზე იღებს ერთ-ერთ შემდეგ გადაწყვეტილებას:
ა) სრულად გაზიარების შესახებ;
ბ) ნაწილობრივ გაზიარების შესახებ (ცალკეული ეპიზოდების მიხედვით);
გ) განსაზღვრულ ვადაში საკითხის დამატებითი შესწავლის და გადაანგარიშების შესახებ (მათ შორის, გადამხდელის მიერ დამატებით წარდგენილი დოკუმენტების საფუძველზე);
დ) სრულად უარყოფის შესახებ.
10. სათათბირო საბჭოს სხდომაზე განსახილველ საკითხზე გადაწყვეტილება მიიღება განხილვაში მონაწილე სათათბირო საბჭოს წევრთა ხმათა უმრავლესობით.
11. სათათბირო საბჭოს წევრის, გადამხდელის, ხარისხის კონტროლის სამმართველოს თანამშრომლის, აუდიტორის ან/და სხვა მოწვეული პირის (ასეთის არსებობისას) მიერ სათათბირო საბჭოს სხდომაზე მონაწილეობის მიღების შეუძლებლობის შემთხვევაში (მათ შორის, ელექტრონული ფორმით მონაწილეობისას - ტექნიკური ხარვეზის გამო), საკითხის განხილვა შესაძლებელია გადაიდოს, თუ შესაბამისი პირის არყოფნამ შეიძლება ხელი შეუშალოს არსებითი მნიშვნელობის მქონე ფაქტობრივი გარემოებების დადგენასა და საკითხის ობიექტურად გადაწყვეტას. ამ შემთხვევაში ინიშნება საკითხის დამატებითი განხილვა სათათბირო საბჭოს თავმჯდომარის გადაწყვეტილებით (ფორმდება სხდომის ოქმი) განსაზღვრულ ვადაში, რის შესახებაც ამ რეგლამენტის პირველი მუხლის მე-10 პუნქტით გათვალისწინებულ შემთხვევაში ხარისხის კონტროლის სამმართველო აცნობებს გადამხდელს წერილობით ან ნებისმიერი სხვა საკომუნიკაციო საშუალებით (ტელეფონი, ფაქსი, ელექტრონული ფოსტა და სხვ.). აღნიშნულის შესახებ ინფორმაციის სახით, ელექტრონული ფორმით (დოკუმენტბრუნვის პროგრამის საშუალებით) ეცნობება აუდიტის საქმისწარმოების სამმართველოს.
12. სათათბირო საბჭოს გადაწყვეტილება, განხილული საკითხის თითოეული ეპიზოდის შესაბამისად, გამოცხადდება სხდომაზე და განემარტება აუდიტორს, გადამხდელს (იმ შემთხვევაში, თუ გადამხდელი ესწრება სათათბირო საბჭოს სხდომას) და ხარისხის კონტროლის სამმართველოს თანამშრომელს. ხარისხის კონტროლის სამმართველო ამზადებს გადაწყვეტილების პროექტს, რომელიც ამ რეგლამენტის მე-5 მუხლის შესაბამისად ფორმდება სათათბირო საბჭოს სხდომის ოქმის სახით.
13. თუ აქტის პროექტით გათვალისწინებულ პერიოდზე ან/და საკითხზე გადასახადის გადამხდელის მიერ არადეკლარირებული საგადასახადო ვალდებულებების განსაზღვრის ან/და შემცირების მიზნით გაფორმებულია საგადასახადო შეთანხმება ან შემოსავლების სამსახურში წარდგენილია განცხადება საგადასახადო შეთანხმებაზე, საკითხის განხილვა შეჩერდება.
14. გადამხდელის მიერ არადეკლარირებული საგადასახადო ვალდებულებების განსაზღვრის ან/და შემცირების მიზნით გაფორმებული საგადასახადო შეთანხმების შესრულების (საგადასახადო შეთანხმებით გათვალისწინებული თანხების გადახდის) შემდეგ აუდიტის საქმისწარმოების სამმართველო აღნიშნულის შესახებ ინფორმაციის მიღებიდან (მოპოვებიდან) არა უგვიანეს 5 სამუშაო დღისა ამზადებს საგადასახადო შემოწმების შეწყვეტის თაობაზე აუდიტის დეპარტამენტის უფლებამოსილი პირის ბრძანების პროექტს.
15. გადამხდელის მიერ არადეკლარირებული საგადასახადო ვალდებულებების განსაზღვრის ან/და შემცირების მიზნით გაფორმებული საგადასახადო შეთანხმების შეუსრულებლობის საფუძველზე საგადასახადო შეთანხმების გაუქმების ან საგადასახადო შეთანხმების გაფორმებაზე უარყოფითი გადაწყვეტილების მიღების შემთხვევაში - შეწყვეტილი/შეჩერებული საკითხის განხილვა განახლდება.
    მუხლი 5. სათათბირო საბჭოს მიერ საკითხის განხილვის შედეგები
1. სათათბირო საბჭოს სხდომაზე განხილულ თითოეულ საკითხზე ფორმდება სათათბირო საბჭოს სხდომის ოქმი, რომელშიც აისახება სათათბირო საბჭოს სხდომაზე მიღებული გადაწყვეტილება.
2. სხდომის ოქმს ამზადებს ხარისხის კონტროლის სამმართველო, სხდომის ჩატარების დღიდან არა უგვიანეს  7 სამუშაო დღისა, რომელსაც ხელს აწერს სათათბირო საბჭოს თავმჯდომარე, საკითხის განხილვაში მონაწილე სათათბირო საბჭოს თითოეული წევრი და ხარისხის კონტროლის სამმართველოს ის თანამშრომელი, რომელმაც შეისწავლა საკითხი და განსახილველად წარადგინა სათათბირო საბჭოს სხდომაზე. სხდომის ოქმი შეიძლება მომზადდეს როგორც მატერიალური (წერილობითი), ისე ელექტრონული ფორმით "საქართველოს ფინანსთა სამინისტროს სისტემაში ცენტრალურ აპარატში და სისტემაში შემავალ ზოგიერთ ორგანოში ელექტრონული დოკუმენტბრუნვის სისტემის დანერგვის შესახებ" საქართველოს ფინანსთა მინისტრის 2011 წლის 11 ივლისის ?391 ბრძანების შესაბამისად.
3. სხდომის ოქმში უნდა მიეთითოს:
ა) ოქმის სათაური;
ბ) ოქმის რიგითი ნომერი და თარიღი (რიცხვი, თვე, წელი);
გ) სათათბირო საბჭოს სხდომის თავმჯდომარის, განხილვაში მონაწილე სათათბირო საბჭოს წევრთა, სათათბირო საბჭოს მდივნის, აუდიტორის და ხარისხის კონტროლის სამმართველოს თანამშრომლის სახელი, გვარი და თანამდებობა;
დ) გადამხდელის დასახელება/სახელი და გვარი, საიდენტიფიკაციო/პირადი ნომერი, წარმომადგენლის ან/და მოწვეული სხვა პირების მონაცემები (ასეთის არსებობისას);
ე) განხილული საკითხის თითოეული ეპიზოდის შესაბამისად, გადამხდელის პოზიციის მოკლე შინაარსი და მიღებული გადაწყვეტილება;
ვ) სხვა ინფორმაცია, საჭიროების შემთხვევაში.
4. სათათბირო საბჭოს სხდომაზე განსახილველი საკითხის აქტუალობისა და აღნიშნულ საკითხთან დაკავშირებით საგადასახადო ორგანოების ერთიანი პოზიციის ჩამოყალიბების მიზნით, სათათბირო საბჭოს თავმჯდომარის მიერ შეიძლება გაიცეს ზეპირი დავალება შესაბამისი სიტუაციური სახელმძღვანელოს პროექტის მომზადების თაობაზე.   
5. სხდომის ოქმის ასლი ხარისხის კონტროლის სამმართველოს მიერ მომზადებიდან არა უგვიანეს 3 სამუშაო დღისა შესაბამისი მასალების (ასეთის არსებობისას) ასლებთან ერთად ეგზავნება საგადასახადო შემოწმების ჩამტარებელ შესაბამის სამმართველოს (რომელიც ვალდებულია კონტროლი გაუწიოს ამ ოქმის საფუძველზე სათანადო დასკვნის დროულად მომზადებას და გადამხდელისათვის გაგზავნას) და აუდიტის საქმისწარმოების სამმართველოს.
6. სათათბირო საბჭოს სხდომის ოქმის საფუძველზე, აუდიტორი ამზადებს წერილობით დასკვნას, რომელიც შესაბამისი სამმართველოს უფროსთან შეთანხმების შემდეგ გადაეცემა გადამხდელს:
ა) აუდიტორის მიერ - ხელზე, რაც უნდა დასტურდებოდეს დასკვნის მეორე ეგზემპლარზე გადამხდელის ხელმოწერითა და თარიღის მითითებით. ამ შემთხვევაში სამმართველოს უფროსთან შეთანხმება დასტურდება დასკვნის მეორე ეგზემპლარზე ხელმოწერით;         
ბ) აუდიტორის მიერ - ელექტრონული ფოსტით, გადამხდელის მიერ ავტორიზებულ მისამართზე;
გ) საგადასახადო შემოწმების ჩამტარებელი შესაბამისი სამმართველოს უფროსის სამსახურებრივი ბარათის საფუძველზე, აუდიტის საქმისწარმოების სამმართველოს მიერ - ფოსტით (მათ შორის ელექტრონული) ან ხელზე, რაც უნდა დასტურდებოდეს დასკვნის მეორე ეგზემპლარზე გადამხდელის ხელმოწერითა და თარიღის მითითებით.
7. გადამხდელისათვის დასკვნის გადაცემის შესახებ ინფორმაცია ამ მუხლის მე-6  პუნქტის "ა" და "ბ" ქვეპუნქტების შემთხვევაში ელექტრონული ფორმით (დოკუმენტბრუნვის პროგრამის საშუალებით) ეცნობება აუდიტის საქმისწარმოების სამმართველოს.
8. დასკვნაში აისახება სათათბირო საბჭოს სხდომაზე განხილული საკითხის მხოლოდ ის ეპიზოდ(ებ)ი, რომელზეც მიღებული იქნა გადაწყვეტილება.
9. სათათბირო საბჭოს სხდომის ოქმის ასლი მის საფუძველზე აუდიტორის მიერ შედგენილ დასკვნასთან, აღნიშნული დასკვნის გადამხდელისათვის ჩაბარების დამადასტურებელ დოკუმენტთან და სხვა მასალებთან ერთად (დოკუმენტბრუნვის პროგრამის საშუალებით) აუდიტის საქმისწარმოების სამმართველოს მიერ დასამტკიცებლად ეგზავნება შემოსავლების სამსახურის მედიაციის საბჭოს (აპარატი - დავების დეპარტამენტი).
10. თუ გადამხდელი არ ეთანხმება ამ მუხლის მე-6 პუნქტით გათვალისწინებულ დასკვნას, მას უფლება აქვს მისი მიღებიდან 5 სამუშაო დღის ვადაში შემოსავლების სამსახურის მედიაციის საბჭოში წარადგინოს წერილობითი პოზიცია დასკვნასთან დაკავშირებით, რომელიც მედიაციის საბჭოს მიერ განიხილება შემოსავლების სამსახურის 2012 წლის 25 იანვრის ?766 ბრძანებით დამტკიცებული რეგლამენტის შესაბამისად.
11. სხდომის ოქმის შემოსავლების სამსახურის მედიაციის საბჭოზე განსახილველად გაგზავნის შემთხვევაში, შემოსავლების სამსახურის მედიაციის საბჭოს სხდომაზე ინფორმაციას წარადგენს აუდიტის დეპარტამენტის ხარისხის კონტროლის სამმართველო, საჭიროების შემთხვევაში აუდიტორი (შემმოწმებელი).
12. შემოსავლების სამსახურის მედიაციის საბჭო გადამხდელის პრეტენზიასთან ერთად (ასეთის არსებობისას) განიხილავს აუდიტის დეპარტამენტიდან წარდგენილ სხდომის ოქმს და შესაბამის მასალებს, რის შემდეგაც შემოსავლების სამსახურის მედიაციის საბჭო იღებს საოქმო გადაწყვეტილებას, კერძოდ:
ა) თუ დადგენილ ვადაში გადამხდელის მიერ არაა შემოსავლების სამსახურში წარდგენილი პრეტენზია აუდიტის დეპარტამენტის მიერ მიღებულ გადაწყვეტილებასთან (ოქმთან, დასკვნასთან) დაკავშირებით:
ა.ა) იზიარებს აუდიტის დეპარტამენტის პოზიციას ან
ა.ბ) არ იზიარებს აუდიტის დეპარტამენტის პოზიციას და აძლევს კონკრეტულ მითითებას აუდიტის დეპარტამენტის საოქმო გადაწყვეტილებასა და აქტის პროექტთან დაკავშირებით, რომლის საფუძველზეც კორექტირდება შემოწმების აქტის პროექტი;
ბ) თუ დადგენილ ვადაში გადამხდელის მიერ შემოსავლების სამსახურში წარდგენილია პრეტენზია აუდიტის დეპარტამენტის მიერ მიღებულ გადაწყვეტილებასთან (ოქმთან, დასკვნასთან) დაკავშირებით, დამატებით განიხილავს საკითხს გადამხდელის მონაწილეობით და
ბ.ა) იზიარებს აუდიტის დეპარტამენტის პოზიციას ან
ბ.ბ) არ იზიარებს აუდიტის დეპარტამენტის პოზიციას და აძლევს კონკრეტულ მითითებას აუდიტის დეპარტამენტის საოქმო გადაწყვეტილებასა და აქტის პროექტთან დაკავშირებით, რომლის საფუძველზეც კორექტირდება შემოწმების აქტის პროექტი.
13. ამ მუხლის მე-12 პუნქტში აღნიშნულ ოთხივე მედიაციის საბჭოს მიერ მიღებული გადაწყვეტილება  მისი მიღებიდან  და ხელმოწერიდან ერთ სამუშაო დღეში ელექტრონული ფორმით  ეგზავნება აუდიტის დეპარტამენტს.
14. ამ მუხლის მე-12 პუნქტის გათვალისწინებით:
ა) აუდიტის დეპარტამენტის მიერ შემოსავლების სამსახურის მედიაციის საბჭოს გადაწყვეტილების მიღებიდან არა უგვიანეს 5 სამუშაო დღისა აუდიტის დეპარტამენტი ახორციელებს ამ რეგლამენტის მე-2 მუხლის მე-8 და მე-9 პუნქტებით გათვალისწინებულ პროცედურებს;
ბ) თუ მიღებული გადაწყვეტილება იწვევს ცვლილებებს აქტის პროექტში, აქტის გაფორმებისას მიეთითება შესაბამისი საფუძველი, რომლის ერთი ეგზემპლარი უნდა ინახებოდეს საგადასახადო შემოწმების მასალებთან ერთად.
    მუხლი 6. დასკვნითი დებულებები
ცალკეულ შემთხვევებში შემოსავლების სამსახურის უფროსის/მოადგილის ან/და აუდიტის დეპარტამენტის უფროსის/მოადგილის დავალების (მათ შორის, სიტყვიერი) შესაბამისად, აქტის პროექტთან დაკავშირებით გადამხდელის პოზიციის განხილვა შესაძლებელია განხორციელდეს ამ რეგლამენტით განსაზღვრული პროცედურებისაგან განსხვავებული წესით. განსაკუთრებულ შემთხვევებში (მაგალითად, შემოწმების შედეგად განსაზღვრული საგადასახადო ვალდებულებების დარიცხვასთან მიმართებაში ხანდაზმულობის ექვსწლიანი ვადის გასვლა და სხვა) შესაძლებელია, რომ საგადასახადო შემოწმების შედეგებზე შემოწმების აქტის პროექტის გარეშე პირდაპირ შედგეს საგადასახადო შემოწმების აქტი.


(ვებ პორტალი წწწ.მატსნე.გოვ.გე 03.04.2012 ß.)

8. საქართველოს კანონი
საქართველოს საგადასახადო კოდექსში ცვლილების შეტანის შესახებ
    მუხლი 1.  საქართველოს საგადასახადო კოდექსში (საქართველოს საკანონმდებლო მაცნე, ?54, 12.10.2010, მუხ. 343) შეტანილ იქნეს შემდეგი ცვლილება:
1. პირველი მუხლი ჩამოყალიბდეს შემდეგი რედაქციით:
    "მუხლი 1. საქართველოს საგადასახადო კოდექსის რეგულირების სფერო
ეს კოდექსი საქართველოს კონსტიტუციის შესაბამისად განსაზღვრავს საქართველოს საგადასახადო სისტემის ფორმირებისა და ფუნქციონირების ზოგად პრინციპებს, აწესრიგებს საქართველოს საბაჟო საზღვარზე მგზავრის, საქონლისა და სატრანსპორტო საშუალების გადაადგილებასთან დაკავშირებულ სამართლებრივ ურთიერთობებს, სამართლებრივ ურთიერთობაში მონაწილე პირის, გადასახადის გადამხდელისა და უფლებამოსილი ორგანოს სამართლებრივ მდგომარეობას, განსაზღვრავს საგადასახადო სამართალდარღვევის სახეებს, საქართველოს საგადასახადო კანონმდებლობის დარღვევისათვის პასუხისმგებლობას, უფლებამოსილი ორგანოსა და მისი თანამდებობის პირების არამართლზომიერ ქმედებათა გასაჩივრების წესსა და პირობებს, საგადასახადო დავის გადაწყვეტის წესს, არეგულირებს საგადასახადო ვალდებულების შესრულებასთან დაკავშირებულ სამართლებრივ ურთიერთობებს.".
2. მე-4 მუხლის მე-3 ნაწილი ჩამოყალიბდეს შემდეგი რედაქციით:
"3. თუ საგადასახადო მოთხოვნის ან/და გადასახადის გადამხდელის მოთხოვნის წარდგენის ხანდაზმულობის ვადის გასვლამდე დარჩენილია ერთ წელზე ნაკლები და გადასახადის გადამხდელმა საგადასახადო ორგანოში წარადგინა საგადასახადო/საბაჟო დეკლარაცია ან გაანგარიშება (მათ შორის, შესწორებული), ამ დეკლარაციის ან გაანგარიშების საფუძველზე განხორციელებულ დარიცხვებზე მოთხოვნის ხანდაზმულობის ვადა გრძელდება ერთი წლით.".
3. მე-8 მუხლის მე-5 ნაწილის "გ" ქვეპუნქტი ჩამოყალიბდეს შემდეგი რედაქციით:
"გ) პირის მიერ წარდგენილი საბაჟო დეკლარაციის საფუძველზე;".
4. მე-18 მუხლის მე-15 ნაწილი ჩამოყალიბდეს შემდეგი რედაქციით:
"15. ამ მუხლის მე-11 ნაწილის მიზნებისათვის ითვლება, რომ პირთა ურთიერთდამოკიდებულებას გავლენა არ მოუხდენია გარიგების შედეგებზე, თუ სპეციალურ სავაჭრო კომპანიასა და მის ურთიერთდამოკიდებულ პირს შორის უცხოური საქონლის მიწოდება საბაჟო საწყობში განხორციელდა საბაჟო ღირებულებით.".
5. 241 მუხლის:
ა) პირველი ნაწილი ჩამოყალიბდეს შემდეგი რედაქციით:
"1. სპეციალური სავაჭრო კომპანია არის საბაჟო საწყობში საქმიანობის განმახორციელებელი საწარმო, რომელსაც მოგების გადასახადისაგან განთავისუფლების მიზნით ამ მუხლის შესაბამისად მინიჭებული აქვს სპეციალური სავაჭრო კომპანიის სტატუსი.";
ბ) მე-4 ნაწილის:
ბ.ა) "გ" ქვეპუნქტი ჩამოყალიბდეს შემდეგი რედაქციით:
"გ) შემდგომი რეექსპორტის ან/და მიწოდების მიზნით არანაკლებ საბაჟო ღირებულებით შეისყიდოს უცხოური საქონელი სპეციალური სავაჭრო კომპანიის სტატუსის არმქონე საწარმოსაგან;";
ბ.ბ) "დ.გ" ქვეპუნქტი ჩამოყალიბდეს შემდეგი რედაქციით:
"დ.გ) შემოსავალი, გარდა ამ ნაწილის "დ.ა" და "დ.ბ" ქვეპუნქტებით გათვალისწინებულისა, რომელიც საქართველოში არსებული წყაროდან საგადასახადო პერიოდის (წლის) მიხედვით არ უნდა აღემატებოდეს 1 მილიონ ლარს და მის მიერ საქართველოში შემოტანილი უცხოური საქონლის საბაჟო ღირებულების 5 პროცენტს.";
გ) მე-5 ნაწილის "დ" ქვეპუნქტი ჩამოყალიბდეს შემდეგი რედაქციით:
"დ) ჰქონდეს საბაჟო საწყობი.";
დ) მე-6 ნაწილი ჩამოყალიბდეს შემდეგი რედაქციით:
"6. გადასახადის გადამხდელის მიერ სპეციალური სავაჭრო კომპანიიდან უცხოური საქონლის შესყიდვის შემთხვევაში მყიდველის მიერ ერთობლივი წლიური შემოსავლიდან გამოსაქვითი ხარჯი არ შეიძლება იყოს ამ საქონლის საბაჟო ღირებულებაზე მეტი. ეს შეზღუდვა არ ეხება მყიდველის მიერ გაწეულ ხარჯებს, რომლებიც ამ კოდექსით მიეკუთვნება აქტივის ღირებულებას და არ უკავშირდება სპეციალური სავაჭრო კომპანიისათვის გადახდებს.".
6. 43-ე მუხლის პირველი ნაწილის "ვ.ბ" ქვეპუნქტი ჩამოყალიბდეს შემდეგი რედაქციით:
"ვ.ბ) რომელიც აღნიშნულია საბაჟო დეკლარაციაში და რომლის შემოსავლების სამსახურისათვის წარდგენა საქონლის დეკლარირებისას სავალდებულო არ არის;".
7. 47-ე მუხლის მე-8 ნაწილის "ბ" ქვეპუნქტი ჩამოყალიბდეს შემდეგი რედაქციით:
"ბ) რომელსაც აქვს სავალდებულო იურიდიული ძალა ყველა საგადასახადო ორგანოსათვის მხოლოდ ამ გადაწყვეტილებაში მოცემული საქონლის საგარეო-ეკონომიკური საქმიანობის ეროვნული სასაქონლო ნომენკლატურის შესაბამისად სასაქონლო კოდის ან წარმოშობის ქვეყნის განსაზღვრის საკითხის მიმართ, თუ ასეთი გადაწყვეტილება გამოცემულია აღნიშნულ საქონელზე საბაჟო დეკლარაციის წარდგენამდე და დეკლარირებული საქონლის ფაქტობრივი მონაცემები და ინფორმაცია სრულად შეესაბამება იმ ინფორმაციას, რომლის საფუძველზედაც იქნა გამოცემული გადაწყვეტილება;".
8. 73-ე მუხლის მე-10 ნაწილი ჩამოყალიბდეს შემდეგი რედაქციით:
"10. უცხოური ვალუტით განხორციელებული ოპერაცია, რომელიც ექვემდებარება დაბეგვრას, ასევე საბაჟო ღირებულების და იმპორტის/ექსპორტის გადასახდელების ოდენობის განსაზღვრისას უცხოური ვალუტა გადაიანგარიშება ლარებში:
ა) ოპერაციის დღისათვის/საბაჟო დეკლარაციის რეგისტრაციის დღისათვის არსებული საქართველოს ეროვნული ბანკის ოფიციალური კურსით, ასეთის არსებობის შემთხვევაში;
ბ) კურსით, რომელიც განისაზღვრება ლარის მიმართ უცხოური ვალუტის გამოქვეყნებული კურსით, მათ შორის, სხვა სახელმწიფოებში გამოქვეყნებული კურსით იმ ვალუტის მიმართ, რომელზედაც არსებობს ლარის გაცვლის ოფიციალური კურსი, თუ ოპერაციის დღისათვის/საბაჟო დეკლარაციის რეგისტრაციის დღისათვის არ არსებობს საქართველოს ეროვნული ბანკის ოფიციალური კურსი.".
9. 162-ე მუხლის:
ა) პირველი ნაწილის "ა.ა" ქვეპუნქტი ჩამოყალიბდეს შემდეგი რედაქციით:
"ა.ა) საბაჟო ღირებულებისა;";
ბ) 21 ნაწილი ჩამოყალიბდეს შემდეგი რედაქციით:
"21. ამ მუხლის მე-2 ნაწილით გათვალისწინებული პირობების მიუხედავად, შემოსავლების სამსახურის უფროსის გადაწყვეტილებით პირი შეიძლება გადაყვანილ იქნეს იმპორტის დღგ-ით დაბეგვრის სპეციალურ წესზე, თუ იგი წარმოადგენს წერილობით ვალდებულებას, რომ იმპორტის დღგ-ით დაბეგვრის სპეციალურ წესზე გადასვლიდან მომდევნო უწყვეტი 12 კალენდარული თვის განმავლობაში განახორციელებს საწარმოს ძირითად საშუალებად გამოსაყენებელი ან/და საწარმოს ძირითადი საშუალებისათვის განკუთვნილი, არანაკლებ 5,0 მლნ ლარის საბაჟო ღირებულების საქონლის იმპორტს.";
გ) მე-7 ნაწილი ჩამოყალიბდეს შემდეგი რედაქციით:
"7. საბაჟო საწყობში მიწოდებული უცხოური საქონლის იმპორტის შემთხვევაში იმპორტის თანხას ემატება საბაჟო საწყობში უცხოური საქონლის შესყიდვის ღირებულებასა და საქონლის საბაჟო ღირებულებას შორის სხვაობის თანხა, რომლის მიხედვითაც იმპორტიორი დღგ-ს გადაიხდის იმპორტის გადასახდელთან ერთად, საქართველოს ფინანსთა მინისტრის მიერ დადგენილი წესით.".
10. 163-ე მუხლის "ა" ქვეპუნქტი ჩამოყალიბდეს შემდეგი რედაქციით:
"ა) ექსპორტის/რეექსპორტის თანხა არის საბაჟო ღირებულება;".
11. 164-ე მუხლის "ა" ქვეპუნქტი ჩამოყალიბდეს შემდეგი რედაქციით:
"ა) საქონლის დროებითი შემოტანის თანხა ტოლია დროებითი შემოტანის საბაჟო დეკლარაციის რეგისტრაციის დღეს ამ საქონლის იმპორტში მოქცევის შემთხვევაში ამ კოდექსის 162-ე მუხლის პირველი ნაწილის "ა" ქვეპუნქტით განსაზღვრული იმპორტის თანხისა;".
12. 168-ე მუხლის მე-4 ნაწილის:
ა) "გ2" ქვეპუნქტი ჩამოყალიბდეს შემდეგი რედაქციით:
"გ2) საქართველოს ტერიტორიაზე შემოტანამდე იმპორტის, საწყობის, დროებითი შემოტანის, შიდა გადამუშავების ან თავისუფალი ზონის სასაქონლო ოპერაციაში მოქცეული საქონლის საქართველოს საბაჟო საზღვრიდან დანიშნულების პუნქტამდე გადაზიდვა და ამ გადაზიდვასთან უშუალოდ დაკავშირებული, ამ ნაწილის "გ" ქვეპუნქტით გათვალისწინებული მომსახურების გაწევა, გარდა ტვირთის შენახვის მომსახურებისა;";
ბ) "დ.ე" ქვეპუნქტი ჩამოყალიბდეს შემდეგი რედაქციით:
"დ.ე) აეროპორტებისა და ნავსადგურების საბაჟო კონტროლის ზონაში მგზავრთა მომსახურება, რომლის ღირებულება შედის საერთაშორისო გადაყვანის სამგზავრო ბილეთის ფასში;";
გ) "რ" და "ს" ქვეპუნქტები ჩამოყალიბდეს შემდეგი რედაქციით:
"რ) საქართველოს საბაჟო ტერიტორიაზე ტვირთის შემოტანისას გემისათვის გაწეული მომსახურება (კერძოდ, პორტის, საზღვაო-სალოცმანო სამსახურისა და საჯარო სამართლის იურიდიული პირის ? საქართველოს სახელმწიფო ჰიდროგრაფიული სამსახურის მიერ გაწეული მომსახურება);
ს) საბაჟო საწყობში უცხოური საქონლის მიწოდება;".
13. 169-ე მუხლის პირველი ნაწილის "ბ" ქვეპუნქტი ჩამოყალიბდეს შემდეგი რედაქციით:
"ბ) საქონლის დროებითი შემოტანისას ამ კოდექსის 164-ე მუხლის "ა" ქვეპუნქტით გათვალისწინებული დროებითი შემოტანის თანხის 0.54 პროცენტს ამ საქონლის საქართველოს საბაჟო ტერიტორიაზე ყოფნის ყოველ სრულ და არასრულ კალენდარულ თვეზე, მაგრამ არა უმეტეს საქონლის დროებითი შემოტანისას დროებითი შემოტანის თანხის 18 პროცენტისა;".
14. 173-ე მუხლის მე-2 ნაწილის:
ა) "ბ" ქვეპუნქტი ჩამოყალიბდეს შემდეგი რედაქციით:
"ბ) საბაჟო დეკლარაცია;";
ბ) "ვ" ქვეპუნქტი ჩამოყალიბდეს შემდეგი რედაქციით:
"ვ) საბაჟო საწყობში მიწოდებული უცხოური საქონლის იმპორტის შემთხვევაში საბაჟო საწყობში უცხოური საქონლის შესყიდვის ღირებულებასა და საქონლის საბაჟო ღირებულებას შორის სხვაობის თანხაზე დღგ-ის გადახდის დამადასტურებელი დოკუმენტი;".
15. 176-ე მუხლის პირველი ნაწილის "გ" ქვეპუნქტი ჩამოყალიბდეს შემდეგი რედაქციით:
"გ) საგადასახადო აგენტისათვის საქართველოს ტერიტორიის გარეთ გაწეული მომსახურების ან/და საქონლის პროდუქტის (საპროექტო დოკუმენტაცია, ტექნიკური დოკუმენტაცია, ტექნოლოგიური სქემა, პროგრამა და სხვა) მიწოდება ინტერნეტით ან ელექტრონული კომუნიკაციის სხვაგვარი საშუალებით, თუ იგი არ კვეთს საქართველოს საბაჟო საზღვარს ინტეგრირებული სქემის ან სხვა სახის ინფორმაციის მატარებლის საშუალებით.".
16. 188-ე მუხლის პირველი ნაწილის ცხრილის მე-12 გრაფა ჩამოყალიბდეს შემდეგი რედაქციით:
    12    მსუბუქი ავტომობილები (დასაბეგრი ოპერაციის განხორციელების წელსა და მსუბუქი ავტომობილის გამოშვების წელს შორის სხვაობის მიხედვით, ხოლო იმპორტის შემთხვევაში - საბაჟო დეკლარაციის რეგისტრაციის წელსა და მსუბუქი ავტომობილის გამოშვების წელს შორის სხვაობის მიხედვით):    8703    ძრავის მოცულობის 1 სმ3   
ა) 1 წლამდე              1.5
ბ) 1 წლის              1.5
გ) 2 წლის              1.4
დ) 3 წლის              1.3
ე) 4 წლის              1.2
ვ) 5 წლის              1.0
ზ) 6 წლის              0.7
თ) 7 წლის              0.5
ი) 8 წლის              0.5
კ) 9 წლის              0.5
ლ) 10 წლის              0.5
მ) 11 წლის              0.5
ნ) 12 წლის              0.5
ო) 13 წლის              0.6
პ) 14 წლის              0.7
ჟ) 14 წელზე მეტის              0.8

17. 189-ე მუხლის მე-3 ნაწილი ჩამოყალიბდეს შემდეგი რედაქციით:
"3. ამ მუხლის პირველი და მე-2 ნაწილების მიხედვით აქციზის ჩათვლა ან დაბრუნება ხორციელდება მწარმოებლის მიერ ანგარიშ-ფაქტურის ან/და საბაჟო დეკლარაციის წარდგენის შემთხვევაში, რომელიც ადასტურებს მის მიერ აქციზის გადახდას აქციზური საქონლის (ნედლეულის) მწარმოებლისათვის ან/და აქციზური საქონლის (ნედლეულის) იმპორტისას.".
18. 194-ე მუხლის მე-6 ნაწილის "ა.ბ" ქვეპუნქტი ჩამოყალიბდეს შემდეგი რედაქციით:
"ა.ბ) საბაჟო დეკლარაციას საქონლის ექსპორტში გაშვების შესახებ;".
19. 195-ე და 196-ე მუხლები ჩამოყალიბდეს შემდეგი რედაქციით:
    "მუხლი 195. გადასახადის გადამხდელი
იმპორტის გადასახადის გადამხდელია პირი, რომელიც საქართველოს საბაჟო საზღვარზე გადააადგილებს საქონელს, გარდა ექსპორტისა.
    მუხლი 196. დაბეგვრის ობიექტი
იმპორტის გადასახადით დაბეგვრის ობიექტია საქართველოს საბაჟო საზღვრის გადმოკვეთისას საქონლის საბაჟო ღირებულება, თუ ამ კოდექსით სხვა რამ არ არის დადგენილი.".
20. 197-ე მუხლის:
ა) პირველი და მე-2 ნაწილები ჩამოყალიბდეს შემდეგი რედაქციით:
"1. იმპორტის გადასახადის 12-პროცენტიანი განაკვეთით იბეგრება შემდეგი საქონლის საბაჟო ღირებულება:
?    კოდი    საქონლის დასახელება
1    0105    შინაური ფრინველი ცოცხალი, ანუ შინაური ქათამი (Gალლუს დომესტიცუს), იხვები, ბატები, ინდაურები და ციცრები
2    0201    ხორცი მსხვილფეხა რქოსანი პირუტყვისა, ახალი ან გაცივებული
3    0202    ხორცი მსხვილფეხა რქოსანი პირუტყვისა, გაყინული
4    0204    ხორცი ცხვრისა ან თხისა, ახალი, გაცივებული ან გაყინული
5    0205 00    ხორცი ცხენების, ვირების, ჯორების ან ჯორცხენების, ახალი, გაცივებული ან გაყინული
6    0206    საკვები სუბპროდუქტები მსხვილფეხა რქოსანი პირუტყვის, ღორების, ცხვრების, თხების, ცხენების, ვირების, ჯორების ან ჯორცხენების, ახალი, გაცივებული ან გაყინული
7    0207    ხორცი და საკვები სუბპროდუქტები 0105 სასაქონლო პოზიციაში მითითებული შინაური ფრინველისა, ახალი, გაცივებული ან გაყინული
8    0208    სხვა ხორცი და ხორცის საკვები სუბპროდუქტები, ახალი, გაცივებული ან გაყინული
9    0210    ხორცი და ხორცის საკვები სუბპროდუქტები, დამარილებული, მა-რილწყალში, გამხმარი ან შებოლილი; საკვები ფქვილი ხორცისაგან ან ხორცის სუბპროდუქტებისაგან
10    0401 10 100 00    - - პირველად საფუთავებში ნეტო-მოცულობით არა უმეტეს 2 ლ-ისა
11    0401 20 110 00    - - - პირველად საფუთავებში ნეტო-მოცულობით არა უმეტეს 2 ლ-ისა
12    0401 20 910 00    - - - პირველად საფუთავებში ნეტო-მოცულობით არა უმეტეს 2 ლ-ისა
13    0401 30 110 00    - - - პირველად საფუთავებში ნეტო-მოცულობით არა უმეტეს 2 ლ-ისა
14    0401 30 310 00    - - - პირველად საფუთავებში ნეტო-მოცულობით არა უმეტეს 2 ლ-ისა
15    0401 30 910 00    - - - პირველად საფუთავებში ნეტო-მოცულობით არა უმეტეს 2 ლ-ისა
16    0402 10 110 00    - - - პირველად საფუთავებში ნეტო-მასით არა უმეტეს 2,5 კგ-ისა
17    0402 10 910 00    - - - პირველად საფუთავებში ნეტო-მასით არა უმეტეს 2,5 კგ-ისა
18    0402 21 110 00    - - - - პირველად საფუთავებში ნეტო-მასით არა უმეტეს 2,5 კგ-ისა
19    0402 21 910 00    - - - - პირველად საფუთავებში ნეტო-მასით არა უმეტეს 2,5 კგ-ისა
20    0402 29 150 00    - - - - - პირველად საფუთავებში ნეტო-მასით არა უმეტეს 2,5 კგ-ისა
21    0402 29 910 00    - - - - პირველად საფუთავებში ნეტო-მასით არა უმეტეს 2,5 კგ-ისა
22    0402 91 110 00    - - - - პირველად საფუთავებში ნეტო-მასით არა უმეტეს 2,5 კგ-ისა
23    0402 91 310 00    - - - - პირველად საფუთავებში ნეტო-მასით არა უმეტეს 2,5 კგ-ისა
24    0402 91 510 00    - - - - პირველად საფუთავებში ნეტო-მასით არა უმეტეს 2,5 კგ-ისა
25    0402 91 910 00    - - - - პირველად საფუთავებში ნეტო-მასით არა უმეტეს 2,5 კგ-ისა
26    0402 99 110 00    - - - - პირველად საფუთავებში ნეტო-მასით არა უმეტეს 2,5 კგ-ისა
27    0402 99 310 00    - - - - პირველად საფუთავებში ნეტო-მასით არა უმეტეს 2,5 კგ-ისა
28    0402 99 910 00    - - - - პირველად საფუთავებში ნეტო-მასით არა უმეტეს 2,5 კგ-ისა
29    0403    დო, აჭრილი რძე და ნაღები, იოგურტი, კეფირი და სხვა ფერმენტირებუ-ლი ან შედედებული რძე და ნაღები, შესქელებული ან შეუსქე-ლებელი, შაქრის ან სხვა დამატკბობელი ნივთიერებების დამატე-ბით ან მათ გარეშე, საგემოვნო-არომატული დანამატებით ან მათ გარეშე, ხილის, კაკლის ან კაკაოს დამატებით ან მათ გარეშე
30    0407 00    ფრინველის კვერცხი ნაჭუჭით, ახალი, დაკონსერვებული ან მოხარშული
31    0408    ფრინველის კვერცხი უნაჭუჭოდ და კვერცხის გულები, ახალი, გამხმარი, ორთქლზე ან მდუღარე წყალში მოხარშული, დაყალიბებული, გაყინული ან სხვა ხერხით დაკონსერვებული, შაქრის ან სხვა დამატკბობელი ნივთიერებების დამატებით ან მათ გარეშე
32    0409 00 000 00    ნატურალური თაფლი
33    0410 00 000 00    ცხოველური წარმოშობის კვების პროდუქტები, სხვა ადგილას დაუსახელებელი ან ჩაურთველი
34    0701    კარტოფილი, ახალი ან გაცივებული
35    0702 00 000 00    პომიდორი, ახალი ან გაცივებული
36    0703    ხახვი თავიანი, ხახვი-შალოტი, ნიორი, პრასი და დანარჩენი ხახვისნაირი ბოსტნეული, ახალი ან გაცივებული
37    0704    თავხვეული კომბოსტო, ყვავილოვანი კომბოსტო, კოლრაბი, კეჟერა კომბოსტო და Bრასსიცა გვარის საკვები ანალოგიური ბოსტნეული, ახალი ან გაცივებული
38    0706    სტაფილო, თალგამი, სუფრის ჭარხალი, თხისწვერა, ფესვურა ნიახური, ბოლოკი და სხვა ანალოგიური საკვები ძირნაყოფები, ახალი ან გაცივებული
39    0707 00    კიტრი და კორნიშონები, ახალი ან გაცივებული
40    0708    პარკოსანი ბოსტნეული, დაჩურჩული ან დაუჩურჩავი, ახალი ან გაცივებული
41    0709    ბოსტნეული დანარჩენი, ახალი ან გაცივებული
42    0710    ბოსტნეული (ახალი ან წყალში ან ორთქლზე მოხარშული), გაყინული
43    0711    დაკონსერვებული ბოსტნეული, ხანმოკლე შენახვისათვის (მაგალითად, გოგირდის დიოქსიდით, მარილწყალში, გოგირდიან წყალში ან სხვა დრო-ებით დამაკონსერვებელ ხსნარში), მაგრამ ასეთი სახით საკვებად უშუალო გამოყენებისათვის უვარგისი
44    0712 20 000 00    - თავიანი ხახვი
45    0712 31 000 00    - - Aგარიცუს გვარის სოკოები
46    0712 32 000 00    - - ხის სოკო ან აურიკულარიები (Aურიცულარია სპპ.)
47    0712 33 000 00    - - საფუარი სოკოები (თრემელლა სპპ.)
48    0712 39 000 00    - - დანარჩენი
49    0713    პარკოსანი ბოსტნეული ხმელი, დაჩურჩული, სათესლე ქერქისაგან გაცლილი ან გაუცლელი, დამტვრეული ან დაუმტვრეველი
50    0714    მანიოკი, მარანთა, სალეპი, მიწის მსხალი ანუ ტოპინამბური, ტკბილი კარტოფილი ანუ ბატატი და სხვა ანალოგიური ძირნაყოფები და ბოლქვნაყოფები სახამებლის ან ინულინის მაღალი შემცველობით, ახალი, გაცივებული, გაყინული ან ხმელი, მთელი ან დაჭრილი პატარა ნაჭრებად ან გრანულების სახით; საგოს პალმის ნაყოფის გული
51    0802    კაკალი დანარჩენი, ახალი ან ხმელი, ნაჭუჭგაცლილი ან ნაჭუჭგაუცლელი, კანით ან კანის გარეშე
52    0803 00    ბანანები, პლანტაინების ჩათვლით, ახალი ან ხმელი
53    0805    ციტრუსები, ახალი ან ხმელი
54    0806    ყურძენი, ახალი ან ხმელი
55    0807    ნესვი (საზამთროს ჩათვლით) და პაპაია, ახალი
56    0808    ვაშლი, მსხალი და კომში, ახალი
57    0809    გარგარი, ალუბალი და ბალი, ატამი (ნექტარინების ჩათვლით), ქლიავი და ღოღნოშო, ახალი
58    0810    ხილი დანარჩენი, ახალი
59    0811    ხილი და კაკალი, წყალში ან ორთქლზე თბურად დამუშავებული ან დაუმუშავებელი, გაყინული, შაქრის ან სხვა დამატკბობელი ნივთიერებების დამატებით ან მათ გარეშე
60    0812    ხილი და კაკალი, დაკონსერვებული ხანმოკლე შენახვისათვის (მაგალი-თად, გოგირდის დიოქსიდით, მარილწყალში, გოგირდოვან წყალში ან სხვა დროებით დამაკონსერვებელ ხსნარში), მაგრამ ასეთი სახით საკვებად უშუალო გამოყენებისათვის უვარგისი
61    0813    ხილი ხმელი, 0801-0806 სასაქონლო პოზიციების ნაყოფების გარდა; მოცე-მული ჯგუფის კაკლის ან ხმელი ნაყოფების ნარევები
62    0902    ჩაი საგემოვნო-არომატული დანამატებით ან მათ გარეშე
63    1101 00    ხორბლის ან ხორბალ-ჭვავის ფქვილი
64    1102    დანარჩენი მარცვლეულის ფქვილი, გარდა ხორბლისა ან ხორბალ-ჭვავისა
65    1103    ბურღული, უხეშად ნაფქვავი ფქვილი და მარცვლოვანების მარცვლის გრანულები
66    1105    კარტოფილის წმინდად და უხეშად ნაფქვავი ფქვილი, ფხვნილი, ფანტელები, გრანულები
67    1106    წმინდად და უხეშად ნაფქვავი ფქვილი და ფხვნილი 0713 სასაქონლო პოზიციის ხმელი პარკოსანი ბოსტნეულის, საგოს პალმის ნაყოფის გულის, 0714 სასაქონლო პოზიციის ძირნაყოფების ან ბოლქვნაყოფების ან 08 ჯგუფის პროდუქტებისაგან
68    1108    სახამებელი; ინულინი
69    1109 00 000 00    ხორბლის წებოვანა, მშრალი ან ტენიანი
70    1512 19 900 00    - - - დანარჩენი
71    1601 00    ძეხვი და ანალოგიური პროდუქტები ხორცის, ხორცის სუბპროდუქტების ან სისხლისაგან; მზა საკვები პროდუქტები, დამზადებული მათ საფუძველზე
72    1602 10 00    - ჰომოგენიზებული მზა პროდუქტები
73    1602 20    - ნებისმიერი ცხოველის ღვიძლისაგან
74    1602 31    - - ინდაურის
75    1602 32    - - შინაური ქათმის (Gალლუს დომესტიცუს)
76    1602 39    - - დანარჩენი
77    1602 41    - - ბარკლები და მათი გადანაჭრები
78    1602 42    - - ბეჭის ნაწილი და მისი გადანაჭრები
79    1602 49    - - დანარჩენი, ნარევების ჩათვლით
80    1602 50    - მსხვილფეხა რქოსანი პირუტყვის ხორცისაგან
81    1701 12    - - ჭარხლის შაქარი
82    1701 91 000 00    - - საგემოვნო-არომატული ან საღებარი დანამატებით
83    1701 99    - - დანარჩენი
84   


1702    დანარჩენი შაქარი, ქიმიურად სუფთა ლაქტოზას, მალტოზას, გლუკოზასა და ფრუქტოზას ჩათვლით, მყარ მდგომარეობაში; შაქრის სიროფები საგემოვნო-არომატული ან საღებარი ნივთიერების დამატების გარეშე; ხელოვნური თაფლი, ნატურალურ თაფლთან შერეული ან შეურეველი; კარამელის კულერი
85    1703    მელასა, შაქრის ამოღებით ან რაფინირების შედეგად მიღებული
86   
1704    შაქრის საკონდიტრო ნაწარმი (თეთრი შოკოლადის ჩათვლით), რომელიც არ შეიცავს კაკაოს
87    19    მზა პროდუქტები მარცვლოვანების მარცვლის, ფქვილის, სახამებლის ან რძისაგან; ცომეული საკონდიტრო ნაწარმი
88    2001    ბოსტნეული, ხილი, კაკალი და მცენარეთა საკვებად ვარგისი სხვა ნაწილები, ძმრის ან ძმარმჟავას დამატებით დამზადებული ან დაკონ-სერვებული
89    2002    პომიდორი, ძმრის ან ძმარმჟავას დამატების გარეშე დამზადებული ან დაკონსერვებული
90    2003    სოკო და ტრიუფელი, ძმრის ან ძმარმჟავას დამატების გარეშე დამზადებული ან დაკონსერვებული
91    2004    სხვა ბოსტნეული, ძმრის ან ძმარმჟავას დამატების გარეშე დამზადებული ან დაკონსერვებული, გაყინული, 2006 სასაქონლო პოზიციის პროდუქტების გარდა
92    2005    სხვა ბოსტნეული, ძმრის ან ძმარმჟავას დამატების გარეშე დამზადებული ან დაკონსერვებული, გაუყინავი, 2006 სასაქონლო პოზიციის პროდუქტების გარდა
93    2006 00    ბოსტნეული, ხილი, კაკალი, ნაყოფების ქერქი ან მცენარეთა სხვა ნაწილები, შაქრით დაკონსერვებული (შაქრის სიროფით გაჟღენთილი, მოსარკლული ან დაშაქრული)
94    2007    ჯემი, ხილის ჟელე, მარმელადები, ხილის ან კაკლის პიურე, ხილის ან კაკლის პასტა, თბური დამუშავებით მიღებული, მათ შორის, შაქრის ან სხვა დამატკბობელი ნივთიერებების დამატებით
95    2008 19    - - დანარჩენი, ნარევების ჩათვლით
96    2008 20    - ანანასი
97    2008 30    - ციტრუსები
98    2008 40    - მსხალი
99    2008 50    - გარგარი
100    2008 60    - ალუბალი და ბალი
101    2008 70    - ატამი, ნექტარინების ჩათვლით
102    2008 80    - მარწყვი და ხენდრო
103    2008 91 000 00    - - პალმის გული
104    2008 92    - - ნარევები
105    2008 99    - - დანარჩენი
106    2009    ხილის წვენები (ყურძნის ბადაგის ჩათვლით) და ბოსტნეულის წვენები, დაუდუღებელი და სპირტის დანამატების გარეშე, შაქრის ან სხვა დამატკბობელი ნივთიერებების დამატებით ან მათ გარეშე
107    2101    ყავის, ჩაის ან მატეს (პარაგვაის ჩაის) ექსტრაქტები, ესენციები და კონცენტრატები და მათ ფუძეზე ან ყავის, ჩაის ან მატეს (პარაგვაის ჩაის) ფუძეზე დამზადებული მზა პროდუქტები; მოხალული ვარდკაჭაჭა და სხვა მოხალული ყავის შემცვლელები და მათი ექსტრაქტები, ესენციები და კონცენტრატები
108   
2103    პროდუქტები საწებლების მოსამზადებლად და მზა საწებლები; საგემოვნო დანამატები და შერეული საკაზმები; მდოგვის ფხვნილი და მზა მდოგვი
109    2106 90    - დანარჩენი
110    2201 10 190 09    - - - - დანარჩენი
111    2201 10 900 00    - - დანარჩენი
112    2201 90 000 09    - - - დანარჩენი
113    2201 90 000 99    - - დანარჩენი
114    2202    წყლები, მინერალურისა და გაზიანის ჩათვლით, შაქრის ან სხვა დამატკბობელი ან საგემოვნო-არომატული ნივთიერებების დანამატების შემცველობით, და სხვა უალკოჰოლო სასმელები, 2009 სასაქონლო პოზიციის ხილისა და ბოსტნეულის წვენების გარდა
115    2203 00    ალაოს ლუდი
116    2302 10    - სიმინდის
117    2302 30    - ხორბლის
118    2302 40    - დანარჩენი მარცვლოვანების
119    24    თამბაქო და თამბაქოს სამრეწველო შემცვლელები
120   
25    მარილი; გოგირდი; მიწები და ქვა; საბათქაშე მასალები, კირქვა და ცემენტი
121   


3402    ზედაპირულად აქტიური ორგანული ნივთიერებები (საპნის გარდა); ზედაპირულად აქტიური საშუალებები, სარეცხი საშუალებები (დამხმარე სარეცხი საშუალებების ჩათვლით) და საწმენდი საშუალებები, საპნის შემცველი ან მის გარეშე (3401 სასაქონლო პოზიციის საშუალებების გარდა)
122   
3918

    პლასტმასის იატაკის საფრები, თვითწებვადი ან არათვითწებვადი, რულონებად ან ფირფიტებად; პლასტმასის საფრები კედლებისა და ჭერებისათვის, მოცემული ჯგუფის მე-9 შენიშვნაში მითითებული
123   

3922    აბაზანები, შხაპები, წყლის ჩასადინარი ნიჟარები, პირსაბანი ნიჟარები, ბიდეები, უნიტაზები, დასაჯდომები და სახურავები მათთვის, წყალჩასაშვები ავზაკები და ანალოგიური სანიტარიულ-ტექნიკური ნაწარმი, პლასტმასისაგან
124   
3923    პლასტმასის ნაწარმი საქონლის ტრანსპორტირებისათვის ან შეფუთვისათვის; პლასტმასის საცობები, ხუფები, თალფაქები და სხვა საცობი ნაწარმი
125   
3924    სასადილო და სამზარეულო ჭურჭელი და სამზარეულოს საკუთნოები, დანარჩენი საოჯახო ნივთები და ჰიგიენის ან ტუალეტის საგნები, პლასტმასისაგან
126    3925 20 000 00    - კარები და ზღურბლები მათთვის, ფანჯრები და მათი ჩარჩოები
127    3925 30 000 00    - დარაბები, შტორები (ვენეციური ჟალუზების ჩათვლით) და ანალოგიური ნაწარმი და მათი ნაწილები
128    3925 90    - დანარჩენი
129    3926 90    - დანარჩენი
130   

4407    ხეტყის მასალა, გასწვრივ დახერხილი ან დაპობილი, შრეებად გაყოფილი ან შპონახდილი, გარანდული ან გაურანდავი, გახეხილი ან გაუხეხავი, ტორსული შეერთების მქონე ან მის გარეშე, სისქით 6 მმ-ზე მეტი
131   



4408    მოსაპირკეთებელი ფურცლები (შრეული მერქნის დაყოფით მიღებულის ჩათვლით), შეწებებული ფანერისათვის ან სხვა ანალოგიური შერეული მერქნისათვის, და სხვა ხის მასალა, გასწვრივ დახერხილი, დაჭრილი ნაწილებად ან შპონახდილი, გარანდული ან გაურანდავი, გახეხილი ან გაუხეხავი, ტორსული შეერთების მქონე ან მის გარეშე, სისქით არა უმეტეს 6 მმ-ისა
132   



4409    დახერხილი ხეტყე (პარკეტის თამასებისა და ფრიზის ჩათვლით, აუწყობელი) დაპროფილებული პაგონაჟის სახით (ქიმებით, თხემებით, ღარებით, ნარანდიანი, ჩამოთლილი კიდეებით, ნახევრად მომრგვალებული ნარიმანდის შეერთების სახით, ფასონური, მომრგვალებული ან ანალოგიური) ნებისმიერი ნაწიბურის ტორსის ან სიბრტყის გასწვრივ, გარანდული ან გაურანდავი, გახეხილი ან გაუხეხავი, ტორსული შეერთების მქონე ან მის გარეშე

133   
4413 00 000 00    მერქანი დაწნეხილი, ბლოკების, ფილების, ძელების ან დაპროფილებული ფორმების სახით
134   
4418    ნაწარმი სადურგლო და სახუროო ხის, სამშენებლო, უჯრედოვანი ხის პანელების, აწყობილი ფილა-პარკეტის, სოლ-ყავრისა და სახურავის ყავრის ჩათვლით
135   

4420    ხის ნაწარმი მოზაიკური და ინკრუსტირებული; ზარდახშები და კოლოფები საიუველირო ან დანისებრი და ანალოგიური ნაწარმისათვის, ხის; სტატუეტები და სხვა დეკორატიული ნაწარმი, ხის; ავეჯის ხის საგნები, 94-ე ჯგუფში მიუთითებელი
136    4421    სხვა ნაწარმი, დანარჩენი
137    6801 00 000 00    ძელურა, ბორდიურის ქვები და დასაგები ფილები ბუნებრივი ქვისაგან (გარდა ფიქლისა)
138    6802    ქვა დამუშავებული (გარდა ფიქლისა) ძეგლებისათვის ან მშენებლობისათვის და მისი ნაწარმი, გარდა 6801 სასაქონლო პოზიციის საქონლისა; მოზაიკის კუბურები და ბუნებრივი ქვის (ფიქლის ჩათვლით) ანალოგიური ნაწარმი ფუძეზე ან ფუძის გარეშე; ბუნებრივი ქვის (ფიქლის ჩათვლით) გრანულები, ნაფხვენი და ფხვნილი, ხელოვნურად შეღებილი
139    6804    დოლაბები, სალესი ქვები, სახეხი რგოლები და ანალოგიური უკარკასო ნაწარმი, განკუთვნილი სახეხად, სალესად, საპრიალებლად, მოსარგებად ან მოსაჩუქურთმებლად, ქვები ხელით სალესად ან საპრიალებლად და მათი ნაწილები ბუნებრივი ქვის, აგლომერირებული ბუნებრივი ან ხელოვნური აბრაზივების ან კერამიკისაგან, სხვა მასალების დეტალებთან აწყობილი ან ამ დეტალების გარეშე
140    6805    ბუნებრივი ან ხელოვნური აბრაზიული ფხვნილი ან მარცვალი, გაჭრილ ან გაკერილ, ან განსაზღვრული ფორმის მისაღებად სხვა მეთოდით დამუშავებულ, ან დაუმუშავებელ ქსოვილის, ქაღალდის, მუყაოს ან სხვა ფუძეზე
141    6806    წიდის ბამბა, მინერალური სილიკატური ბამბა და ანალოგიური მინერალური ბამბები; განშრევებული ვერმიკულიტი, აფუებული თიხები, აქაფებული წიდა და ანალოგიური აფუებული მინერალური პროდუქტები; თბოსაიზოლაციო, ბგერათსაიზოლაციო ან ბგერათშთამნთქმელი მინერალური მასალების ნარევები და ნაწარმი, გარდა 6811 ან 6812 სასაქონლო პოზიციის ან 69-ე ჯგუფის ნაწარმისა
142    6807    ნაწარმი ასფალტის ან ანალოგიური მასალებისაგან (მაგალითად, ნავთობის ბიტუმის ან ქვანახშირის სქელფისისაგან)
143    6808 00 000 00    პანელები, ფილები, ბლოკები და ანალოგიური ნაწარმი ცემენტით, თა-ბაშირით ან სხვა მინერალური შემკვრელი ნივთიერებებით აგლომერირებული მცენარეული ბოჭკოების, ჩალის, ბურბუშელას, ნაფო-ტის, ნაწილაკების, ნახერხის ან ხეტყის სხვა ნარჩენებისაგან
144    6809    ნაწარმი თაბაშირის ან მის ფუძეზე დამზადებული ნარევებისაგან
145    6810    ცემენტის, ბეტონის ან ხელოვნური ქვის ნაწარმი, დაარმატურებული ან დაუარმატურებელი
146    6811    ნაწარმი აზბესტცემენტის, ცელულოზისბოჭკოებიანი ცემენტის ან ანალოგიური მასალებისაგან
147    6812 91 000 00    - ტანსაცმელი, ტანსაცმლის საკუთნოები, ფეხსაცმელი და თავსაბუ-რავები
148    6812 92 000 00    - ქაღალდი, სქელი მუყაო და ქეჩა ან ფეტრი
149    6812 93 000 00    - - შემამჭიდროებელი მასალა წნეხილი აზბესტის ბოჭკოსაგან, ფურცლებად ან რულონებად
150    6815    ნაწარმი ქვის ან სხვა მინერალური ნივთიერებებისაგან (ნახშირბა-დიანი ბოჭკოების, ნახშირბადიანი ბოჭკოების ნაწარმისა და ტორფის ნაწარმის ჩათვლით), სხვა ადგილას დაუსახელებელი ან ჩაურთველი
151   
6902 10 000 00    - Mგ, ჩა ან ჩრ ელემენტების შემცველობით 50 მას.%-ზე მეტი ცალ-ცალკე ან ერთად აღებული, MგO, ჩაO ან ჩრ2O3-ზე გადაანგარიშებით
152    6902 20 100 00    - - კაჟმიწის (შიO2) შემცველობით 93 მას.% ან მეტი

153   
6902 20 910 00    - - - თიხამიწის (Aლ2O3) შემცველობით 7 მას.%-ზე მეტი, მაგრამ 45 მას.%-ზე ნაკლები
154    6902 20 990 00    - - - დანარჩენი
155    6902 90 000 00    - დანარჩენი
156   
7113    საიუველირო ნაკეთობები და მათი ნაწილები ძვირფასი ლითონებისაგან ან ძვირფასი ლითონებით მიტკეცილი ლითონებისაგან
157    7115 90 100 00    - - ძვირფასი ლითონებისაგან
158   

7116    ნაკეთობები ბუნებრივი ან კულტივირებული მარგალიტის, ძვირფასი ან ნახევრად ძვირფასი ქვებისაგან (ბუნებრივი, ხელოვნური ან რეკონსტრუირებული)
159    7117    ბიჟუტერია
160    7308 10 000 00    - ხიდები და ხიდების სექციები
161   
7308 40    - დანადგარები და სხვა მოწყობილობა ლითონური სამშენებლო ხარაჩოების, ყალიბების, კედლის საბჯენების ან შახტის სამაგრებისათვის
162    7308 90    - დანარჩენი
163    7309 00 100 00    - აირებისათვის (შეკუმშული ან გათხევადებული აირის გარდა)
164    7309 00 300 00    - - მოპირკეთებით ან თბოიზოლაციით
165    7309 00 590 00    - - - არა უმეტეს 100 000 ლიტრისა
166    7309 00 900 00    - მყარი ნივთიერებებისათვის
167   


7310    ცისტერნები, კასრები, დოლები, კანისტრები, ყუთები და ანალოგიური ტევადობები შავი ლითონებისაგან, ნებისმიერი ნივთიერებისათვის (შეკუმშული ან გათხევადებული აირის გარდა), არა უმეტეს 300 ლიტრი ტევადობისა, მოპირკეთებით ან თბოიზოლაციით ან მათ გარეშე, მაგრამ მექანიკური ან თბოტექნიკური დანადგარების გარეშე
168   
7311 00    ტევადობები შეკუმშული ან გათხევადებული აირებისათვის, შავი ლითონებისაგან
169   

7314    ლითონური ქსოვილი (უწყვეტი ლენტების ჩათვლით), მავთულის გისოსები, ბადეები და შემოსაღობები შავი ლითონებისაგან; გამცრავ-გამწოვი ფურცელი შავი ლითონებისაგან
170    7315    ჯაჭვები და მათი ნაწილები შავი ლითონებისაგან
171   

7318    ხრახნები, ჭანჭიკები, ქანჩები, ყრუ ჭანჭიკები, ჩასახრახნი კაკვები, მოქლონები, სოგმანები, ჭილიპყურები, საყელურები (ზამბაროვანის ჩათვლით) და ანალოგიური ნაწარმი შავი ლითონებისაგან

172   
7320    ზამბარები, რესორები და ფურცლები მათთვის შავი ლითონებისაგან
173   


7321    ღუმლები გასათბობი, ღუმლები გასათბობ-სახარშავი და საკვების მოსამზადებელი (ცენტრალური გათბობის დამხმარე ქვაბიანი ღუმლების ჩათვლით), ფრიტურნიცები, მაყალები, ქურის სანთურები, საკვების გასათბობი გამათბობლები და ანალოგიური საყოფაცხოვრებო არაელექტრული მოწყობილობები და მათი ნაწილები შავი ლითონებისაგან
174   


7323    ნაწარმი სუფრის, სამზარეულო ან სხვა ნაწარმი საყოფაცხოვრებო საჭიროებებისათვის და მათი ნაწილები შავი ლითონებისაგან; "მატყლი" შავი ლითონებისაგან; სამზარეულო ჭურჭლის საწმენდი ნეჭა, გასაწმენდი ან გასაპრიალებელი ბალიშები, ხელთათმნები და ანალოგიური ნაწარმი შავი ლითონებისაგან
2. იმპორტის გადასახადის 5-პროცენტიანი განაკვეთით იბეგრება შემდეგი საქონლის საბაჟო ღირებულება:
?    კოდი    საქონლის დასახელება
1    0203     ხორცი ღორისა, ახალი, გაცივებული ან გაყინული
2    0406     ყველი და ხაჭო
3    1806 31 000 00    - - გულსართით
4    1806 32    - - გულსართის გარეშე
5    1806 90    - დანარჩენი
6    3305    თმის საშუალებები
7    3307    საშუალებები, პარსვამდე, პარსვის დროს ან პარსვის შემდეგ გამოსაყენებელი, ინდივიდუალური დანიშნულების დეზოდორანტები, შედგენილობები აბაზანის მისაღებად, თმების მოსაცილებელი და სხვა საპარფიუმერიო, კოსმეტიკური ან ტუალეტის საშუალებები, სხვა ადგილას დაუსახელებელი ან ჩაურთველი; დეზოდორანტები სათავსებისათვის, არომატიზებული ან არაარომატიზებული, მადეზინფიცირებელი თვისების მქონე ან არმქონე
8    3401    საპონი; ზედაპირულად აქტიური ორგანული ნივთიერებები და საშუალებები, გამოსაყენებელი საპნად, ძელაკების, ნაჭრების ან დაყალიბებული ნაწარმის სახით, საპნის შემცველი ან მის გარეშე; ზედაპირულად აქტიური ორგანული ნივთიერებები და კანის დასაბანი საშუალებები სითხის ან კრემის სახით, დაფასოებული საცალო ვაჭრობისათვის, საპნის შემცველი ან მის გარეშე; ქაღალდი, ბამბა, ქეჩა ან ფეტრი და უქსოვადი მასალები, გაჟღენთილი ან დაფარული საპნით ან სარეცხი საშუალებით
9    3405    ვაქსები და საცხები ფეხსაცმლისათვის, პოლიროლები და მასტიკები ავეჯის, იატაკის, ავტომობილების ძარების, მინების ან ლითონებისათვის, საწმენდი პასტები და ფხვნილები და ანალოგიური საშუალებები (მათ შორის, ქაღალდი, ბამბა, ქეჩა ან ფეტრი, უქსოვადი მასალები, ფორიანი პლასტმასები ან ფორიანი რეზინი, გაჟღენთილი ან დაფარული ასეთი საშუალებებით), 3404 სასაქონლო პოზიციის ცვილების გარდა
10    3916    პლასტმასის მონოძაფი 1 მმ-ზე მეტი განივკვეთით, წნელები, ღერძები და ფასონური პროფილები, დამუშავებული ან დაუმუშავებელი ზედაპირით, მაგრამ სხვაგვარად დაუმუშავებელი
11    3917 10    - ხელოვნური გარსაცმები (ძეხვეულის ნაწარმისათვის) გამყარებული პროტეინებისაგან ან ცელულოზის მასალებისაგან
12    3917 21 100 00    - - - უნაწიბურო და დაჭრილი ნაჭრებად, რომელთა სიგრძე აღემატება განივკვეთის მაქსიმალურ ზომას, დამუშავებული ან დაუმუშავებელი ზედაპირით, მაგრამ სხვაგვარად დაუმუშავებელი
13    3917 21 990 00    - - - - დანარჩენი
14    3917 22 100 00    - - - უნაწიბურო და დაჭრილი ნაჭრებად, რომელთა სიგრძე აღემატება განივკვეთის მაქსიმალურ ზომას, დამუშავებული ან დაუმუშავებელი ზედაპირით, მაგრამ სხვაგვარად დაუმუშავებელი
15    3917 22 990 00    - - - - დანარჩენი
16    3917 23 100 00    - - - უნაწიბურო და დაჭრილი ნაჭრებად, რომელთა სიგრძე აღემატება განივკვეთის მაქსიმალურ ზომას, დამუშავებული ან დაუმუშავებელი ზედაპირით, მაგრამ სხვაგვარად დაუმუშავებელი
17    3917 23 990 00    - - - - დანარჩენი
18    3917 29 120 00    - - - - ქიმიურად მოდიფიცირებული ან არამოდიფიცირებული კონდენსაციის პროდუქტებისაგან ან პოლიმერიზაციის პროდუქტებისაგან გადაჯგუფებით
19    3917 29 150 00    - - - - პოლიმიერთების პროდუქტებისაგან
20    3917 29 190 00    - - - - დანარჩენი
21    3917 29 990 00    - - - - დანარჩენი
22    3917 31 900 00    - - - დანარჩენი
23    3917 32    - - დანარჩენი, დაუარმატურებელი ან სხვა მასალებთან არაკომბინირებული, უფიტინგებოდ
24    3917 33 900 00    - - - დანარჩენი
25    3917 39 120 00    - - - - ქიმიურად მოდიფიცირებული ან არამოდიფიცირებული კონდენსაციის პროდუქტებისაგან ან პოლიმერიზაციის პროდუქტებისაგან გადაჯგუფებით
26    3917 39 150 00    - - - - პოლიმიერთების პროდუქტებისაგან
27    3917 39 190 00    - - - - დანარჩენი
28    3917 39 990 00     - - - - დანარჩენი
29    3917 40 900 00    - - დანარჩენი
30    3919    პლასტმასის ფილები, ფურცლები, ფირები, კილიტა, ლენტები, ზოლები და დანარჩენი ბრტყელი ფორმები, თვითწებვადი, რულონებად ან არარულონებად
31    3920    პლასტმასის ფილები, ფურცლები, ფირები და ზოლები ან ლენტები, დანარჩენი, უფორებო და დაუარმატურებელი, არაშრეული, ფუძეშრის გარეშე და სხვა მასალებთან ანალოგიური წესით შეუერთებელი
32    3921    პლასტმასის ფილები, ფურცლები, ფირები, ზოლები ან ლენტები, დანარჩენი
33    3925 10 000 00
    - რეზერვუარები, ცისტერნები, ავზები და ანალოგიური ტევადობები მოცულობით 300 ლიტრზე მეტი
34    3926 10 000 00    - საკანცელარიო ან სასკოლო ნივთები
35    3926 20 000 00
    - ტანსაცმელი და მისი საკუთნოები (ხელთათმნების, ხელჯაგებისა და თათმანების ჩათვლით)
36    3926 30 000 00
    - სამაგრი ნაკეთობები და ფურნიტურა ავეჯისათვის, სატრანსპორტო საშუალებებისათვის ან ანალოგიური ნაწარმი
37    3926 40 000 00
    - ქანდაკებები და სხვა დეკორატიული ნაწარმი
38    7308 20 000 00    - ბჯენები და ცხაური ანძები
39    7308 30 000 00    - კარები, ფანჯრები და მათი ჩარჩოები და ზღურბლები კარებისათვის
40    8544 11    - - სპილენძის
41    8544 19    - - დანარჩენი
42
    8544 20 000 00    - კოაქსიალური კაბელები და სხვა კოაქსიალური ელექტრული გამტარები
43    8544 30 900 00    - - დანარჩენი
ბ) მე-4 და მე-5 ნაწილები ჩამოყალიბდეს შემდეგი რედაქციით:
"4. საქართველოს საბაჟო ტერიტორიაზე დროებით შემოტანილი საქონელი საბაჟო დეკლარაციის რეგისტრაციის დღიდან საქართველოს საბაჟო ტერიტორიაზე ყოფნის ყოველ სრულ და არასრულ კალენდარულ თვეზე იბეგრება იმპორტის გადასახადის იმ თანხის 3 პროცენტით, რომელიც გადაიხდევინებოდა დროებითი შემოტანის საბაჟო დეკლარაციის რეგისტრაციის დღეს ამ საქონლის იმპორტში მოქცევისას. აღნიშნული თანხა გადახდილი უნდა იქნეს არა უგვიანეს ყოველი თვის მომდევნო თვის 15 რიცხვისა, ხოლო ბოლო გადახდა უნდა განხორციელდეს საქონლის დროებითი შემოტანის სასაქონლო ოპერაციის დასრულების დღეს. დეკლარანტს უფლება აქვს, მთელი გადასახდელი თანხა ერთდროულად გადაიხადოს.
5. ამ მუხლის მე-4 ნაწილში აღნიშნული, გადახდას დაქვემდებარებული თანხების ჯამური ოდენობა (საურავის გარეშე) არ უნდა აღემატებოდეს იმპორტის გადასახადის იმ თანხას, რომელიც გადაიხდევინებოდა დროებითი შემოტანის საბაჟო დეკლარაციის რეგისტრაციის დღეს ამ საქონლის იმპორტში მოქცევისას.".
21. 198-ე მუხლი ჩამოყალიბდეს შემდეგი რედაქციით:
    "მუხლი 198. გადასახადის დარიცხვისა და გადახდის წესი
1. იმპორტის გადასახადის დარიცხვა ხორციელდება საქონლის საბაჟო ღირებულების მიხედვით, გარდა ამ კოდექსის 197-ე მუხლის მე-3 და მე-6 ნაწილებით გათვალისწინებული შემთხვევებისა.
2. დარიცხული იმპორტის გადასახადის გადახდა ხორციელდება სასაქონლო ოპერაციების შესაბამისად საგადასახადო ორგანოს მიერ რეგისტრირებული საბაჟო დეკლარაციის საფუძველზე.".
22. X კარის სათაური ჩამოყალიბდეს შემდეგი რედაქციით:
"საქართველოს საბაჟო ტერიტორიაზე საქონლის გადაადგილება".
23. 207-ე მუხლის:
ა) "დ"-"ვ" ქვეპუნქტები ჩამოყალიბდეს შემდეგი რედაქციით:
"დ) ექსპორტის გადასახდელი - გადასახადი, რომლის გადახდის ვალდებულება წარმოიშობა საქართველოს საბაჟო ტერიტორიიდან საქონლის გატანასთან დაკავშირებით;
ე) იმპორტის გადასახდელი - იმპორტის გადასახადი, აქციზი, დღგ, რომლის გადახდის ვალდებულება წარმოიშობა საქართველოს საბაჟო ტერიტორიაზე საქონლის შემოტანასთან დაკავშირებით;
ვ) მგზავრი - ფიზიკური პირი, რომელიც კანონიერად კვეთს საქართველოს საბაჟო საზღვარს;";
ბ) "თ"?"კ" ქვეპუნქტები ჩამოყალიბდეს შემდეგი რედაქციით:
"თ) საბაჟო გამშვები პუნქტი - საქართველოს საბაჟო საზღვართან მდებარე საბაჟო კონტროლის ზონა, სადაც მგზავრის, საქონლისა და სატრანსპორტო საშუალების მიმართ ხორციელდება ამ კოდექსით დადგენილი პროცედურები;
ი) სავაჭრო პოლიტიკა - საქართველოს საბაჟო საზღვარზე საქონლის გადაადგილების მარეგულირებელი აქტების საფუძველზე მოქმედი სატარიფო (იმპორტის გადასახადი) და არასატარიფო ღონისძიებები (ნებართვები, ლიცენზიები, აკრძალვები, შეზღუდვები და ა. შ.);
კ) საბაჟო დეკლარაცია - დოკუმენტი, რომლითაც პირი აცხადებს საქონლის მიმართ სასაქონლო ოპერაციის გამოყენების განზრახვას;";
გ) "მ" ქვეპუნქტი ჩამოყალიბდეს შემდეგი რედაქციით:
"მ) საქონლის მფლობელი - პირი, რომელიც საქართველოს საბაჟო საზღვრის გადაკვეთასთან დაკავშირებულ ოპერაციებში არის საქონლის მესაკუთრე, ან რომელსაც აქვს საქონლის განკარგვის მსგავსი უფლება, ან რომლის ფიზიკური კონტროლის ქვეშაც არის საქონელი;";
დ) "ს"-"უ" ქვეპუნქტები ჩამოყალიბდეს შემდეგი რედაქციით:
"ს) საბაჟო ზედამხედველობა - შემოსავლების სამსახურის მიერ გასატარებელ ღონისძიებათა ერთობლიობა, რომლის მიზანია საქონლის მიმართ სავაჭრო პოლიტიკის ღონისძიებების დაცვა;
ტ) საბაჟო კონტროლი - შემოსავლების სამსახურის მიერ განხორციელებული ცალკეული მოქმედებები, რომელთა მიზანია საქართველოს საბაჟო ტერიტორიაზე საქონლის შემოტანასა და საქართველოს საბაჟო ტერიტორიიდან საქონლის გატანასთან დაკავშირებული საქართველოს კანონმდებლობის მოთხოვნათა დაცვის უზრუნველყოფა;
უ) საბაჟო ტერმინალი - შემოსავლების სამსახურის საბაჟო კონტროლის ზონა, სადაც ხორციელდება საქონლის შენახვა;";
ე) "ქ" და "ღ" ქვეპუნქტები ჩამოყალიბდეს შემდეგი რედაქციით:
"ქ) გაფორმების ეკონომიკური ზონა - შემოსავლების სამსახურის სპეციალურად შექმნილი საბაჟო კონტროლის ზონა, სადაც ხორციელდება საქონლის გაფორმება;
ღ) ზოგადი დეკლარირება - საქონელზე იმ ზოგადი მონაცემების წარდგენა, რომლებიც აუცილებელია საბაჟო ზედამხედველობისა და საბაჟო კონტროლის განხორციელებისათვის.".
24. 2071 და 208-ე მუხლები ჩამოყალიბდეს შემდეგი რედაქციით:
    "მუხლი 2071. საქართველოს საბაჟო ტერიტორიაზე საქონლის გადაადგილებასთან დაკავშირებული პროცედურების განხორციელების ენა
1. საქართველოს საბაჟო ტერიტორიაზე საქონლის გადაადგილებასთან დაკავშირებული პროცედურები ხორციელდება ქართულ ენაზე, ხოლო აფხაზეთში ? აგრეთვე აფხაზურ ენაზე.
2. საქართველოს საგადასახადო კანონმდებლობით დადგენილ შემთხვევებში საქართველოს საბაჟო ტერიტორიაზე საქონლის გადაადგილებასთან დაკავშირებული პროცედურების განხორციელება ან/და საგადასახადო ორგანოში წარსადგენი დოკუმენტების შედგენა შეიძლება უცხოურ ენაზედაც.
3. თუ დეკლარანტის მიერ საგადასახადო ორგანოში წარდგენილი დოკუმენტები შედგენილია უცხოურ ენაზე და გაუგებარია საგადასახადო ორგანოს უფლებამოსილი პირისათვის, მას უფლება აქვს, მოითხოვოს ამ დოკუმენტების თარგმანი სახელმწიფო ენაზე.
    მუხლი 208. საქართველოს საბაჟო ტერიტორია
1. საქართველოს საბაჟო ტერიტორია შედგება საქართველოს სახმელეთო ტერიტორიისაგან, ტერიტორიული და შიგა წყლებისაგან და მათი საჰაერო სივრცისაგან. საქართველოს საბაჟო ტერიტორია აგრეთვე მოიცავს განსაკუთრებულ საზღვაო ეკონომიკურ ზონაში განლაგებული დანადგარების, ნაგებობებისა და ხელოვნური კუნძულების ტერიტორიებს, რომლებზედაც ვრცელდება საქართველოს განსაკუთრებული იურისდიქცია.
2. საქართველოს საბაჟო საზღვარი ემთხვევა საქართველოს სახელმწიფო საზღვარს.".
25. 209-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. საქართველოს საბაჟო საზღვრის გადაკვეთის მიზნებისათვის საქონელი არის მატერიალური ქონება, მათ შორის, ფული, ფასიანი ქაღალდები, ელექტრო- და თბოენერგია, გაზი და წყალი.";
ბ) მე-3 ნაწილის "ა" ქვეპუნქტი ჩამოყალიბდეს შემდეგი რედაქციით:
"ა) საქართველოს საბაჟო ტერიტორიაზე (გარდა თავისუფალი ზონისა) მთლიანად წარმოებული ან მიღებული საქონელი (გარდა იმპორტის სასაქონლო ოპერაციაში მოსაქცევი, საწარმოო ოპერაციების შედეგად მიღებული ნარჩენებისა, ჯართისა და ნახმარი ნაკეთობებისა, რომლებიც შეგროვდა საქართველოში და გამოიყენება მხოლოდ ნედლეულად გადამუშავებისათვის);";
გ) მე-4 ნაწილი ჩამოყალიბდეს შემდეგი რედაქციით:
"4. ამ კოდექსის მიზნებისათვის უცხოური საქონელი არის საქონელი, რომელიც არ აკმაყოფილებს ამ მუხლის მე-3 ნაწილში აღნიშნულ პირობებს. თუ საქართველოს საქონელი გატანილ იქნა საქართველოს საბაჟო ტერიტორიიდან (გარდა თავისუფალ ზონაში მოთავსებისა), იგი კარგავს საქართველოს საქონლის სტატუსს.".
26. 213-ე მუხლი ჩამოყალიბდეს შემდეგი რედაქციით:
    "მუხლი 213. საქონლის საბაჟო ღირებულების განსაზღვრა
1. სავაჭრო პოლიტიკის ღონისძიებების გამოყენების მიზნებისათვის საქონლის საბაჟო ღირებულების განსაზღვრა ნიშნავს საქონლის დეკლარირების დღისათვის მის შეფასებას.
2. საქონლის საბაჟო ღირებულებას განსაზღვრავს დეკლარანტი. შემოსავლების სამსახური აკონტროლებს საქონლის საბაჟო ღირებულების განსაზღვრის სისწორეს და იმ შემთხვევაში, თუ არ ეთანხმება დეკლარირებულ საბაჟო ღირებულებას, მას თვითონ განსაზღვრავს.
3. იმპორტისას დეკლარირებული საქონლის საბაჟო ღირებულება განისაზღვრება შემდეგი მეთოდებით:
ა) გარიგების ფასის მიხედვით (პირველი მეთოდი);
ბ) იდენტური საქონლის გარიგების ფასის მიხედვით (მეორე მეთოდი);
გ) მსგავსი საქონლის გარიგების ფასის მიხედვით (მესამე მეთოდი);
დ) საქონლის ერთეულის ფასის მიხედვით (მეოთხე მეთოდი);
ე) შედგენილი ღირებულების მიხედვით (მეხუთე მეთოდი);
ვ) სარეზერვო მეთოდით (მეექვსე მეთოდი).
4. ამ მუხლის მე-3 ნაწილში აღნიშნული ყოველი მომდევნო მეთოდი გამოიყენება იმ შემთხვევაში, თუ დასაბუთებულად ვერ ხერხდება წინა მეთოდის გამოყენება. დეკლარანტს უფლება აქვს, შეცვალოს ამ მუხლის მე-3 ნაწილის "დ" და "ე" ქვეპუნქტებში აღნიშნული საქონლის საბაჟო ღირებულების განსაზღვრის მეთოდების გამოყენების რიგითობა.
5. თუ საქონლის მიმართ შეიცვალა სასაქონლო ოპერაცია ან საქონლის გამოყენების მიზანი, დასაშვებია ამ საქონლის იმპორტისას გამოყენებულ იქნეს საბაჟო ღირებულების განსაზღვრის ამ მუხლით დადგენილი წესები.
6. ამ მუხლის მიზნებისათვის პირები ურთიერთდამოკიდებულად ჩაითვლებიან, თუ:
ა) ისინი არიან ერთმანეთის საწარმოების/კომპანიების ხელმძღვანელი პირები ან დირექტორები;
ბ) ისინი არიან საქმიანობაში კანონიერად აღიარებული პარტნიორები;
გ) ისინი არიან დამსაქმებელი და დასაქმებული;
დ) არსებობს მესამე პირი, რომელიც პირდაპირ ან ირიბად ფლობს ან აკონტროლებს ორივე პირს ან აქვს ორივე პირის ხმის უფლების მქონე აქციების 5 ან მეტი პროცენტი;
ე) ერთ-ერთი მათგანი პირდაპირ ან ირიბად აკონტროლებს მეორეს;
ვ) ორივე პირს პირდაპირ ან ირიბად აკონტროლებს მესამე პირი;
ზ) ისინი ერთად, პირდაპირ ან ირიბად აკონტროლებენ მესამე პირს;
თ) ისინი არიან ერთი ოჯახის წევრები.".
27. XXXII თავის სათაური ჩამოყალიბდეს შემდეგი რედაქციით:
"საბაჟო კონტროლი და საბაჟო ზედამხედველობა".
28. 214-ე და 215-ე მუხლები ჩამოყალიბდეს შემდეგი რედაქციით:
    "მუხლი 214. საბაჟო კონტროლის განხორციელება
1. დეკლარირებული მონაცემების სისწორის დადგენის მიზნით საბაჟო კონტროლი ხორციელდება საბაჟო კონტროლის ზონაში, რომელიც საქართველოს საბაჟო ტერიტორიის ნაწილია.
2. საბაჟო კონტროლს ექვემდებარება:
ა) პირი საზღვრის გადაკვეთისას;
ბ) საბაჟო ზედამხედველობას დაქვემდებარებული საქონელი და სატრანსპორტო საშუალება;
გ) ტერიტორია, სადაც განთავსებულია საბაჟო ზედამხედველობას დაქვემდებარებული საქონელი და სატრანსპორტო საშუალება;
დ) საქართველოს საბაჟო ტერიტორიაზე საქონელსა და სატრანსპორტო საშუალებასთან დაკავშირებული პირის საქმიანობა.
3. საბაჟო კონტროლის ფორმებია:
ა) დოკუმენტებისა და მონაცემების შემოწმება;
ბ) ზეპირი გამოკითხვა;
გ) ახსნა-განმარტების მიღება;
დ) დაკვირვება (ვიდეო- და აუდიოჩაწერა);
ე) საქონლის, სატრანსპორტო საშუალებისა და ტერიტორიის დათვალიერება;
ვ) ლაბორატორიული კვლევის მიზნით სინჯისა და ნიმუშის აღება;
ზ) ფიზიკური პირის დათვალიერება;
თ) საქონლის გაშვების შემდგომი შემოწმება.
4. საქართველოს საბაჟო საზღვრის გადაკვეთა ნებადართულია მხოლოდ იმ საქონლისათვის, რომლის შემოტანა ან გატანა არ არის აკრძალული.
5. საბაჟო კონტროლი ასევე მოიცავს ფიტოსანიტარიულ სასაზღვრო-საკარანტინო, ვეტერინარულ სასაზღვრო-საკარანტინო და სანიტარიულ-საკარანტინო კონტროლს, რომელიც ხორციელდება საქართველოს მთავრობის მიერ დადგენილი წესით.
6. საბაჟო კონტროლის განხორციელებისას საგადასახადო ორგანო ახორციელებს საქონლის ან/და სატრანსპორტო საშუალების ნიშანდებას იდენტიფიკაციის საშუალებით, როცა ეს აუცილებელია მისი შემდგომი იდენტიფიკაციისათვის, თუ საქართველოს საგადასახადო კანონმდებლობით სხვა რამ არ არის გათვალისწინებული.
7. სამართალდარღვევის გამოვლენისა და აღკვეთის მიზნით, უცხო სახელმწიფოს კომპეტენტური ორგანოების მოთხოვნის საფუძველზე, შემოსავლების სამსახური სამართალდამცავ ორგანოებთან თანამშრომლობით ახორციელებს კონტროლს დაქვემდებარებულ მიწოდებას.
8. ფიტოსანიტარიული სასაზღვრო-საკარანტინო, ვეტერინარული სასაზღვრო-საკარანტინო და სანიტარიულ-საკარანტინო კონტროლის განხორციელების წესს, საქართველოს ინტეგრირებულ ტარიფს, თავისუფალი ზონის შექმნის წესს, საბაჟო საწყობის, თავისუფალი ვაჭრობის პუნქტის საქმიანობის ნებართვის გაცემის წესებს შესაბამისი დადგენილებებით განსაზღვრავს საქართველოს მთავრობა.
    მუხლი 215. საქონლის შემოტანა, გატანა, გაფორმება
1. საქონლის საქართველოს საბაჟო ტერიტორიაზე შემოტანა/საბაჟო ტერიტორიიდან გატანა ხორციელდება საბაჟო გამშვები პუნქტის ან საქართველოს ფინანსთა მინისტრის მიერ განსაზღვრული სხვა ადგილის გავლით და, შესაბამისად, სავალდებულოა მისი წარდგენა. ეს ვალდებულება არ ვრცელდება მილსადენით ან ელექტროგადამცემი ხაზით, საზღვაო ან საჰაერო სატრანსპორტო საშუალებით საქართველოს ტერიტორიული წყლების ან საჰაერო სივრცის გავლით გადაადგილებულ საქონელზე.
2. საქონელი საბაჟო ზედამხედველობას ექვემდებარება საქართველოს საბაჟო ტერიტორიაზე შემოტანიდან გაფორმების დასრულებამდე, ხოლო მიზნობრივი დანიშნულებით გაფორმებისას - საბაჟო ტერიტორიაზე შემოტანიდან მიზნობრივი დანიშნულების დასრულებამდე.
3. საქართველოს საბაჟო ტერიტორიაზე საქონლის შემოტანამდე ან შემოტანილი საქონლის წარდგენისას ხორციელდება ზოგადი დეკლარირება.
4. საქართველოს საბაჟო ტერიტორიიდან გასატანი საქონელი გაფორმებიდან საქონლის გატანამდე ექვემდებარება საბაჟო ზედამხედველობას.
5. საქართველოს საბაჟო ტერიტორიიდან საქონლის გატანამდე ხორციელდება ზოგადი დეკლარირება.
6. საქართველოს საბაჟო ტერიტორიაზე შემოტანის შემდეგ ან შემოტანამდე საქონელი ექვემდებარება საბაჟო გამშვებ პუნქტში, საბაჟო ტერმინალში ან საქართველოს ფინანსთა მინისტრის მიერ განსაზღვრულ ადგილზე გაფორმებას.
7. საქართველოს საბაჟო ტერიტორიიდან გატანამდე საქონელი ექვემდებარება საბაჟო გამშვებ პუნქტში, საბაჟო ტერმინალში ან საქართველოს ფინანსთა მინისტრის მიერ განსაზღვრულ ადგილზე გაფორმებას.
8. საქართველოს საბაჟო ტერიტორიიდან გატანილი საქონელი, მათ შორის, სასაქონლო ოპერაციაში მოქცეული, შესაძლებელია მოექცეს სხვა სასაქონლო ოპერაციაში.
9. საბაჟო გამშვები პუნქტი, საბაჟო ტერმინალი ან/და საქართველოს ფინანსთა მინისტრის მიერ განსაზღვრული სხვა ადგილები არის საბაჟო კონტროლის ზონები, რომელთა შორის საქონლის გადაადგილება ხორციელდება საბაჟო კონტროლის ქვეშ.
10. საქონლის წარდგენისა და გაფორმების ვალდებულება ეკისრება დეკლარანტს ან/და საქონლის მფლობელს.
11. საქართველოს საბაჟო საზღვარზე საქონლის სახით გადაადგილებული სატრანსპორტო საშუალების გაფორმება შეიძლება განახორციელოს საქართველოს შინაგან საქმეთა სამინისტროს უფლებამოსილმა სამსახურმა საქართველოს ფინანსთა და შინაგან საქმეთა მინისტრების ერთობლივი ბრძანებით დადგენილი წესით და მათ მიერ დელეგირებულ უფლებამოსილებათა ფარგლებში.".
29. 217-ე მუხლის 21 და მე-3 ნაწილები ჩამოყალიბდეს შემდეგი რედაქციით:
"21. საბაჟო საწყობში საქონლის დროებით შენახვის შემთხვევაში ამ მუხლის პირველ ნაწილში აღნიშნული ვადა 5 კალენდარული წელია.
3. საქონელი, რომელზედაც უკვე განსაზღვრულია სასაქონლო ოპერაცია (გარდა ექსპორტისა), პირის მოთხოვნით, შეიძლება საბაჟო საწყობში დროებით ინახებოდეს არა უმეტეს 5 კალენდარული წლისა, ხოლო ექსპორტის შემთხვევაში ? არა უმეტეს 120 დღისა.".
30. 218-ე-220-ე მუხლები ჩამოყალიბდეს შემდეგი რედაქციით:
    "მუხლი 218. საბაჟო დეკლარაცია
1. საქონლის გაფორმების მიზნით წარდგენილი უნდა იქნეს საბაჟო დეკლარაცია, რომლის საფუძველზედაც განისაზღვრება სასაქონლო ოპერაცია.
2. რეგისტრაციის დღიდან საბაჟო დეკლარაცია არის იურიდიული მნიშვნელობის მქონე ფაქტების დამადასტურებელი დოკუმენტი, თუ ამ კოდექსით სხვა რამ არ არის გათვალისწინებული.
3. საერთაშორისო საჰაერო, სარკინიგზო და საზღვაო რეისების განსახორციელებლად ამ ტრანსპორტზე მიწოდებული, მგზავრებისა და ეკიპაჟის წევრებისათვის საჭირო სამომხმარებლო საქონელი, რომელიც განკუთვნილია მათი პირადი მოხმარებისათვის ან მათზე სარეალიზაციოდ, აგრეთვე ზემოაღნიშნულ ტრანსპორტზე მისი ექსპლუატაციის ნორმალური პირობებისათვის ატანილი წყალი, საწვავი და საცხებ-საპოხი მასალები (გარდა სათადარიგო ნაწილებისა და მოწყობილობებისა) არ ექვემდებარება ამ კოდექსით დადგენილი წესით დეკლარირებას.
4. რეგისტრირებულ საბაჟო დეკლარაციაში, დეკლარანტის ინიციატივით, შესაძლებელია შეტანილ იქნეს ცვლილებები:    
ა) საქონლის გაშვებამდე, თუ საგადასახადო ორგანოს არ შეუტყობინებია დეკლარანტისთვის ამ საბაჟო დეკლარაციის შემოწმების განზრახვა ან არ დაუდგენია დეკლარირებული მონაცემების მცდარობა;           
ბ) საქონლის გაშვების შემდეგ, საქონლის გაშვების შემდგომი შემოწმების დაწყებამდე.
5. საბაჟო დეკლარაციაში ჯამური საგადასახადო ვალდებულების თანხის გაანგარიშება ხორციელდება სრულ ლარებში. ამ მიზნით 1 ლარამდე საგადასახადო ვალდებულება ნულდება.
    მუხლი 219. საბაჟო კონტროლისაგან გათავისუფლება
1. საბაჟო კონტროლს არ ექვემდებარება საქართველოს პრეზიდენტი, საქართველოს სამოციქულო ავტოკეფალური მართლმადიდებელი ეკლესიის მეთაური, საქართველოს პარლამენტის თავმჯდომარე, საქართველოს პრემიერ-მინისტრი, საქართველოს პარლამენტის წევრი, საქართველოს მთავრობის წევრი, საქართველოს უზენაესი სასამართლოს თავმჯდომარე, საქართველოს საკონსტიტუციო სასამართლოს თავმჯდომარე, საქართველოს კონტროლის პალატის თავმჯდომარე, საქართველოს სახალხო დამცველი, საქართველოს ეროვნული ბანკის საბჭოს წევრი, სხვა სახელმწიფოში საქართველოს დიპლომატიური წარმომადგენლობის ხელმძღვანელი და დიპლომატიური რანგის მქონე პირი, მათი თანმხლები ოჯახის წევრი და პირადი ნივთები, გარდა საქართველოს კანონმდებლობით გათვალისწინებული შემთხვევებისა.
2. საბაჟო კონტროლს არ ექვემდებარება საქართველოში სხვა სახელმწიფოს დიპლომატიურ და მათთან გათანაბრებულ წარმომადგენლობათა დიპლომატიური და ადმინისტრაციულ-ტექნიკური პერსონალი (გარდა საქართველოს მოქალაქეებისა), მათთან მცხოვრებ ოჯახის წევრთა ჩათვლით, და მათი პირადი ნივთები, გარდა საქართველოს კანონმდებლობით გათვალისწინებული შემთხვევებისა.
3. საქართველოს საბაჟო საზღვრის გადაკვეთისას აკრძალულია სხვა სახელმწიფოს დიპლომატიური ფოსტისა და საკონსულო ვალიზას გახსნა ან დაკავება. შემოსავლების სამსახური უფლებამოსილია მოითხოვოს საკონსულო ვალიზას დიპლომატიური წარმომადგენლობის უფლებამოსილ პირთა თანდასწრებით გახსნა. საკონსულო ვალიზას გახსნაზე უარის მიღების შემთხვევაში იგი ბრუნდება.
4. დიპლომატიურ ფოსტასა და საკონსულო ვალიზას უნდა ჰქონდეს თვალსაჩინო გარეგნული განმასხვავებელი ნიშანი.
5. საბაჟო კონტროლისაგან გათავისუფლება არ ნიშნავს დარღვევის შემთხვევაში პასუხისმგებლობისაგან გათავისუფლებას.
    მუხლი 220. საქონლის გაშვება
1. თუ საბაჟო დეკლარაციის შემოწმების შედეგად დადგინდა, რომ სრულადაა დაცული საქართველოს კანონმდებლობის მოთხოვნები, საქონელი დაუყოვნებლივ გაიშვება.
2. ერთი საბაჟო დეკლარაციით დეკლარირებული საქონელი გაშვებული უნდა იქნეს ერთდროულად, გარდა გამონაკლისი შემთხვევისა, რომელზედაც გადაწყვეტილებას იღებს საგადასახადო ორგანო.
3. თუ ერთი საბაჟო დეკლარაციით დეკლარირებულია სხვადასხვა სახეობის საქონელი, საქონლის თითოეული სახეობა ითვლება ცალ-ცალკე დეკლარირებულად.
4. საქონლის გაშვება არ გამორიცხავს საბაჟო კონტროლისა და საბაჟო ზედამხედველობის ვადის გაგრძელებას.".
31. 221-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. საქართველოს საბაჟო ტერიტორიაზე გადაადგილებული საქონლის მიმართ შესაძლებელია გამოყენებულ იქნეს საქონლის განკარგვის შემდეგი ღონისძიებები:
ა) საგადასახადო სანქციის სახით საგადასახადო სამართალდარღვევის საქონლის ან/და სატრანსპორტო საშუალების უსასყიდლოდ ჩამორთმევა;
ბ) საგადასახადო დავალიანების გადახდევინების უზრუნველსაყოფად ყადაღადადებული საქონლის რეალიზაცია ან სახელმწიფო საკუთრებაში გადაცემა;
გ) საქონლის განადგურება;
დ) საქონლის სახელმწიფო საკუთრებაში გადაცემა.";
ბ) მე-2 ნაწილის "ბ" და "გ" ქვეპუნქტები ჩამოყალიბდეს შემდეგი რედაქციით:
"ბ) რომლის საქართველოს საბაჟო ტერიტორიაზე შემოტანა ან/და საქართველოს საბაჟო ტერიტორიიდან გატანა აკრძალულია ან შეზღუდულია;
გ) რომელიც გაშვებიდან 5 სამუშაო დღის ვადაში არ იქნა გატანილი საბაჟო კონტროლის ზონიდან, გარდა იმ შემთხვევისა, როდესაც საქართველოს კანონმდებლობით ნებადართულია გაშვებული საქონლის საბაჟო კონტროლის ზონაში გარკვეული ვადით დატოვება.".
32. 222-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. სასაქონლო ოპერაციის განხორციელებისას საგადასახადო ვალდებულების წარმოშობის დროდ ითვლება საბაჟო დეკლარაციის რეგისტრაციის დღე. თუ საქონლის სასაქონლო ოპერაციაში მოქცევა არ საჭიროებს საბაჟო დეკლარაციის წარდგენას, საგადასახადო ვალდებულების წარმოშობის დროდ ითვლება საბაჟო გამშვებ პუნქტში, საბაჟო ტერმინალში ან საქართველოს ფინანსთა მინისტრის მიერ განსაზღვრულ სხვა ადგილში შესაბამისი დოკუმენტის რეგისტრაციის დღე.";
ბ) მე-4 ნაწილი ჩამოყალიბდეს შემდეგი რედაქციით:
"4. სასაქონლო ოპერაციის განხორციელებამდე საგადასახადო ორგანოსთან შეუთანხმებელი ქმედების განხორციელება ან სასაქონლო ოპერაციის პირობების დარღვევა, რომელმაც გამოიწვია საბაჟო ზედამხედველობის ქვეშ მყოფი საქონლის ან/და სატრანსპორტო საშუალების უკანონო განკარგვა, დაკარგვა ან განადგურება, წარმოშობს დეკლარანტის საგადასახადო ვალდებულებას, რომელიც განისაზღვრება იმპორტის/ექსპორტის გადასახდელების ოდენობით.".
33. 223-ე-225-ე მუხლები ჩამოყალიბდეს შემდეგი რედაქციით:
    "მუხლი 223. დაბრუნებული საქონლის დაბეგვრა
1. საქართველოს საბაჟო ტერიტორიიდან გატანილი საქართველოს საქონელი (გარდა გადამუშავებული საქონლისა), მისი იდენტიფიცირების შემთხვევაში, შესაძლებელია დაბრუნებულ იქნეს დეკლარირებიდან 3 წლის ვადაში, იმპორტის გადასახდელების გადახდის გარეშე.
2. ამ მუხლით განსაზღვრული იმპორტის გადასახდელების გადახდისაგან გათავისუფლება დასაშვებია მხოლოდ იმ შემთხვევაში, თუ საქონელი საქართველოს საბაჟო ტერიტორიაზე დაბრუნებულია იმავე მდგომარეობაში, როგორშიც იყო საქართველოს საბაჟო ტერიტორიიდან გატანისას.
3. გადამუშავებულ საქონელზე, რომელიც შიდა გადამუშავების სასაქონლო ოპერაციის გამოყენების შემდეგ გატანილ იქნა საქართველოს საბაჟო ტერიტორიიდან და უცვლელ მდგომარეობაში ბრუნდება, იმპორტის გადასახდელების ოდენობა განისაზღვრება ამ კოდექსის 235-ე მუხლის მე-2 ნაწილის "ბ" ქვეპუნქტის შესაბამისად.
    მუხლი 224. ოქროს სია (ავტორიზებული ეკონომიკური ოპერატორი)
ოქროს სიაში შეყვანით პირს ენიჭება უფლება, კუთვნილი საქონლის საქართველოს საბაჟო ტერიტორიაზე შემოტანისას ან/და გატანისას ისარგებლოს გამარტივებული პროცედურებით და იმპორტის გადასახდელების გადახდის განსხვავებული ვადებით.
    მუხლი 225. საქონლის მიზნობრივი დანიშნულებით გამოყენება
1. თუ საქონელი იმპორტის გადასახდელებზე შეღავათების გამოყენებით გაშვებულია იმპორტში მიზნობრივი დანიშნულებით, იგი რჩება საბაჟო ზედამხედველობის ქვეშ.
2. საბაჟო ზედამხედველობა დასრულდება, თუ:
ა) შესრულდა საქონლის მიზნობრივი დანიშნულებით გამოყენების პირობა;
ბ) საქონელი დეკლარირებულ იქნა ექსპორტში გამოსაყენებლად;
გ) გადახდილ იქნა იმპორტის გადასახდელების შესაბამისი თანხა;
დ) განხორციელდა საქონლის განკარგვა.".
34. 226-ე მუხლის პირველი ნაწილი ჩამოყალიბდეს შემდეგი რედაქციით:
"1. თავისუფალი ვაჭრობის პუნქტი არის საბაჟო კონტროლის ზონა, სადაც შესაძლებელია ფიზიკურ პირებზე, რომლებიც ტოვებენ საქართველოს საბაჟო ტერიტორიას, აგრეთვე უცხოეთის დიპლომატიური და მათთან გათანაბრებული წარმომადგენლობების სამსახურებრივი სარგებლობისათვის, ამ წარმომადგენლობებისა და დიპლომატიური მისიების წევრებზე (მათთან მცხოვრები ოჯახის წევრების ჩათვლით) პირადი სარგებლობისათვის საცალო წესით რეალიზებულ იქნეს:
ა) უცხოური საქონელი სატარიფო და არასატარიფო ღონისძიებების განხორციელების გარეშე;
ბ) საქართველოს საქონელი.".
35. 228-ე მუხლის მე-2 ნაწილის "ა" და "ბ" ქვეპუნქტები ჩამოყალიბდეს შემდეგი რედაქციით:
"ა) ამას ითვალისწინებს საბაჟო დეკლარაციის რეგისტრაციის დღეს მოქმედი საქართველოს კანონმდებლობა;
ბ) საქართველოს კანონმდებლობით იმპორტის გადასახდელის განაკვეთი შემცირდა საბაჟო დეკლარაციის რეგისტრაციის შემდეგ, მაგრამ არა უგვიანეს საქონლის გაშვებისა;".

36. 229-ე მუხლის პირველი ნაწილი ჩამოყალიბდეს შემდეგი რედაქციით:
"1. ექსპორტის სასაქონლო ოპერაცია საშუალებას იძლევა, საქართველოს საქონელი გატანილ იქნეს საქართველოს საბაჟო ტერიტორიის გარეთ. ექსპორტის სასაქონლო ოპერაცია გამოიყენება, თუ საქონელი საქართველოს საბაჟო ტერიტორიიდან გატანისას იმავე მდგომარეობაში იყო, როგორშიც ექსპორტის დეკლარაციის რეგისტრაციის დღეს, გარდა ბუნებრივი დანაკარგებით გამოწვეული ცვლილებებისა.".
37. 230-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. ტრანზიტის სასაქონლო ოპერაცია საშუალებას იძლევა, უცხოური საქონელი საქართველოს საბაჟო ტერიტორიის გავლით გადაადგილდეს სატარიფო ღონისძიებების განხორციელების გარეშე, საბაჟო კონტროლის ქვეშ.";
ბ) მე-3 ნაწილის "ა" ქვეპუნქტი ჩამოყალიბდეს შემდეგი რედაქციით:
"ა) საბაჟო კონტროლის ზონაში დადგენილ ვადაში და უცვლელ მდგომარეობაში წარადგინოს საქონელი იდენტიფიკაციის საშუალებების (ნიშნების) დაუზიანებლად და მისი თანმხლები დოკუმენტები;";
გ) მე-4 ნაწილის "ა" ქვეპუნქტი ჩამოყალიბდეს შემდეგი რედაქციით:
"ა) საქონელი გადაკვეთს საქართველოს საბაჟო საზღვარს;".
38. 231-ე და 232-ე მუხლები ჩამოყალიბდეს შემდეგი რედაქციით:
    "მუხლი 231. საწყობის სასაქონლო ოპერაცია და საბაჟო საწყობი
1. საწყობის სასაქონლო ოპერაცია საშუალებას იძლევა, საბაჟო საწყობში/საბაჟო ტერმინალში/შენახვის სხვა ადგილზე შენახულ იქნეს:
ა) უცხოური საქონელი სატარიფო ღონისძიებების განხორციელების გარეშე;
ბ) საქართველოს საქონელი, თუ საწყობის სასაქონლო ოპერაციაში მოქცეული საქონლის შენახვის მიზანია მისი საქართველოს საბაჟო ტერიტორიიდან გატანა.
2. საწყობის სასაქონლო ოპერაციაში მოქცეული საქონლის შენახვის ვადა არ არის შეზღუდული.
3. საწყობის სასაქონლო ოპერაციაში საქონლის მოქცევისას წარდგენილი უნდა იქნეს საქართველოს კანონმდებლობით გათვალისწინებული ლიცენზია/ნებართვა, ასეთის არსებობის შემთხვევაში.
4. საბაჟო საწყობის საქმიანობა ხორციელდება შემოსავლების სამსახურის მიერ გაცემული ნებართვის საფუძველზე.
5. საბაჟო საწყობი არის საბაჟო კონტროლის ზონა.
6. საბაჟო საწყობში შესაძლებელია ნებისმიერი პირის:
ა) საწყობის სასაქონლო ოპერაციაში მოქცეული საქონლის შენახვა;
ბ) იმ საქონლის დროებით შენახვა, რომლის მიმართაც განსაზღვრულია ან არ არის განსაზღვრული სასაქონლო ოპერაცია;
გ) საბაჟო კონტროლის ქვეშ მყოფი საქონლის ან/და სატრანსპორტო საშუალების დროებით განთავსება.
7. საწყობის სასაქონლო ოპერაციაში მოქცევის ან დროებით შენახვის გარეშე საბაჟო საწყობში შესაძლებელია საგადასახადო ორგანოს თანხმობით:
ა) საქართველოს საქონლის 3 თვემდე ვადით შენახვა;
ბ) გადამუშავების ოპერაციების განხორციელება იმ საქონლის მიმართ, რომელიც მოქცეულია შიდა გადამუშავების სასაქონლო ოპერაციაში.
8. დასაშვებია საბაჟო საწყობში შენახულ საქონელზე საკუთრების უფლების გადაცემა.
9. საბაჟო საწყობში შენახული საქონელი უნდა დარჩეს უცვლელ მდგომარეობაში, გარდა იმ ცვლილებებისა, რომლებიც გამოწვეულია:
ა) ბუნებრივი ცვეთით;
ბ) შენახვის ნორმალური პირობებისათვის დამახასიათებელი ბუნებრივი დანაკარგებით;
გ) საქონლის შენახვის უზრუნველყოფის, ტრანსპორტირებისა და გაყიდვის ხელშეწყობის მიზნით განხორციელებული ოპერაციებით.
10. საბაჟო საწყობში საქონლის შენახვის უზრუნველყოფის, ტრანსპორტირებისა და გაყიდვის ხელშეწყობის მიზნით დასაშვები ღონისძიებები განისაზღვრება საქართველოს ფინანსთა მინისტრის ბრძანებით.
11. დაუძლეველი ძალის შედეგად საბაჟო საწყობში დაზიანებული ან გაფუჭებული საქონელი ექვემდებარება დეკლარანტის მიერ არჩეული სასაქონლო ოპერაციის იმავე სახით განხორციელებას, როგორითაც ეს ოპერაცია განხორციელდებოდა დაზიანებული ან გაფუჭებული საქონლის საქართველოს საბაჟო ტერიტორიაზე შემოტანისას.
    მუხლი 232. თავისუფალი ზონა
თავისუფალი ზონა არის საქართველოს საბაჟო ტერიტორიის ნაწილი, სადაც:
ა) სავაჭრო პოლიტიკის ღონისძიებების განხორციელების მიზნით უცხოური საქონლის შემოტანა არ ითვლება საქონლის იმპორტში მოქცევად და, შესაბამისად, მასზე არ გადაიხდევინება იმპორტის გადასახდელები;
ბ) საქართველოს საქონლის მოთავსებისას გამოიყენება საქონლის ექსპორტში მოქცევის ანალოგიური დებულებები (მათ შორის, უცხოური საქონლის სტატუსის მინიჭება).".
39. 233-ე მუხლის პირველი ნაწილი ჩამოყალიბდეს შემდეგი რედაქციით:
"1. რეექსპორტის სასაქონლო ოპერაცია საშუალებას იძლევა, საქართველოს საბაჟო ტერიტორიაზე შემოტანილი უცხოური საქონელი გატანილ იქნეს საქართველოს საბაჟო ტერიტორიის გარეთ.".
40. 235-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. შიდა გადამუშავების სასაქონლო ოპერაცია გამოიყენება:
ა) უცხოური საქონლის მიმართ, რომლის საქართველოს საბაჟო ტერიტორიაზე შემოტანისას არ გადაიხდევინება იმპორტის გადასახდელები და არ ხორციელდება სატარიფო ღონისძიებები, ხოლო მისგან მიღებული გადამუშავებული საქონლის საქართველოს საბაჟო ტერიტორიიდან გატანისას არ გადაიხდევინება ექსპორტის გადასახდელები;
ბ) უცხოური საქონლის მიმართ, რომლის საქართველოს საბაჟო ტერიტორიაზე შემოტანისას არ გადაიხდევინება იმპორტის გადასახდელები და არ ხორციელდება სატარიფო ღონისძიებები, ხოლო მისგან მიღებული გადამუშავებული საქონლის იმპორტში გაშვებისას გადაიხდევინება იმპორტის გადასახდელები და ხორციელდება სავაჭრო პოლიტიკის ღონისძიებები;
გ) იმპორტში გაშვებული საქონლის მიმართ, რომელზედაც გადახდილი იმპორტის გადასახდელები უნდა დაექვემდებაროს დაბრუნებას ან ჩათვლას, თუ გადახდილი იმპორტის გადასახდელები უკვე არ არის დაბრუნებული ან ჩათვლილი, და მისგან მიღებული გადამუშავებული საქონელი გაიტანება საქართველოს საბაჟო ტერიტორიიდან.";
ბ) მე-2 ნაწილის "ა" და "ბ" ქვეპუნქტები ჩამოყალიბდეს შემდეგი რედაქციით:
"ა) გადაუმუშავებელი საქონლის შემთხვევაში - შიდა გადამუშავების საბაჟო დეკლარაციაში მითითებული საქონლის სახეობის, საბაჟო ღირებულებისა და რაოდენობის საფუძველზე, საქონლის იმპორტის საბაჟო დეკლარაციის რეგისტრაციის დღისათვის მოქმედი იმპორტის გადასახდელების განაკვეთებით;
ბ) გადამუშავებული საქონლის შემთხვევაში - გამოსავლიანობის შესაბამისად ამ საქონლის საწარმოებლად (მისაღებად) დახარჯული შესაბამისი გადაუმუშავებელი საქონლის სახეობისა და საბაჟო ღირებულების საფუძველზე, საქონლის იმპორტის საბაჟო დეკლარაციის რეგისტრაციის დღეს გადაუმუშავებელი საქონლისათვის მოქმედი იმპორტის გადასახდელების განაკვეთებით.";
გ) მე-4 ნაწილი ჩამოყალიბდეს შემდეგი რედაქციით:
"4. საქონლის გადამუშავების შედეგად წარმოქმნილი ნარჩენის ან/და გადაუმუშავებელი საქონლის ნაშთის იმპორტში გაშვება ექვემდებარება იმპორტის გადასახდელების გადახდას ისევე, როგორც საქართველოს საბაჟო ტერიტორიაზე ასეთ მდგომარეობაში იმპორტირებული საქონელი.";
დ) მე-6 ნაწილი ჩამოყალიბდეს შემდეგი რედაქციით:
"6. შიდა გადამუშავების სასაქონლო ოპერაციის გამოყენებისას გადაუმუშავებელი საქონელი, გადამუშავებული საქონელი ან/და ნარჩენი, შემოსავლების სამსახურთან შეთანხმებით, გადამუშავების ვადის გასვლამდე გადასამუშავებლად შეიძლება დროებით გატანილ იქნეს საქართველოს საბაჟო ტერიტორიის გარეთ, დაბრუნების პირობით.";
ე) მე-8 და მე-9 ნაწილები ჩამოყალიბდეს შემდეგი რედაქციით:
"8. ამ მუხლის მე-6 ნაწილის შესაბამისად დროებით გატანილი და საქართველოს საბაჟო ტერიტორიის გარეთ გადამუშავებული საქონლის ან/და ნარჩენის დაბრუნებისას შიდა გადამუშავების საბაჟო დეკლარაციაში მითითებული საქონლის საბაჟო ღირებულებას უნდა დაემატოს გატანილი და დაბრუნებული საქონლის საბაჟო ღირებულებებს შორის სხვაობა.
9. შიდა გადამუშავების სასაქონლო ოპერაციისათვის შემოსატანი საქონელი შეიძლება შემოსავლების სამსახურის თანხმობით შეიცვალოს საქართველოს საქონლით (ეკვივალენტური საქონელი), თუ მისი აღწერილობა, ხარისხი, ტექნიკური მახასიათებლები და საბაჟო ღირებულება შეესაბამება შიდა გადამუშავების სასაქონლო ოპერაციისათვის შემოსატანი საქონლის შესაბამის მონაცემებს.";
ვ) მე-12 ნაწილი ჩამოყალიბდეს შემდეგი რედაქციით:
"12. ეკვივალენტური საქონლისაგან მიღებული გადამუშავებული საქონლის, ნაშთების ან/და ნარჩენების საქართველოს საბაჟო ტერიტორიიდან გატანა ან იმპორტში გაშვება შესაძლებელია მხოლოდ შიდა გადამუშავების სასაქონლო ოპერაციისათვის შემოსატანი საქონლის საქართველოს საბაჟო ტერიტორიაზე შემოტანამდე. მისი შემოტანის ვადებს ადგენს შემოსავლების სამსახური.".
41. 236-ე მუხლის:
ა) პირველი და მე-2 ნაწილები ჩამოყალიბდეს შემდეგი რედაქციით:
"1. გარე გადამუშავების სასაქონლო ოპერაცია გამოიყენება საქართველოს საქონლის მიმართ, რომლის დროებითი გატანისას გადაიხდევინება ექსპორტის გადასახდელები და ხორციელდება სავაჭრო პოლიტიკის ღონისძიებები, ასევე ხორციელდება ის პროცედურები, რომლებიც გათვალისწინებულია ექსპორტისას, ხოლო მისგან მიღებული გადამუშავებული საქონლის საქართველოს საბაჟო ტერიტორიაზე შემოტანისას გადაიხდევინება კუთვნილი იმპორტის გადასახდელები.
2. იმპორტის გადასახდელები განისაზღვრება გატანილი გადასამუშავებელი და დაბრუნებული გადამუშავებული საქონლის საბაჟო ღირებულებებს შორის სხვაობის თანხის, ასევე გადამუშავებული საქონლის სახეობისა და რაოდენობის და იმპორტის გადასახდელების განაკვეთების გათვალისწინებით.";
ბ) მე-8 და მე-9 ნაწილები ჩამოყალიბდეს შემდეგი რედაქციით:
"8. საქართველოს ტერიტორიაზე დატოვებულ შემცვლელ საქონელზე ვალდებულების წარმოშობის შემთხვევაში იმპორტის გადასახდელები განისაზღვრება შემცვლელი საქონლის სახეობის, რაოდენობის, საბაჟო ღირებულებისა და ვალდებულების წარმოშობის დღეს მოქმედი იმპორტის გადასახდელების განაკვეთების გათვალისწინებით.
9. გარე გადამუშავებაში მოქცეულ საქონელზე გადამუშავების ვადის გასვლამდე შეიძლება განისაზღვროს ექსპორტის სასაქონლო ოპერაცია.".
42. 237-ე მუხლის პირველი ნაწილი ჩამოყალიბდეს შემდეგი რედაქციით:
"1. დროებითი შემოტანის სასაქონლო ოპერაცია საშუალებას იძლევა, უცხოური საქონელი საქართველოს საბაჟო ტერიტორიაზე დროებით იქნეს შემოტანილი.".
43. 251-ე მუხლის:
ა) პირველი ნაწილი ჩამოყალიბდეს შემდეგი რედაქციით:
"1. საქართველოს ფინანსთა მინისტრს უფლება აქვს, იმპორტის ან ექსპორტის გადასახდელების გადახდის უზრუნველყოფის მიზნით განსაზღვროს გარანტიის წარდგენის, გამოყენების და გარანტიის წარდგენისაგან გათავისუფლების შემთხვევები და საგარანტიო თანხის ოდენობა. ამასთანავე, საქართველოს საბაჟო ტერიტორიაზე საქონლის გადაადგილებისას წარმოსაშობი საგადასახადო ვალდებულების შესრულების უზრუნველსაყოფად გარანტია არ წარედგინება, თუ საქონელი გადაადგილდება:
ა) საჰაერო ან საზღვაო ტრანსპორტით;
ბ) მილსადენით ან ელექტროგადამცემი ხაზით;
გ) სარკინიგზო ტრანსპორტით.";
ბ) მე-2 ნაწილის "ა" ქვეპუნქტი ჩამოყალიბდეს შემდეგი რედაქციით:
"ა) უქმდება, თუ საქონლის საქართველოს საბაჟო საზღვარზე გადაადგილებისას არ წარმოიშვა საგადასახადო ვალდებულება, შესრულდა საგადასახადო ვალდებულება ან შეწყდა მისი წარმოშობის საფუძვლები;";
გ) მე-4 ნაწილი ამოღებულ იქნეს.
44. 266-ე მუხლის:
ა) სათაური ჩამოყალიბდეს შემდეგი რედაქციით:
"საქონლის გაშვების შემდგომი შემოწმება";
ბ) პირველი?მე-3 ნაწილები ჩამოყალიბდეს შემდეგი რედაქციით:
"1. საქონლის გაშვების შემდგომი შემოწმება გამოიყენება დეკლარანტის ან/და სხვა ვალდებული პირის მიმართ, თუ საქართველოს საგადასახადო კანონმდებლობით სხვა რამ არ არის გათვალისწინებული.
2. საქონლის გაშვების შემდგომი შემოწმება არის საბაჟო კონტროლის პროცედურა, რომლის გამოყენებაც საშუალებას იძლევა:
ა) შემცირდეს საქართველოს საბაჟო ტერიტორიაზე შემოტანილი ან ამ ტერიტორიიდან გასატანი საქონლის მიმართ საქონლის გაშვებამდე განსახორციელებელი საბაჟო კონტროლის პროცედურების ხვედრითი წილი;
ბ) გაიზარდოს საქონლის გაფორმების ადგილებისა და საბაჟო გამშვები პუნქტების გამტარუნარიანობა;
გ) გაიზარდოს საბაჟო კონტროლის ეფექტიანობა.
3. ამ მუხლის მიზნებისათვის სხვა ვალდებული პირი არის საქართველოს საგადასახადო ორგანოში დეკლარირებული საქონლის შემოტანის ან/და გატანის ოპერაციებთან დაკავშირებული ნებისმიერი პირი (იმპორტიორის ან ექსპორტიორის წარმომადგენელი, გადამზიდველი, საბაჟო საწყობის საქმიანობის ნებართვის მფლობელი და სხვა პირი), რომელიც პირდაპირ ან არაპირდაპირაა დაკავშირებული საქონლის შემოტანის ან/და გატანის ოპერაციებთან (მათ შორის, საქონლის ტრანსპორტირებასთან, გადატვირთვასთან, შენახვასთან, სასაქონლო ოპერაციის განსაზღვრასთან, საგადასახადო ვალდებულების ოდენობის განსაზღვრასთან, განსაზღვრული სასაქონლო ოპერაციის დასრულებასთან და საგადასახადო ვალდებულების შესრულებასთან) - გადასახადის გადამხდელი.";
გ) მე-6 ნაწილი ჩამოყალიბდეს შემდეგი რედაქციით:
"6. საქონლის გაშვების შემდგომ საბაჟო დეკლარაციაში ცვლილებების შეტანის წესი განისაზღვრება საქართველოს ფინანსთა მინისტრის ბრძანებით.".
45. 269-ე მუხლის 61 ნაწილი ჩამოყალიბდეს შემდეგი რედაქციით:
"61. საბაჟო დეკლარაციაში არასწორი მონაცემის არსებობის გამო ამ კოდექსის 289-ე მუხლით გათვალისწინებული ჯარიმა პირს არ დაეკისრება, თუ:
ა) საბაჟო დეკლარაციაში შესაბამისი ცვლილებები განხორციელდა ამ კოდექსის 218-ე მუხლის მე-4 ნაწილით დადგენილი წესით;
ბ) საქონლის გაშვებამდე შემოწმებისას აღმოჩნდა არადეკლარირებული საქონელი (გარდა მალულად გადაადგილებულისა), რომლის საბაჟო ღირებულება არ აღემატება დეკლარირებული საბაჟო ღირებულების 5 პროცენტს, მაგრამ არა უმეტეს 15 000 ლარისა.".
46. 270-ე მუხლის მე-2 ნაწილი ჩამოყალიბდეს შემდეგი რედაქციით:
"2. საგადასახადო სანქცია გამოიყენება გაფრთხილების, საურავის, ფულადი ჯარიმის, საქართველოს საბაჟო საზღვრის გადაკვეთის უფლების შეზღუდვის, სამართალდარღვევის საქონლის ან/და სატრანსპორტო საშუალების უსასყიდლოდ ჩამორთმევის სახით, ამ კოდექსით გათვალისწინებულ შემთხვევებში.".
47. 286-ე მუხლის მე-6 ნაწილის "ბ" ქვეპუნქტი ჩამოყალიბდეს შემდეგი რედაქციით:
"ბ) საქონლის საქართველოს საბაჟო საზღვრის გადაკვეთასთან დაკავშირებული შესაბამისი დოკუმენტებით ტრანსპორტირების შემთხვევაში;".
48. 289-ე მუხლის:
ა) სათაური ჩამოყალიბდეს შემდეგი რედაქციით:
"საქართველოს საბაჟო საზღვრის გადაკვეთასთან დაკავშირებული საგადასახადო სანქციები";
ბ) მე-2-მე-4 ნაწილები ჩამოყალიბდეს შემდეგი რედაქციით:
"2. საგადასახადო ორგანოს თანხმობის გარეშე იდენტიფიკაციის საშუალების მოხსნა/მოცილება ან/და სხვაგვარად გაუვარგისება/განადგურება, ნიშანდებულ სატრანსპორტო საშუალებაში ან საბაჟო კონტროლის ზონაში არსებულ შენობა-ნაგებობაში შეღწევა -
იწვევს მფლობელის დაჯარიმებას 5 000 ლარის ოდენობით.
3. ამ მუხლის მე-2 ნაწილით განსაზღვრული ქმედება, ჩადენილი განმეორებით, ?
იწვევს მფლობელის დაჯარიმებას 10 000 ლარის ოდენობით.
შენიშვნა: ამ მუხლის მე-2 და მე-3 ნაწილებით გათვალისწინებული პასუხისმგებლობა არ დაეკისრება პირს, თუ იდენტიფიკაციის საშუალებაზე შეინიშნება მცირე დაზიანება, არ არის დარღვეული მისი მთლიანობა და შეუძლებელია ნიშანდებულ სატრანსპორტო საშუალებაში ან საბაჟო კონტროლის ზონაში არსებულ შენობა-ნაგებობაში შეღწევა.
4. საბაჟო დეკლარაციასა და მის თანმხლებ დოკუმენტაციაში არასწორი მონაცემის არსებობისას იმპორტის/ექსპორტის გადასახდელების ოდენობის შემცირება დეკლარანტის (ამ მუხლის მე-6 და მე-7 ნაწილებით გათვალისწინებულის გარდა) ან მისი წარმომადგენლის მიერ -
იწვევს პირის დაჯარიმებას საბაჟო დეკლარაციაში შემცირებული იმპორტის/ექსპორტის გადასახდელების თანხის 100 პროცენტის ოდენობით, მაგრამ არანაკლებ 1 000 ლარისა.";
გ) მე-6 და მე-7 ნაწილები ჩამოყალიბდეს შემდეგი რედაქციით:
"6. ფიზიკური პირის მიერ 3 000 ლარამდე ღირებულების საქონელზე წარდგენილ საბაჟო დეკლარაციასა და მის თანმხლებ დოკუმენტაციაში არასწორი მონაცემის არსებობისას იმპორტის/ექსპორტის გადასახდელების ოდენობის შემცირება -
იწვევს პირის დაჯარიმებას საბაჟო დეკლარაციაში შემცირებული იმპორტის/ექსპორტის გადასახდელების თანხის 40 პროცენტის ოდენობით.
7. ამ მუხლის მე-6 ნაწილით განსაზღვრული ქმედება, ჩადენილი განმეორებით, -
იწვევს პირის დაჯარიმებას საბაჟო დეკლარაციაში შემცირებული იმპორტის/ექსპორტის გადასახდელების თანხის 100 პროცენტის ოდენობით.";
დ) მე-10-მე-15 ნაწილები ჩამოყალიბდეს შემდეგი რედაქციით:
"10. საქართველოს საბაჟო საზღვარზე საქონლის გადატანა ან გადმოტანა საბაჟო კონტროლის გვერდის ავლით ან მისგან მალულად -
იწვევს ვალდებული პირის (ამ მუხლის მე-14 ნაწილით გათვალისწინებულის გარდა) დაჯარიმებას საქონლის საბაჟო ღირებულების 100 პროცენტის ოდენობით, ან ამ საქონლის ან/და სატრანსპორტო საშუალების ჩამორთმევას, ან/და საქართველოს საბაჟო საზღვრის გადაკვეთის უფლების შეზღუდვას 1 წლის ვადით.
11. ამ მუხლის მე-10 ნაწილით განსაზღვრული ქმედება, ჩადენილი განმეორებით, -
იწვევს ვალდებული პირის დაჯარიმებას საქონლის საბაჟო ღირებულების 100 პროცენტის ოდენობით, საქონლის ან/და სატრანსპორტო საშუალების ჩამორთმევით ან უამისოდ, ან/და საქართველოს საბაჟო საზღვრის გადაკვეთის უფლების შეზღუდვას 1 წლის ვადით.
12. საქართველოს საბაჟო საზღვარზე 30 000 ლარიდან (ან სხვა ვალუტაში მისი ეკვივალენტიდან) 50 000 ლარამდე ოდენობის ნაღდი ფულისა და ფასიანი ქაღალდების გადატანა ან გადმოტანა საბაჟო კონტროლის გვერდის ავლით ან მისგან მალულად -
იწვევს ვალდებული პირის დაჯარიმებას 1 000 ლარის ოდენობით, ან ამ საქონლის ჩამორთმევას.
13. საქართველოს საბაჟო საზღვარზე 50 000 ლარზე (ან სხვა ვალუტაში მის ეკვივალენტზე) მეტი ოდენობის ნაღდი ფულისა და ფასიანი ქაღალდების გადატანა ან გადმოტანა საბაჟო კონტროლის გვერდის ავლით ან მისგან მალულად -
იწვევს ვალდებული პირის დაჯარიმებას 3 000 ლარის ოდენობით, ან ამ საქონლის ჩამორთმევას.
14. საქართველოს საბაჟო საზღვარზე ფიზიკური პირის მიერ 3 000 ლარამდე ღირებულების საქონლის გადატანა ან გადმოტანა საბაჟო კონტროლის გვერდის ავლით ან მისგან მალულად -
იწვევს ვალდებული პირის დაჯარიმებას 1000 ლარის ოდენობით, ან ამ საქონლის ან/და სატრანსპორტო საშუალების ჩამორთმევას, ან/და საქართველოს საბაჟო საზღვრის გადაკვეთის უფლების შეზღუდვას 1 წლის ვადით.
15. საგადასახადო ორგანოს თანხმობის გარეშე საქონლის ან/და სატრანსპორტო საშუალების მიერ საბაჟო კონტროლის ზონის დატოვება, საბაჟო ზედამხედველობის ქვეშ მყოფი საქონლის გადატვირთვა ან გადმოტვირთვა -
იწვევს პირის დაჯარიმებას 1 000 ლარის ოდენობით.";
ე) მე-19-21-ე ნაწილები ჩამოყალიბდეს შემდეგი რედაქციით:
"19. სასაქონლო ოპერაციის განხორციელებამდე შემოსავლების სამსახურთან შეუთანხმებელი ქმედების განხორციელება ან სასაქონლო ოპერაციის პირობების დარღვევა, რამაც გამოიწვია საბაჟო ზედამხედველობის ქვეშ მყოფი საქონლის ან/და სატრანსპორტო საშუალების უკანონო განკარგვა, დაკარგვა ან განადგურება, -
იწვევს ვალდებული პირის დაჯარიმებას იდენტურ/მსგავს საქონელზე ან/და სატრანსპორტო საშუალებაზე გადასახდელი იმპორტის გადასახდელების თანხის 100 პროცენტის ოდენობით.
20. საბაჟო დეკლარაციასა და მის თანმხლებ დოკუმენტაციაში სავალდებულოდ შესატანი საბაჟო ღირებულების შესახებ არასწორი მონაცემის არსებობისას საბაჟო ღირებულების გაზრდა ან შემცირება დეკლარანტის მიერ, რასაც არ გამოუწვევია იმპორტის გადასახდელების ოდენობის შემცირება, -
იწვევს ვალდებული პირის დაჯარიმებას საბაჟო ღირებულებასა და გაზრდილ ან შემცირებულ საბაჟო ღირებულებას შორის სხვაობის თანხის 10 პროცენტის ოდენობით, მაგრამ არანაკლებ 500 ლარისა.
21. ამ მუხლის მე-20 ნაწილით განსაზღვრული ქმედება, ჩადენილი განმეორებით, -
იწვევს პირის დაჯარიმებას საბაჟო ღირებულებასა და გაზრდილ ან შემცირებულ საბაჟო ღირებულებას შორის სხვაობის თანხის 20 პროცენტის ოდენობით, მაგრამ არანაკლებ 1 000 ლარისა.";
ვ) 24-ე და 25-ე ნაწილები ჩამოყალიბდეს შემდეგი რედაქციით:
"24. საბაჟო დეკლარაციაში აღნიშნული იმ დოკუმენტის შენახვის ვადის დარღვევა, რომლის შემოსავლების სამსახურში წარდგენის ვალდებულება არ ეკისრებოდა პირს, -
იწვევს ვალდებული პირის დაჯარიმებას 1 500 ლარის ოდენობით.
25. პირის მიერ საქართველოს საბაჟო საზღვარზე ტრანზიტული გადაადგილებისათვის განკუთვნილ სატრანსპორტო საშუალებებში განთავსებული საქონლის გადატანა ან გადმოტანა საბაჟო კონტროლის გვერდის ავლით ან მისგან მალულად -
იწვევს პირის დაჯარიმებას 2 000 ლარის ოდენობით.";
ზ) 27-ე ნაწილი ჩამოყალიბდეს შემდეგი რედაქციით:
"27. ეს მუხლი გამოიყენება მხოლოდ საქართველოს საბაჟო საზღვრის გადაკვეთასთან დაკავშირებულ სამართლებრივ ურთიერთობებში. აღნიშნული მუხლით გათვალისწინებული სამართალდარღვევებისათვის პირს იმ შემთხვევაში დაეკისრება სანქცია, თუ ამ ქმედებისათვის საქართველოს კანონმდებლობის შესაბამისად არ შეეფარდა სისხლის სამართლის პასუხისმგებლობა.";
თ) შენიშვნა ჩამოყალიბდეს შემდეგი რედაქციით:
"შენიშვნა: ამ მუხლით გათვალისწინებულ შემთხვევაში საგადასახადო სანქციის სახით საქართველოს საბაჟო საზღვრის გადაკვეთის უფლების შეზღუდვის გამოყენებისას სამართალდამრღვევს ეკრძალება იმ ქვეყანასთან საქართველოს სახმელეთო საბაჟო საზღვრის გადაკვეთა, რომლიდანაც იგი ახორციელებდა საქართველოს საბაჟო საზღვარზე საქონლის გადმოტანას. აღნიშნული სანქციის მოქმედების პერიოდში სამართალდამრღვევს მიეცემა საქართველოს სახმელეთო საბაჟო საზღვრის გადაკვეთის უფლება, თუ იგი საგადასახადო ორგანოს წარუდგენს 5 000 ლარის ოდენობის უპირობო და გამოუხმობ საბანკო გარანტიას. საბანკო გარანტიის მოქმედების ვადა უთანაბრდება საქართველოს საბაჟო საზღვრის გადაკვეთის უფლების შეზღუდვის ვადას (ვადის დარჩენილ ნაწილს). საბანკო გარანტიის მოქმედების პერიოდში პირის მიერ ამ მუხლით გათვალისწინებული სამართალდარღვევის ჩადენა გამოიწვევს ამავე მუხლით გათვალისწინებულ პასუხისმგებლობას, ხოლო საბანკო გარანტიის თანხა ჩაირიცხება საქართველოს სახელმწიფო ბიუჯეტში.".
49. 290-ე მუხლის პირველი ნაწილი ჩამოყალიბდეს შემდეგი რედაქციით:
"1. საბაჟო საწყობის ან თავისუფალი ვაჭრობის პუნქტის საქართველოს კანონმდებლობით დადგენილი სანებართვო პირობების დარღვევა -
იწვევს ნებართვის მფლობელის დაჯარიმებას 4 000 ლარის ოდენობით.".
50. 309-ე მუხლის:
ა) მე-19 და მე-20 ნაწილები ჩამოყალიბდეს შემდეგი რედაქციით:
"19. "საბაჟო კონტროლის გვერდის ავლით ან მისგან მალულად საქართველოს საბაჟო ტერიტორიაზე შემოტანილი, კეთილსინდისიერად შეძენილი მექანიკური სატრანსპორტო საშუალებების რეგისტრაციის წესის შესახებ" საქართველოს კანონის მე-2 მუხლის პირველი პუნქტით განსაზღვრული პირი თავისუფლდება ამ კოდექსის 272-ე, 289-ე და 291-ე მუხლებით გათვალისწინებული პასუხისმგებლობისაგან, მექანიკური სატრანსპორტო საშუალების სასაქონლო ოპერაციის გამოყენებისა და მასთან დაკავშირებული საქონლის გაფორმების, საქონლის დეკლარირების, საქონლის გაშვების, იმპორტის (საბაჟო) გადასახადის, დამატებული ღირებულების გადასახადის, აქციზის გადასახადის გადახდის, აგრეთვე სასაქონლო ოპერაციის გამოყენებასთან დაკავშირებული საქართველოს კანონმდებლობით განსაზღვრული სხვა ვალდებულების შესრულებისაგან, თუ იგი "საბაჟო კონტროლის გვერდის ავლით ან მისგან მალულად საქართველოს საბაჟო ტერიტორიაზე შემოტანილი, კეთილსინდისიერად შეძენილი მექანიკური სატრანსპორტო საშუალებების რეგისტრაციის წესის შესახებ" საქართველოს კანონის ამოქმედებიდან 2012 წლის 1 იანვრამდე, საქართველოს კანონმდებლობის მოთხოვნათა დაცვით საჯარო სამართლის იურიდიულ პირს - საქართველოს შინაგან საქმეთა სამინისტროს მომსახურების სააგენტოს წარუდგენს სათანადო განცხადებას 2006 წლის 1 ივლისამდე კეთილსინდისიერად შეძენილი და საბაჟო კონტროლის გვერდის ავლით ან მისგან მალულად საქართველოს საბაჟო ტერიტორიაზე 2006 წლის 1 ივლისამდე შემოტანილი მექანიკური სატრანსპორტო საშუალების რეგისტრაციის შესახებ და უზრუნველყოფს ამ მექანიკური სატრანსპორტო საშუალების რეგისტრაციას.
20. საქონლის მფლობელი საქართველოს მოქალაქე თავისუფლდება მექანიკური სატრანსპორტო საშუალების იმპორტის სასაქონლო ოპერაციის გამოყენებისა და მასთან დაკავშირებული საქონლის გაფორმების, საქონლის დეკლარირების, საქონლის გაშვების, იმპორტის (საბაჟო) გადასახადის, დამატებული ღირებულების გადასახადის, აქციზის გადასახადის გადახდის, აგრეთვე ამ კოდექსის 272-ე, 289-ე და 291-ე მუხლებით გათვალისწინებული პასუხისმგებლობისაგან, თუ აღნიშნული მექანიკური სატრანსპორტო საშუალება საქართველოს საბაჟო ტერიტორიაზე შემოტანილია 2006 წლის 1 ივლისამდე და საქართველოს კანონმდებლობით დადგენილ ვადაში არ განხორციელებულა მისი წარდგენა და გაფორმება.";
ბ) 22-ე ნაწილი ჩამოყალიბდეს შემდეგი რედაქციით:
"22. ამ მუხლის მე-19, მე-20 და 21-ე ნაწილებით გათვალისწინებული პასუხისმგებლობისაგან ან ვალდებულებების შესრულებისაგან გათავისუფლება არ ვრცელდება იმ პირებზე, რომელთა მიმართაც სამართალდარღვევებისათვის გამოყენებული საგადასახადო სანქციები აღსრულდა "საბაჟო კონტროლის გვერდის ავლით ან მისგან მალულად საქართველოს საბაჟო ტერიტორიაზე შემოტანილი, კეთილსინდისიერად შეძენილი მექანიკური სატრანსპორტო საშუალებების რეგისტრაციის წესის შესახებ" საქართველოს კანონის ამოქმედებამდე.".
მუხლი 2. ამ კანონის ამოქმედებიდან 3 თვის ვადაში საქართველოს აღმასრულებელი ხელისუფლების ორგანოებმა უზრუნველყონ კანონქვემდებარე ნორმატიული აქტების ამ კანონთან შესაბამისობა.
მუხლი 3. ეს კანონი ამოქმედდეს გამოქვეყნებისთანავე.

საქართველოს პრეზიდენტი             მ. სააკაშვილი
თბილისი,
2012 წლის 27 მარტი.
#5942-Iს

(ვებ პორტალი წწწ.მატსნე.გოვ.გე 12.04.2012 ß.)

9. საქართველოს კანონი
საქართველოს სამოქალაქო კოდექსში ცვლილების შეტანის შესახებ
მუხლი 1. საქართველოს სამოქალაქო კოდექსში (პარლამენტის უწყებანი, ?31, 24 ივლისი, 1997, გვ. 1) შეტანილ იქნეს შემდეგი ცვლილება:
1. 679-ე მუხლის პირველი ნაწილი ჩამოყალიბდეს შემდეგი რედაქციით:
"1. გამგზავნი ვალდებულია ზედნადებს დაურთოს ყველა საბუთი, რომლებიც აუცილებელია ტვირთის მიტანამდე საქართველოს საგადასახადო კოდექსით დადგენილი, საქართველოს საბაჟო საზღვარზე საქონლის გადაადგილებასთან დაკავშირებული მოქმედებების შესასრულებლად, ან ეს საბუთები გადასცეს გადამზიდველს და მიაწოდოს მას ყველა საჭირო ინფორმაცია.".
2. 692-ე მუხლის მე-3 ნაწილი ჩამოყალიბდეს შემდეგი რედაქციით:
"3. გადაზიდვის თანხა, საქართველოს საგადასახადო კოდექსით დადგენილი, საქართველოს საბაჟო საზღვრის გადაკვეთასთან დაკავშირებული ხარჯები ტვირთის მთლიანად დაკარგვისას უნდა დაბრუნდეს მთლიანად, ხოლო ნაწილობრივ დაკარგვისას - ნაწილობრივ.".
3. 732-ე მუხლის პირველი ნაწილი ჩამოყალიბდეს შემდეგი რედაქციით:
"1. შემკვეთმა ექსპედიტორის მოთხოვნით დროულად უნდა მიაწოდოს მას შესაბამისი ცნობები ტვირთის შესახებ, აგრეთვე უნდა მისცეს მითითებები, რომლებიც აუცილებელია გადაზიდვის დოკუმენტების გასაფორმებლად, მიაწოდოს აუცილებელი ცნობები საქართველოს საგადასახადო კოდექსით დადგენილ, საქართველოს საბაჟო საზღვრის გადაკვეთასთან დაკავშირებულ და სხვა მოქმედებათა შესასრულებლად და, აუცილებლობის შემთხვევაში, იმპორტის გადასახადის გადასახდელად. გარდა ამისა, შემკვეთმა ექსპედიტორს უნდა გადასცეს აუცილებელი დოკუმენტები აღნიშნული ცნობების უტყუარობის დასადასტურებლად.".
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი          მ. სააკაშვილი
თბილისი,
2012 წლის 27 მარტი.
#5964-Iს

(ვებ პორტალი წწწ.მატსნე.გოვ.გე 12.04.2012 ß.)

10. საქართველოს მთავრობის დადგენილება #119
2012 წლის 28 მარტი
ქ. თბილისი
"სასოფლო-სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების დამტკიცების თაობაზე" საქართველოს მთავრობის 2012 წლის 14 თებერვლის ?50 დადგენილებაში ცვლილების შეტანის შესახებ
მუხლი 1. "ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, "სასოფლო-სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების დამტკიცების თაობაზე" საქართველოს მთავრობის 2012 წლის 14 თებერვლის ?50 დადგენილებაში (წწწ.მატსნე.გოვ.გე, 17/02/2012, 200140000.10.003.016722) შეტანილ იქნეს ცვლილება და დადგენილებით დამტკიცებული "სასოფლო-სამეურნეო დანიშნულებისა და ტყის მიწებ-ზე ქონების გადასახადის წლიური საბაზისო განაკვეთების":
1. მე-2 პუნქტის "ბ" ქვეპუნქტი ჩამოყალიბდეს შემდეგი რედაქციით:
"ბ) სათიბებისა და საძოვრებისათვის (ბუნებრივი და გაკულტურებული):

ადმინისტრაციული ერთეულის დასახელება    საბაზისო განაკვეთი  (ლარი/ჰა)
    სათიბები    საძოვრები
1. აბაშა, ახალქალაქი, გორი, ბათუმი, ბოლნისი, გაგრა, გალი, გარდაბანი, გუდაუთა, გულრიფში, გურჯაანი, დმანისი, ზუგდიდი, თბილისი, თეთრიწყარო, თელავი, ლაგოდეხი, ლანჩხუთი, მარნეული, მცხეთა, ნინოწმინდა, ოზურგეთი, ოჩამჩირე, რუსთავი, სამტრედია, სენაკი, სიღნაღი, სოხუმი, ქუთაისი, ქობულეთი, ყვარელი, წალკა, წყალტუბო, ხელვაჩაური, ხობი, ფოთი     20    16
2. დედოფლისწყარო    20    7
3. ადიგენი, ასპინძა, ახალგორი, ბაღდათი, ბორჯომი, ვანი, ზესტაფონი, თერჯოლა, თიანეთი, კასპი, მარტვილი, საგარეჯო, საჩხერე, ტყიბული, ქარელი, ქედა, შუახევი, ჩოხატაური, ჩხოროწყუ, წალენჯიხა, ხარაგაული, ხაშური, ხონი, ხულო, ახალციხე    19    15
4. ამბროლაური, დუშეთი, ლენტეხი, მესტია, ონი, ყაზბეგი, ცაგერი, ცხინვალი, ჭიათურა, ჯავა    16    10
5. ახმეტა    16    5".

2. მე-3 პუნქტი ჩამოყალიბდეს შემდეგი რედაქციით:
"3. ტყის მიწებისათვის, რომლებიც გამოიყენება სასოფლო-სამეურნეო დანიშნულებით, ქონების გადასახადის წლიური საბაზისო განაკვეთი განისაზღვრება ტერიტორიული ერთეულების მიხედვით, "სასოფლო-სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების" მე-2 პუნქტის "ა" ქვეპუნქტით გათვალისწინებული შესაბამისი ტერიტორიული ერთეულების მიხედ-ვით დადგენილი განაკვეთებით, გარდა მე-4 პუნქტით გათვალისწინებული შემთხვ-ევებისა.".
3. მე 3 პუნქტის შემდეგ დაემატოს შემდეგი შინაარსის მე-4 პუნქტი:
"4. ახმეტისა და დედოფლისწყაროს მუნიციპალიტეტებში არსებული ტყის მიწებისათვის, რომლებიც გამოიყენება სასოფლო-სამეურნეო დანიშნულებით - საძოვრების სახით, ქონების გადასახადის წლიური საბაზისო განაკვეთი განისაზღვრება 50 ლარით.".
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი                  ნ. გილაური

(ვებ პორტალი წწწ.მატსნე.გოვ.გე 30.03.2012 ß.)

11. საქართველოს ფინანსთა მინისტრის ბრძანება #103
2012 წლის 30 მარტი
ქ. თბილისი
"ორმაგი დაბეგვრის თავიდან აცილების შესახებ საერთაშორისო შეთანხმებით განსაზღვრული საგადასახადო შეღავათით სარგებლობისა და არარეზიდენტისათვის საქართველოში გადახდილი გადასახადის დაბრუნების წესის დამტკიცების შესახებ" საქართველოს ფინანსთა მინისტრის 2011 წლის 28 დეკემბრის ?633 ბრძანებაში ცვლილების შეტანის თაობაზე
"ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1. "ორმაგი დაბეგვრის თავიდან აცილების შესახებ საერთაშორისო შეთანხმებით განსაზღვრული    საგადასახადო    შეღავათით    სარგებლობისა    და არარეზიდენტისათვის საქართველოში გადახდილი გადასახადის დაბრუნების წესის დამტკიცების შესახებ" საქართველოს ფინანსთა მინისტრის 2011 წლის 28 დეკემბრის ?633 ბრძანების (საქართველოს საკანონმდებლო მაცნე, ვებგვერდი, 111228027, 29/12/2011 სარეგისტრაციო კოდი 200250000.22.033.016287) მე-3 მუხლი ჩამოყალიბდეს შემდეგი რედაქციით:
     "მუხლი 3
1. ამ    ბრძანების    ამოქმედებამდე    საგადასახადო    ორგანოებში    საქართველოს ფინანსთა მინისტრის 2010 წლის 2 მარტის ?145 ბრძანებით "საქართველოს მიერ რატიფიცირებული და ძალაში შესული ორმაგი დაბეგვრის თავიდან აცილების შესახებ საერთაშორისო შეთანხმებებით განსაზღვრული საგადასახადო შეღავათების მინიჭებისა და ამ შეთანხმებებით გათვალისწინებულ შემთხვევებში არარეზიდენტის მიერ საქართველოში გადახდილი გადასახადის არარეზიდენტისთვის დაბრუნების წესი" განსაზღვრული წესით შევსებული და წარდგენილი ფორმები ინარჩუნებენ იურიდიულ ძალას.
2. 2012 წლის 1 იანვრამდე განხორციელებულ ოპერაციებზე, რომლებზეც არ არის შევსებული და წარდგენილი შესაბამისი ფორმები, საგადასახადო აგენტი საგადასახადო ორგანოს წარუდგენს ამ ბრძანებით დამტკიცებულ ფორმა ?1-ს (საგადასახადო აგენტის ინფორმაციას არარეზიდენტისათვის წყაროსთან დასაკავებელი გადასახადის გადახდისაგან გათავისუფლებაზე ან შემცირებაზე") 2013 წლის 1 აპრილამდე.".
მუხლი 2. ეს ბრძანება ამოქმედდეს გამოქვეყნებისთანავე.
დ. გვინდაძე

(ვებ პორტალი წწწ.მატსნე.გოვ.გე 02.04.2012 ß.)

12. ქალაქ თბილისის საკრებულოს გადაწყვეტილება #3-12
2012 წლის 30 მარტი
ქ. თბილისი
"ქ. თბილისის ტერიტორიაზე ადგილობრივი გადასახადის შემოღების შესახებ" ქ. თბილისის საკრებულოს 2011 წლის 28 იანვრის ?1-9 გადაწყვეტილებაში ცვლილების შეტანის შესახებ
"ნორმატიული აქტების შესახებ" საქართველოს კანონის მე-20 მუხლის თანახმად, ქ. თბილისის საკრებულომ გადაწყვიტა:
1. "ქ. თბილისის ტერიტორიაზე ადგილობრივი გადასახადის შემოღების შესახებ" ქ. თბილისის საკრებულოს 2011 წლის 28 იანვრის ?1-9 გადაწყვეტილებაში (სსმ, 10.02.2011წ.) შეტანილ იქნეს ცვლილება და გადაწყვეტილების მე-3 მუხლით განსაზღვრული დანართი ?1 ჩამოყალიბდეს თანდართული რედაქციით.
2. გადაწყვეტილება ძალაში შევიდეს გამოქვეყნებისთანავე და მისი მოქმედება გავრცელდეს 2012 წლის 1 იანვრიდან წარმოშობილ სამართლებრივ ურთიერთობებზე.
საკრებულოს თავმჯდომარე        ზ. სამადაშვილი

"დანართი 1
სასოფლო-სამეურნეო დანიშნულების მიწაზე ქონების გადასახადის წლიური განაკვეთები ქ. თბილისში
ა) სათიბების და საძოვრებისთვის (ბუნებრივი და გაკულტურებული):

განაკვეთი (ლარი/ჰა)
სათიბები    საძოვრები
20    16

ბ) სახნავისთვის (მათ შორის: მრავალწლიანი ნარგავებით დაკავებული მიწა, საბაღე, საბოსტნე) და საკარმიდამოსთვის:

დასახელება    განაკვეთი (ლარი/ჰა)
1. თბილისი (გარდა თბილისის დასახლებებისა (სოფლებისა))    100
2. თბილისის დასახლებები (სოფლები): წავკისი, კოჯორი, ტაბახმელა, შინდისი, დიდება, კვესეთი, სამადლო, კიკეთი, ნასაგურალი, ახალდაბა, დიდი ლილო, ვარკეთილი    95
3. თბილისის დასახლებები (სოფლები): დიღომი, მშრალხევი, დაბა ზაჰესი, გლდანი, დიდგორი, ზურგოვანა, თელოვანა, ძველი ვეძისი, აგარაკი, თხინვალი, სოფელ გლდანიდან ავჭალის დასახლებამდე - საბაღე ნაკვეთები, გიორგიწმინდა - საბაღე ნაკვეთები, მუხიანის მიმდებარე საბაღე ნაკვეთები, ხევძმარის მიმდებარე "ავშიანის" დასახლება, ლოტკინის დასახლება - სანერგე მეურნეობა, რესის მიმდებარე დასახლება, თბილისის ზღვის არსებული დასახლება    82
                                                ".
(ვებ პორტალი წწწ.მატსნე.გოვ.გე 04.04.2012 ß.)

13. საქართველოს ფინანსთა მინისტრის ბრძანება #106
2012 წლის 4 აპრილი
ქ. თბილისი
,,საგადასახადო კონტროლის განმახორციელებელი პირის შერჩევისა და საგადასახადო კონტროლის განხორციელების, მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდაღვევათა საქმისწარმოების წესის დამტკიცების თაობაზე" საქართველოს ფინანსთა მინისტრის 2010 წლის 31 დეკემბრის ?994 ბრძანებაში ცვლილების შეტანის შესახებ
"ნორმატიული აქტების შესახებ" საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1. ,,საგადასახადო კონტროლის განმახორციელებელი პირის შერჩევისა და საგადასახადო კონტროლის    განხორციელების, მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდაღვევათა საქმისწარმოების წესის დამტკიცების თაობაზე" საქართველოს ფინანსთა მინისტრის 2010 წლის 31 დეკემბრის ?994 ბრძანებით (სსმ III, 31.12.2010, ?172, მუხლი 2552) დამტკიცებული წესის 34-ე მუხლის პირველი პუნქტი ჩამოყალიბდეს შემდეგი რედაქციით:
 ,,1. საგადასახადო ორგანო განცხადებისა და შესაბამისი დანართის მიღებიდან არა უგვიანეს 2 სამუშაო დღისა, ამ წესის მე-2 მუხლის პირველი პუნქტის შესაბამისად გამოსცემს ინდივიდუალურ ადმინისტრაციულ-სამართლებრივ აქტს ,,სასაქონლო-მატერიალური ფასეულობების ჩამოწერის დოკუმენტის შედგენის და საგადასახადო ორგანოს მიერ მისი დადასტურების შესახებ", რომელსაც ამავე ვადაში ელექტრონულად ან/და ამ წესის 35-ე მუხლის პირველი პუნქტის შესაბამისად წარუდგენს გადასახადის გადამხდელს. ამ პუნქტით დადგენილ ვადაში და დადგენილი წესით ინდივიდუალური ადმინისტრაციულ-სამართლებრივი აქტის გადასახადის გადამხდელისთვის წარუდგენლობის შემთხვევაში "სასაქონლო-მატერიალური ფასეულობების ჩამოწერის დოკუმენტი" ითვლება დადასტურებულად.".
მუხლი 2. ეს ბრძანება ამოქმედდეს გამოქვეყნებისთანავე.
დ. გვინდაძე

(ვებ პორტალი წწწ.მატსნე.გოვ.გე 06.04.2012 ß.)

14. შემოსავლების სამსახურის კომენტარი საქართველოს საგადასახადო კოდექსის მე-8 მუხლის მე-10 ნაწილზე
გრძელვადიანი კონტრაქტი
საქართველოს საგადასახადო კოდექსის მე-8 მუხლის მე-10 ნაწილი
,,გრძელვადიანი კონტრაქტი - კონტრაქტი წარმოებაზე, მონტაჟზე, მშენებლობაზე ან ასეთ საქმიანობასთან დაკავშირებულ მომსახურების გაწევაზე, რომელიც არ დასრულებულა იმ კალენდარულ წელს, რომელშიც დაიწყო კონტრაქტით გათვალისწინებული მომსახურება, გარდა იმ კონტრაქტისა, რომელიც დასრულდა კონტრაქტით გათვალისწინებული მომსახურების გაწევის დაწყებიდან 6 თვის განმავლობაში".
                   

ანალიზი:
კონტრაქტი წარმოებაზე - წარმოადგენს კონტრაქტს საქონლის წარმოებაზე (მომსახურების გაწევაზე), რომელიც ხორციელდება დამკვეთის ნედლეულით, მათ შორის, მისი დამზადება, გადამუშავება, დამუშავება, ან აღნიშნული ნედლეულის (მასალის) სხვაგვარი ტრანსფორმაცია, რომლის პროცესშიც როგორც ნედლეულის (მასალის), ისე საბოლოო პროდუქტის მესაკუთრე არის პირი, რომელმაც მიაწოდა ნედლეული (მასალა) და ფულადი ან ნატურალური ფორმით აანაზღაურა ამ ნედლეულით (მასალით) საქონლის წარმოებასთან დაკავშირებული მომსახურების ღირებულება (მიუხედავად იმისა, წარმოებისას მწარმოებელმა გამოიყენა თუ არა საკუთარი ნედლეული (მასალა), მაკომპლექტებლები ან სხვა კომპონენტები, რომელთა ღირებულებაც ჩაითვალა ასეთ წარმოებასთან დაკავშირებული მომსახურების ღირებულებაში).
კონტრაქტი მონტაჟზე - წარმოადგენს კონტრაქტს მომსახურების გაწევაზე, როდესაც ხორციელდება ნებისმიერი დანადგარის, მოწყობილობის, აპარატურის ან სხვა საგნის სამონტაჟო საქმიანობა.
კონტრაქტი მშენებლობაზე - წარმოადგენს კონტრაქტს სამშენებლო მომსახურების გაწევაზე, როდესაც შემსრულებლის მიერ მშენებლობა ხორციელდება დამკვეთის კუთვნილ მიწაზე, ხოლო ნედლეული შესაძლებელია იყოს როგორც დამკვეთის, ასევე შემსრულებლის.
ზემოთ მითითებულ საქმიანობებთან უშუალოდ დაკავშირებულ მომსახურებას  წარმოადგენს შინაარსობრივად მათთან დაკავშირებული მომსახურება.
მაგალითად, სამშენებლო საქმიანობასთან უშუალოდ დაკავშირებულ მომსახურებას მიეკუთვნება საპროექტო, საინჟინრო, სამშენებლო ზედამხედველობის და სხვა მომსახურება.   
ხელშეკრულება გრძელვადიან კონტრაქტად რომ ჩაითვალოს, აუცილებელია ზემოთ მითითებული მომსახურება არ დასრულდეს იმ კალენდარულ წელს, რომელშიც დაიწყო კონტრაქტით გათვალისწინებული მომსახურება.                    
ამასთან, გრძელვადიან კონტრაქტად არ ჩაითვლება ხელშეკრულება, რომელიც, მართალია, არ სრულდება იმ კალენდარულ წელს, რომელშიც დაიწყო კონტრაქტით გათვალისწინებული მომსახურება, მაგრამ სრულდება მომსახურების გაწევის დაწყებიდან 6 თვის განმავლობაში.

ფაქტობრივი გარემოება I : საწარმო  X-მა  მშენებლობის ხელშეკრულება გააფორმა  Y-თან. ხელშეკრულების შესაბამისად მშენებლობა  დაიწყო 2011 წლის  15  სექტემბერს  და უნდა დასრულდეს 2012 წლის 1 მარტს.
შედეგი: მოცემულ პირობებში, მიუხედავად იმისა, რომ ხელშეკრულებით გათვალისწინებული პირობების მიხედვით   მშენებლობა  არ მთავრდება მისი დაწყების კალენდარულ წელს, იგი მაინც არ ჩაითვლება გრძელვადიან კონტრაქტად, ვინაიდან მშენებლობა დასრულდება ხელშეკრულებით გათვალისწინებულ ვადაში,  2012 წლის 1 მარტამდე, ანუ დაწყებიდან 6 თვეში .

(ვებ პორტალი წწწ.მატსნე.გოვ.გე 12.04.2012 ß.)

15. შემოსავლების სამსახურის კომენტარი საქართველოს საგადასახადო კოდექსის 144-ე მუხლზე

გრძელვადიანი კონტრაქტი

საქართველოს საგადასახადო კოდექსის 144-ე მუხლი

ნაწილი 1. "თუ გადასახადის გადამხდელი აღრიცხვისას დარიცხვის მეთოდს იყენებს, გათვალისწინებული უნდა იქნეს შემოსავლები და გამოქვითვები გრძელვადიანი კონტრაქტების მიხედვით, საგადასახადო წლის განმავლობაში პროპორციულად, მათი ფაქტობრივი შესრულების შესაბამისად".
 ნაწილი 2. "გრძელვადიანი კონტრაქტის მიხედვით ფაქტობრივი შესრულების მოცულობა განისაზღვრება საგადასახადო წლის ბოლომდე კონტრაქტის ფარგლებში გაწეული ხარჯების კონტრაქტით გათვალისწინებულ ერთობლივ ხარჯებთან შეპირისპირებით".


ანალიზი:
გრძელვადიანი კონტრაქტისას თუ პირი შემოსავლებს დარიცხვის მეთოდით აღრიცხავს, წლის განმავლობაში ფაქტობრივად შესრულებული სამუშაოს ხარჯების კონტრაქტით გათვალისწინებული მთლიან ხარჯებთან შეფარდებისას მიღებული პროპორციის მიხედვით გამოითვლება მთლიანად მისაღები შემოსავლებიდან წლის განმავლობაში რა ოდენობის  შემოსავალი უნდა აღირიცხოს.                     კონტრაქტით გათვალისწინებულ ხარჯებში უნდა ვიგულისხმოთ სამშებელო საქმიანობისთვის საგეგმო პარამეტრებით გათვალისწინებული ხარჯები.



ფაქტობრივი გარემოება II:  საწარმო X-მა მშენებლობის ხელშეკრულება გააფორმა საწარმო Y-თან. ხელშეკრულების შესაბამისად, მშენებლობა დაიწყო 2011 წლის  15  თებერვალს და უნდა დასრულდეს 2015 წლის 15 თებერვალს. 2011 წელს საწარმო  X-ის მიერ მშენებლობაზე გაწეული ხარჯი შეადგენს 100 000 ლარს, საგეგმო პარამეტრებით გათვალისწინებული მთლიანი ხარჯი არის 500 000 ლარი, ხოლო საწარმო Y-ისგან მშენებლობისთვის მისაღები თანხა წარმოადგენს 700 000 ლარს.
შედეგი:  თუ საწარმო X იყენებს დარიცხვის მეთოდს, მაშინ მან საწარმო Y-საგან მისაღები შემოსავლები უნდა აღიაროს მის მიერ ფაქტობრივად გაწეული სამუშაოების შესაბამისად, ანუ იმ შემთხვევაში, თუ საწარმო X-მა მთლიანი ხარჯის (500 000 ლარი) 1/5 (100 000 ლარი) გასწია 2011 წელს, მთლიანი მისაღები თანხის (700 000 ლარი) სწორედ 1/5 ნაწილი უნდა ასახოს 2011 წლის შემოსავალში. ეს თანხა არის   100 000/500 000*700 000=140 000 ლარი.
   

ფაქტობრივი გარემოება III: ფაქტობრივი გარემოებები იგივეა, რაც ზემოთ მითითებულ მაგალითში, ამასთან, საგეგმო პარამეტრებით გათვალისწინებულმა ხარჯმა განიცადა კორექტირება და ნაცვლად 500 000 ლარისა შეადგინა 600 000 ლარი.
შედეგი: ასეთ შემთხვევაში საწარმო X დააზუსტებს 2011 წლის საგადასახადო ვალდებულებებს და შემოსავალში აიღებს 100 000/600 000*700 000=116666.66 ლარს.

(ვებ პორტალი წწწ.მატსნე.გოვ.გე 12.04.2012 ß.)

16. შემოსავლების სამსახურის კომენტარი საქართველოს საგადასახადო კოდექსის 157-ე მუხლზე
დღგ-ის გადამხდელად სავალდებულო რეგისტრაცია

ნაწილი 1. პირი, რომელიც ეწევა ეკონომიკურ საქმიანობას და რომლის მიერ ნებისმიერი უწყვეტი 12 კალენდარული თვის განმავლობაში განხორციელებული, დღგ-ით დასაბეგრი ოპერაციების საერთო თანხა აღემატება 100 000 ლარს (გარდა ამ მუხლის 11 ნაწილით გათვალისწინებული შემთხვევისა):
 ა) ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს დასაბეგრი ოპერაციების საერთო თანხის 100 000 ლარზე გადაჭარბების დღიდან არა უგვიანეს 2 სამუშაო დღისა;
 ბ) დღგ-ის გადამხდელად ითვლება იმ დასაბეგრი ოპერაციის განხორციელების მომენტიდან (ამ ოპერაციის ჩათვლით), რომლის მიხედვითაც დასაბეგრი ოპერაციის საერთო თანხა გადააჭარბებს 100 000 ლარს.
ნაწილი 11. პირს (გარდა ამ კოდექსის 26-ე მუხლის მე-6 ნაწილით გათვალისწინებული პირისა), რომელიც საქონლის მიწოდებას ახორციელებს მხოლოდ სსზ-ის ტერიტორიაზე, ამ მუხლის პირველი ნაწილით გათვალისწინებულ შემთხვევაში არ წარმოეშობა დღგ-ის სავალდებულო რეგისტრაციის ვალდებულება.


ანალიზი:
თუ პირი ეწევა საგადასახადო კოდექსის მე-9 მუხლით გათვალისწინებულ ეკონომიკურ საქმიანობას და ამავე დროს ნებისმიერი უწყვეტი 12 კალენდარული თვის განმავლობაში ახორციელებს საგადასახადო კოდექსის 161-ე მუხლის პირველი ნაწილით გათვალისწინებულ დღგ-ით დასაბეგრ ოპერაციებს (საგა-დასახადო კოდექსის მე-13 მუხლის შესაბამისად, დღგ-ის მიზნებისათვის საქონელს არ მიეკუთვნება ფული), იმ დღიდან, როდესაც ასეთი ოპერაციების ღი-რებულება გადააჭარბებს 100 000 ლარს, ამ პირმა 2 სამუშაო დღის ვადაში სა-გადასახადო ორგანოში უნდა წარადგინოს განცხადება დღგ-ის გადამხდელად რე-გისტრაციისათვის, რა დროსაც დღგ-ის გადამხდელად ითვლება იმ დასაბეგრი ოპერაციის განხორციელების მომენტიდან (ამ ოპერაციის ჩათვლით), რომლის მიხედვითაც დასაბეგრი ოპერაციის საერთო თანხა გადააჭარბებს 100 000 ლარს.
აღნიშნული წესი არ ვრცელდება პირზე, რომელიც საქონლის მიწოდებას ახორციელებს საგადასახადო კოდექსის 26-ე მუხლით გათვალისწინებულ მხოლოდ სპეციალური სავაჭრო ზონის ტერიტორიაზე, გარდა იმ იურიდიული პირისა, რომელიც სპეციალური სავაჭრო ზონის ტერიტორიაზე საქონლის რეალიზაციას ახორციელებს დაქირავებული სტაციონარული (ადგილი, რომელიც არ აკმაყოფილებს საგადასახადო კოდექსის 309-ე მუხლის მე-15 ნაწილის "ბ" ქვეპუნქტის მოთხოვნებს) სავაჭრო ობიექტის მეშვეობით და უფლება აქვს, დამოუკიდებლად შეასრულოს საგადასახადო ანგარიშგება/ვალდებულება.
საგადასახადო კოდექსის მე-9 მუხლის მე-2 ნაწილის მიხედვით განსაზღვრულია საქმიანობები, რომლებიც არ მიეკუთვნება ეკონომიკურ საქმიანობას, მაგალითად, როგორიცაა: საქველმოქმედო ან/და რელიგიური საქმია-ნობა; დაქირავებით მუშაობა; ფიზიკური პირის მიერ ფულადი სახსრების განთავსება ბანკებსა და სხვა საკრედიტო დაწესებულებებში დეპოზიტებსა და ანაბრებზე და სხვა საქმიანობები. შესაბამისად, თუ პირი ეწევა მხოლოდ საგადასახადო კოდექსის მე-9 მუხლის მე-2 ნაწილის მიხედვით განსაზღვრულ საქმიანობას მას დღგ-ის გადამხდელად რეგისტრაციის ვალდე-ბულება არ წარმოეშვება.
ფაქტობრივი გარემოება I: "X" ფონდი, ამ კოდექსის მე-10 მუხლის შესაბამი-სად, ეწევა მხოლოდ საქველმოქმედო საქმიანობას ? ყიდულობს საბავშვო ტანსაც-მელს და საკვებს, შემდეგ კი ამ საქონელს უსასყიდლოდ აწვდის ბავშვთა სახ-ლებს. სხვა საქმიანობას ფონდი არ ეწევა. იანვრის თვის განმავლობაში ფონდმა ბავშვთა სახლებს მიაწოდა 170 000 ლარის ღირებულების საბავშვო ტანსაცმე-ლი და საკვები. 
შედეგი: იმის გათვლისწინებით, რომ ფონდს, საქართველოს საგადასახადო კოდექსის მე-9 მუხლის შესაბამისად, არ უწარმოებია ეკონომიკური საქმიანობა, მას არ წარმოეშობა დღგ-ის გადამხდელად რეგისტრაციის ვალდებულება.

ფაქტობრივი გარემოება II : "X" ფონდი, ამ კოდექსის მე-10 მუხლის შესაბამი-სად, ეწევა საქველმოქმედო საქმიანობას ? ყიდულობს საბავშვო ტანსაცმლის დასამზადებლად საჭირო საქონელს, აწარმოებს საბავშვო ტანსაცმელს და უსასყიდლოდ აწვდის ბავშვთა სახლებს. ასევე ქველმოქმედებისათვის საჭირო თანხების მოსაძიებლად ახდენს მის მიერ წარმოებული საბავშვო ტანსაცმლის რეალიზაციას, საიდანაც შემოსულ თანხებს გადასცემს ბავშვთა სახლებს. 2011 წლის 10 ივლისიდან 2012 წლის 9 ივლისამდე პერიოდში ფონდმა მოახდინა 95 000 ლარის ღირებულების საბავშვო ტანსაცმლის რეალიზაცია, ხოლო 2012 წლის 10 ივლისს 10 000 ლარის ღირებულების საბავშვო ტანსაცმლის რეალიზაცია.
 შედეგი: "X" ფონდი 2012 წლის 10 ივლისს 10 000 ლარი ღირებულების საბავშვო ტანსაცმლის მიწოდებიდან, მიუხედავად იმისა, რომ არის საქველმოქმედო ორგანიზაცია წარმოადგენს დღგ-ის გადამხდელს, ვინაიდან 2011 წლის 10 ივლისიდან 2012 წლის 10 ივლისამდე (ნებისმიერი უწყვეტი 12 თვის გან-მავლობაში) პერიოდში მის მიერ საგადასახადო კოდექსის მე-9 მუხლით გათვალისწინებული ეკონომიკური საქმიანობიდან განხორციელებული საგადასახადო კოდექსის 161-ე მუხლის პირველი ნაწილით გათვალისწინებული დღგ-ით დასაბეგრი ოპერაციების საერთო თანხამ (105 000 ლარი) გადააჭარბა 100 000 ლარს. შესაბამისად ფონდის მიერ განხორციელებული ბოლო ოპერაცია (2012 წლის 10 ივლისს 10 000 ლარის ღირებულების საბავშვო ტანსაცმლის რეალიზაცია) ექვემდებარება დღგ-ით დაბეგვრას. ფონდმა 2012 წლის 10 ივლისიდან 2 სამუშაო დღის ვადაში საგადასახადო ორგანოში უნდა წარადგინოს განცხადება დღგ-ის გადამხდელად რეგისტრაციისათვის. დღგ-ის გადამხდელად რეგისტრაციის თაობაზე განცხადების არწარდგენა განიხილება, როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ფაქტობრივი გარემოება III : შპს "A" დარეგისტრირდა 2010 წლის 1 მარტს. იმავე თვეში მან განახორციელა 10 000 ლარის დღგ-ით დასაბეგრი ოპერაციები. 2011 წლის 1 მარტისათვის დღგ-ით დასაბეგრმა ოპერაციებმა სულ შეადგინა 95 000 ლარი. 2011 წლის 1 მარტიდან 2011 წლის 1 აპრილამდე "A"-მ მოახდინა 9 000 ლა-რის საქონლის რეალიზაცია. ამ საქონლის რეალიზაცია წარმოადგენს დღგ-ით დასაბეგრ ოპერაციას. 
შედეგი: შპს "A"-ს არ წარმოეშვება დღგ-ის გადამხდელად რეგისტრაცი-ის ვალდებულება, ვინაიდან მისი შექმნის შემდეგ, არც ერთი უწყვეტი 12 კა-ლენდარული თვის განმავლობაში, დღგ-ით დასაბეგრმა ოპერაციებმა არ გადაა-ჭარბა 100 000 ლარს. როგორც უკვე აღინიშნა, 2010 წლის 1 მარტიდან 2011 წლის 1 მარტამდე დღგ-ით დასაბეგრი ოპერაციების ჯამმა შეადგინა 95 000 ლარი, ხოლო 2010 წლის 1 აპრილიდან 2011 წლის 1 აპრილამდე - 94 000 ლარი (95000+9000-10000).

ფაქტობრივი გარემოება IV : არასამეწარმეო (არაკომერციული) იურიდიული პირი საქმიანობას ახორციელებს "გრანტის შესახებ" საქართველოს კანონის მოთხოვნების შესაბამისად. მინიჭებული აქვს საქველმოქმედო ორგანიზაციის სტატუსი. დონორებიდან მიღებული სახსრებით (გრანტი) ახორციელებს საგანმანათლებლო, სამეცნიერო-კვლევით, ჯანმრთელობის დაცვის, კულტურულ, სპორტულ, ეკოლოგიურ და სოციალურ პროექტებს. აგრეთვე სახელმწიფოებრივი და საზოგადოებრივი მნიშვნელობის პროგრამების დაფინანსებას.
ააიპ საკუთარი ძალებით ახდენს სკოლების, თეატრების, სტადიონების და საავადმყოფოების მშენებლობას. აგრეთვე სხვა სახელმწიფოებრივი და საზოგადოებრივი მნიშვნელობის ობიექტების მშენებლობას. მშენებლობის დასრულების შემდგომ შესაბამისი კომისიის მიერ (ადგილობრივი თვითმმართველობა) ექსპლუატაციაში მიღებას, საჯარო რეესტრში დარეგისტრირებას და მხოლოდ ამ პროცესების შემდგომ, ახორციელებს შენობა-ნაგებობების სხვა მოძრავი ქონების გადაცემას საქველმოქმედო ორგანიზაციებისთვის უსასყიდლოდ, შემდგომი საქველმოქმედო საქმიანობის განხორციელებისათვის.
შედეგი: მოცემულ პირობებში,    ააიპ-ის მიერ აშენებული შენობა-ნაგებობების საქველმოქმედო ორგანიზაციებზე უსასყიდლოდ გადაცემა წარმოადგენს საქველმოქმედო და არა ეკონომიკურ საქმიანობას და დღგ-ის გადამხდელად სავალდებულო რეგისტრაციის ვალდებულების განსაზღვრისას არ უნდა იქნეს გათვალისწინებული.   
   
ნაწილი 2. პირი, რომელიც აწარმოებს აქციზურ საქონელს საქართველოში, ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს აქციზური საქონლის მიწოდებამდე.

ანალიზი:
თუ პირი საგადასახადო კოდექსის მე-9 მუხლით გათვალისწინებული ეკონომიკური საქმიანობის ფარგლებში აწარმოებს აქციზურ საქონელს, რომელიც საგადასახადო კოდექსის მე-7 კარის შესაბამისად იბეგრება აქციზით, იგი საგადასახადო კოდექსის მე-16 მუხლით გათვალისწინებული ასეთი საქონლის მი-წოდებამდე (სასყიდლით ან უსასყიდლოდ) ვალდებულია გატარდეს რეგისტრა-ციაში დღგ-ის გადამხდელად.
ფაქტობრივი გარემოება V: შპს "X" საქართველოს ტერიტორიაზე აწარმოებს ბრენდს. ბრენდის წარმოების ტექნოლოგია ითვალისწინებს ყურძნის სპირტის დაყენებას მუხის კასრებში, სულ ცოტა, 3 წლის განმავლობაში. 2011 წლის 10 ივლისს მეწარმემ ყურძნის სპირტი ჩაასხა მუხის კასრებში, რომელიც კასრებ-ში უნდა იყოს 2014 წლის ივლისამდე. 3 წლის შემდეგ "X" გეგმავს ბრენდის ჩამოს-ხმას ბოთლებში და 2014 წლის 1 აგვისტოს მაღაზიებში სარეალიზაციოდ მიწოდე-ბას. "X" სხვა ეკონომიკურ საქმიანობას არ ეწევა და არ არის დღგ-ის გადამ-ხდელი.
შედეგი: "X" ვალდებული იქნება 2014 წლის 1 აგვისტომდე რეგისტრაცია-ში გატარდეს დღგ-ის გადამხდელად. დღგ-ის გადამხდელად რეგისტრაციის გარეშე, 2014 წლის 1 აგვისტოს მაღაზიებში სარეალიზაციოდ ბრენდის მიწოდება, შპს "X"-ის მხრიდან განიხილულ იქნება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ნაწილი 3. პირი, რომელიც ახორციელებს აქციზური საქონლის იმპორტს საქართველოში, გარდა იმ შემთხვევისა, როდესაც აქციზური საქონლის საქართველოში იმპორტი გათავისუფლებულია დღგ-ის გადახდისაგან, ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს საქართველოში აქციზური საქონლის მიწოდებამდე.


ანალიზი:
თუ პირი საგადასახადო კოდექსის მე-9 მუხლით გათვალისწინებული ეკონომიკური საქმიანობის ფარგლებში ახორციელებს აქციზური საქონლის იმ-პორტს, რომელიც საგადასახადო კოდექსის მე-7 კარის შესაბამისად იბეგრება აქციზით, იგი საგადასახადო კოდექსის მე-16 მუხლით გათვალისწინებული ასე-თი საქონლის მიწოდებამდე (სასყიდლით ან უსასყიდლოდ) ვალდებულია გატარ-დეს რეგისტრაციაში დღგ-ის გადამხდელად.

ფაქტობრივი გარემოება VI : შპს "X"-მა ეკონომიკური საქმიანობის ფარგლებში 2011 წლის 10 ივლისს განახორციელა აქციზური საქონლის (სპირტის) იმპორტი. ამავე წლის 12 ნოემბერს პირმა განახორციელა 70 000 ლარის არააქციზური საქონლის მიწოდება, ხოლო 27 ნოემბერს მოახდინა 15 000 ლარის აქციზური საქონლის (სპირტის) მიწოდება. ამასთან, ნებისმიერი უწყვეტი 12 კალენდარული თვის განმავლობაში მისი დასაბეგრი ოპერაციების ბრუნვა არ აღემატება 100 000 ლარს. შპს "X"-მა არ მიმართა საგადასახადო ორგანოს დღგ-ის გადამხდელად რეგისტრაციისთვის.
შედეგი: მიუხედავად იმისა, რომ შპს "X"-ის დასაბეგრი ოპერაციების ბრუნვა ნებისმიერი უწყვეტი 12 კალენდარული თვის განმავლობაში არ აღემატებოდა 100 000 ლარს, შპს "X"-ი ვალდებული იყო აქციზური საქონლის მიწოდებამდე (2011 წლის 27 ნოემბრამდე) საგადასახადო ორგანოსათვის მიემართა დღგ-ის გადამხდელად რეგისტრაციისათვის. შპს "X"-ის მხრიდან დღგ-ის გადამხდელად რეგისტრაციის თაობაზე განცხადების არწარდგენა განიხილება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ნაწილი 4. თუ ეკონომიკური საქმიანობის ფარგლებში მოსალოდნელი ერთჯერადი ოპერაციის შედეგად ან ეკონომიკური საქმიანობის ფარგლებში ერთ დღეში დღგ-ით დასაბეგრი ოპერაციის თანხა აღემატება 100 000 ლარს, პირი:
ა) ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს დასაბეგრი ოპერაციების საერთო თანხის 100 000 ლარზე გადაჭარბების დღიდან არა უგვიანეს 2 სამუშაო დღისა;
ბ) დღგ-ის გადამხდელად ითვლება იმ ერთჯერადი ოპერაციის ან ერთ დღეში განხორციელებული დასაბეგრი ოპერაციის განხორციელების მომენტიდან (ამ ოპერაციის ჩათვლით), რომლის მიხედვითაც დასაბეგრი ოპერაციის თანხა გადააჭარბებს 100 000 ლარს.

ფაქტობრივი გარემოება VII : შპს "X" არ არის დღგ-ის გადამხდელი. იგი ახორციელებს მის პირველ ოპერაციას - შეგროვებული 1000 ტონა ჯართის მიწოდებას საქართველოს რეზიდენტი პირისათვის 300 000 ლარად.
შედეგი: შპს "X" აღნიშნული მიწოდების განხორციელებიდან წარმოადგენს დღგ-ის გადამხდელს, შესაბამისად, ოპერაცია ექვემდებარება დღგ-ით დაბეგვრას. შპს "X"-მა ამ ოპერაციის განხორციელებიდან 2 სამუშაო დღის ვა-დაში საგადასახადო ორგანოში უნდა წარადგინოს განცხადება დღგ-ის გადამ-ხდელად რეგისტრაციისათვის. შპს "X"-ის მხრიდან დღგ-ის გადამხდელად რეგისტრაციის თაობაზე განცხადების არწარდგენა განიხილება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ფაქტობრივი გარემოება VIII : შპს -"X" ეწევა მხოლოდ სამედიცინო მომსახურებას, რომელიც საგადასახადო კოდექსის 168-ე მუხლის მე-2 ნაწილის "ე" ქვეპუნქტით გათავისუფლებულია დღგ-ისგან. შესაბამისად, მის მიერ აღნიშნული მომსახურებიდან მიღებული შემოსავალი არ გაითვალისწინება დღგ-ის გადამხდელად სავალდებულო რეგისტრაციის განსაზღვრისას და პირი არ არის დღგ-ის გადამხდელად რეგისტრირებული. შპს "X"-მა 2011 გადაწყვიტა გაეფართოვებინა მისი საქმიანობა და ააშენა ახალი კლინიკა ღირებულებით 150 000 ლარი. შპს "X"-მა 2012 წლის 3 მარტს დაიწყო ახალი კლინიკის ძირითად საშუალებად გამოყენება (მიიღო ექსპლუატაციაში).
შედეგი: საგადასახადო კოდექსის 161-ე მუხლის პირველი ნაწილის "დ" ქვეპუნქტის მიხედვით დღგ-ით დასაბეგრ ოპერაციას წარმოადგენს საკუთარი წარმოების შენობა-ნაგებობის ძირითად საშუალებად გამოყენება, ხოლო დასაბეგრი ოპერაციის განხორციელების დროდ ითვლება ძირითადი საშუალების ექსპლუატაციაში მიღების მომენტი. ფაქტობრივი გარემოებიდან გამომდინარე, 2012 წლის 3 მარტიდან შპს "X" წარმოადგენს დღგ-ის გადამხდელს, ვინაიდან მის მიერ ეკონომიკური საქმიანობის ფარგლებში ერთ დღეში დღგ-ით დასაბეგრი ოპერაციის თანხა აღემატება 100 000 ლარს, შესაბამისად, ოპერაცია ექვემდებარება დღგ-ით დაბეგვრას. შპს "X" ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს დასაბეგრი ოპერაციის განხორციელებიდან არა უგვიანეს 2 სამუშაო დღისა. შპს "X"-ის მხრიდან დღგ-ის გადამხდელად რეგისტრაციის თაობაზე განცხადების არწარდგენა განიხილება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ნაწილი 5. რეორგანიზაციის შედეგად შექმნილი პირი, თუ რეორგანიზაციის ერთ-ერთი მხარე არის დღგ-ის გადამხდელი, ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს დღგ-ით დასაბეგრი ოპერაციის განხორციელებამდე, მაგრამ რეორგანიზაციის დასრულებიდან არა უგვიანეს 10 კალენდარული დღისა.

ანალიზი:
საწარმო შესაძლებელია გარდაიქმნას (სამართლებრივი ფორმა შეეცვალოს), შეერწყას მეორე საწარმოს (გაერთიანდეს) ან გაიყოს (დაყოფა, გამოყოფა) რამდენიმე საწარმოდ, რაც "მეწარმეთა შესახებ" საქართველოს კანონის მე-144 მუხლის მიხედვით წარმოადგენს რეორგანიზაციის სახეებს. თუ სამართლებრივი ფორმის ცვლილებისას, გაერთიანებისას, დაყოფისას ან გამოყოფისას ერთ-ერთი მხარე მაინც არის დღგ-ის გადამხდელი, რეორგანიზაციის შედეგად შექმნილი (სამართლებრივი ფორმა შეიცვლილი, გაერთიანებული, დაყოფილი ან გამოყოფილი) პირი ვალდებულია დღგ-ის გადამხდელად დარეგისტრირდეს დღგ-ით დასაბეგრი ოპერაციის განხორციელებამდე, მაგრამ რეორგანიზაციის დასრულებიდან არა უგვიანეს 10 კალენდარული დღისა.
ფაქტობრივი გარემოება IX : შპს "X", რომელიც არის დღგ-ის გადამხდელი გა-იყო ორ შპს-ად: შპს "Y"-ად და შპს "ძ"-ად. "Y"-ს რეგისტრაციიდან მე-3 დღეს სურს განახორციელოს დღგ-ით დასაბეგრი იმ საქონლის რეალიზაცია, რომელიც არ არის დღგ-ისგან გათავისუფლებული ჩათვლის უფლებით ან ჩათვლის უფლების გარეშე.
 შედეგი: ახლად შექმნილი ორივე კომპანია ვალდებულია, სახელმწიფო რეგის-ტრაციიდან არა უგვიანეს 10 კალენდარული დღისა, საგადასახადო ორგანოში წარადგინოს განცხადება დღგ-ის გადამხდელად რეგისტრაციის თაობაზე, ხოლო შპს "Y"-მა აღნიშნულ შემთხვევაში განცხადება დღგ-ის გადამხდელად რეგის-ტრაციის თაობაზე საგადასახადო ორგანოში უნდა წარადგინოს საქონლის რეალი-ზაციის განხორციელებამდე. დღგ-ის გადამხდელად რეგისტრაციის თაობაზე განცხადების წარდგენის გარეშე შპს "Y"-ის მიერ საქონლის მიწოდება განიხილება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ნაწილი 6. დღგ-ის გადამხდელი პარტნიორისაგან/წევრისაგან შენატანის სახით საქონლის/მომსახურების მიღების შემთხვევაში საწარმო/ამხანაგობა ვალდებულია დღგ-ის გადამხდელად რეგისტრაციისათვის მიმართოს საგადასახადო ორგანოს დღგ-ით დასაბეგრი ოპერაციის განხორციელებამდე, მაგრამ შენატანის განხორციელებიდან არა უგვიანეს 10 კალენდარული დღისა.
ფაქტობრივი გარემოება X : შპს "X"-მა და რამდენიმე ფიზიკურმა პირმა დაა-ფუძნეს შპს "Y". "X" არის დღგ-ის გადამხდელი, მან "Y"-ის კაპიტალში შეიტანა 20 000 ლარის ღირებულების მანქანა-დანადგარები. 
შედეგი: შპს "Y" ვალდებულია, სახელმწიფო რეგისტრაციიდან 10 დღის ვა-დაში საგადასახადო ორგანოში განცხადება წარადგინოს დღგ-ის გადამხდელად რეგისტრაციის თაობაზე. თუ შპს "Y"-ს სურს, დასაბეგრი ოპერაციები განა-ხორციელოს უფრო ადრე, მან განცხადება დღგ-ის გადამხდელად რეგისტრაციის თაობაზე საგადასახადო ორგანოში უნდა წარადგინოს ამ დასაბეგრი ოპერაციის განხორციელებამდე. დღგ-ის გადამხდელად რეგისტრაციის თაობაზე განცხადე-ბის წარდგენის გარეშე "Y"-ის მიერ დასაბეგრი ოპერაციის განხორციელება განიხილება როგორც დღგ-ის გადამხდელად რეგისტრაციის გარეშე საქმიანობა და გამოიწვევს პასუხისმგებლობას საგადასახადო კოდექსის 282-ე მუხლის შესაბამისად.

ნაწილი 7. დღგ-ის გადამხდელად სავალდებულო რეგისტრაციას დაქვემდებარებული პირის რეგისტრაციის გარეშე გამოვლენისას საგადასახადო ორგანო ატარებს ამ პირს რეგისტრაციაში დღგ-ის გადამხდელად. ამასთანავე, პირი დღგ-ის გადამხდელად ითვლება რეგისტრაციის ვალდებულების წარმოშობის მომენტიდან.

ანალიზი:
თუ საგადასახადო ორგანო გამოავლენს პირს, რომელსაც დაუდგა დღგ-ის გა-დამხდელად რეგისტრაციის ვალდებულება, მაგრამ რეგისტრირებული არ არის ასეთად, საგადასახადო ორგანო თვითონ არეგისტრირებს პირს დღგ-ის გადამ-ხდელად.
ფაქტობრივი გარემოება XI : შპს "X" დღგ-ის გადამხდელად არარეგისტრირებული პირია, რომელიც გაწეული მომსახურებისთვის ყოველთვიურად ხელშეკრულებით იღებს 15 000 ლარს. შესაბამისად, მე-7 თვეს შპს "X"-ს დაუდგა დღგ-ის გადამხდელად რეგისტრაციის ვალდებულება, თუმცა შპს "X"-მა გააგრძელა საქმიანობა დღგ-ის გადამხდელად რეგისტრაციის გარეშე და იმავე ოდენობით (15 000 ლარი) კომპენსაციის მიღება. საგადასახადო ორგანომ გამოავლინა აღნიშნული ფაქტი.
შედეგი: შპს "X" ვალდებული იყო დღგ-ით დასაბეგრი ოპერაციების საერთო თანხის 100 000 ლარზე გადაჭარბებიდან არა უგვიანეს 2 სამუშაო დღისა დარეგისტრირებულიყო დღგ-ის გადამხდელად, შესაბამისად, მის მიერ დარღვეულია დღგ-ის გადამხდელად რეგისტრაციის წესი. საგადასახადო ორგანო მოახდენს შპს "X" -ის დღგ-ის გადამხდელად რეგისტრაციას. შპს "X"-ს დაერიცხება კუთვნილი დღგ-ის გადასახადი და დაჯარიმდება დღგ-ის გადამხდელად რეგისტრაციის გარეშე საქმიანობისათვის საგადასახადო კოდექსის 282-ე მუხლის შესაბამისად.
ნაწილი 8. სავალდებულო რეგისტრაციის ვალდებულების განსაზღვრისას არ გაითვალისწინება:
ა) ჩათვლის უფლების გარეშე გათავისუფლებული დასაბეგრი ოპერაციები;
ბ) ჩათვლის უფლებით გათავისუფლებული დასაბეგრი ოპერაციები;
გ) ფიქსირებული გადასახადის გადამხდელის სტატუსის მქონე პირისთვის ? ფიქსირებული გადასახადით დასაბეგრი საქმიანობიდან მიღებული შემოსავალი.

ფაქტობრივი გარემოება XII: შპს "ძ"-ის საქმიანობაა მიწების ყიდვა-გა-ყიდვა. "ძ"-მა თვის განმავლობაში იყიდა და გაყიდა 2 ნაკვეთი. ერთი ნაკვეთი "ძ"-მა გაყიდა 120 000 ლარად, ხოლო მეორე ? 300 000 ლარად.
შედეგი: მიუხედავად იმისა, რომ "ძ"-მა მიიღო შემოსავალი, რომელიც აღემა-ტება 100 000 ლარს, მას არ დაუდგა დღგ-ის გადამხდელად რეგისტრაციის ვალ-დებულება, ვინაიდან მიწის ნაკვეთის მიწოდება საგადასახადო კოდექსის 168-ე პირველი ნაწილის მიხედვით ჩათვლის უფლების გარეშე დღგ-ისგან გათავისუფლებულია.

ფაქტობრივი გარემოება XIII : შპს "ძ" ახორციელებს "სპეციალური დაბეგვრის რეჟიმების შესახებ" საქართველოს მთავრობის დადგენილებით განსაზღვრული ფიქსირებული გადასახადით დასაბეგრ საქმიანობას ? აქვს პურის საცხობი თონე, რომელზეც მინიჭებული აქვს შესაბამისი სტატუსი, ასევე აქვს ტანსაცმლის მაღაზია, რომელიც ექვემდებარება დაბეგვრას საერთო წესით.
შპს "ძ"-მა 2012 წლის 10 ივლისიდან 2013 წლის 10 ივლისამდე მიიღო შემოსავალი თონეთი გაწეული საქმიანობიდან 40 000 ლარი, ხოლო ტანსაცმლის მაღაზიიდან ? 80 000 ლარი, ჯამში ? 120 000 ლარი (40 000 + 80 000). შესაბამისად, ნებისმიერი უწყვეტი 12 კალენდარული თვის განმავლობაში განხორციელებული, დღგ-ით დასაბეგრი ოპერაციების საერთო თანხის მიხედვით გადააჭარბა 100 000 ლარს.
შედეგი: მიუხედავად იმისა, რომ შპს "ძ"-მა დღგ-ით დასაბეგრი ოპერაციების საერთო თანხის მიხედვით (120 000) გადააჭარბა 100 000 ლარს, მას არ დაუდგება დღგ-ის გადამხდელად სავალდებულო რეგისტრაციის ვალდებუ-ლება, ვინაიდან ფიქსირებული გადასახადის გადამხდელის სტატუსის მქონე პირისთვის ფიქსირებული გადასახადით დასაბეგრი საქმიანობიდან მიღებული შემოსავალი სავალდებულო რეგისტრაციის ვალდებულების განსაზღვრისას არ გაითვალისწინება.

ნაწილი 9. დღგ-ის გადამხდელად არარეზიდენტის სავალდებულო რეგისტრაციის მიზნით, მისი დასაბეგრი ოპერაციების საერთო თანხის განსაზღვრისას, მხედველობაში მიიღება მხოლოდ საქართველოში მუდმივი დაწესებულების მეშვეობით განხორციელებული საქონლის მიწოდება და მომსახურების გაწევა.

ანალიზი:
    სავალდებულო რეგისტრაციის მიზნით არარეზიდენტი პირის დღგ-ით და-საბეგრი ოპერაციების დაანგარიშებისას დაჯამდება მხოლოდ იმ საქონლის და მომსახურების მიწოდება, რომლებიც არარეზიდენტმა განახორციელა საგადასა-ხადო კოდექსის 29-ე მუხლის შესაბამისად რეგისტრირებული მუდმივი დაწესე-ბულების მეშვეობით. არარეზიდენტის მუდმივი დაწესებულების დღგ-ის გადამხდელად სავალდებულო რეგისტრაციის გარეშე გამოვლენისას საგადასახადო ორგანო ატარებს არარეზიდენტის მუდმივ დაწესებულებას რეგისტრაციაში დღგ-ის გადამხდელად. ამასთანავე, არარეზიდენტის მუდმივი დაწესებულება დღგ-ის გადამხდელად ითვლება რეგისტრაციის ვალდებულების წარმოშობის მომენტიდან.

ფაქტობრივი გარემოება XIV: უცხოურმა "Y" კომპანიამ საქართველოში, ამ კო-დექსის 29-ე მუხლის შესაბამისად, დაარეგისტრირა მუდმივი დაწესებულება. 9 თვის განმავლობაში მუდმივმა დაწესებულებამ საქართველოს საწარმოებს გა-უწია 90 000 ლარის ღირებულების მარკეტინგული მომსახურება. გარდა ამისა, თვითონ "Y"-მა საქართველოს საწარმოებს დამატებით გაუწია 15 000 ლარის ღირებულების მარკეტინგული მომსახურება.
შედეგი: მიუხედავად იმისა, რომ გაწეული მომსახურების ჯამური ღირებულება 105 000 ლარია (100 000 ლარზე მეტია), მუდმივ დაწესებულებას დღგ-ის გადამხდელად რეგისტრაციის ვალდებულება არ გაუჩნდება, რადგან დასაბეგრი ოპერაციების საერთო თანხის განსაზღვრისას მხედველობაში მიი-ღება მხოლოდ მუდმივი დაწესებულების მეშვეობით გაწეული მომსახურება, რომლის ღირებულებაც 90 000 ლარია (100 000 ლარზე ნაკლებია).

(ვებ პორტალი წწწ.მატსნე.გოვ.გე 05.04.2012 ß.)

17. შემოსავლების სამსახურის კომენტარი საქართველოს საგადასახადო კოდექსის 161-ე მუხლის მე-6 ნაწილზე
გრძელვადიანი კონტრაქტი
საქართველოს საგადასახადო კოდექსის 161-ე მუხლის მე-6 ნაწილის თანახმად:
 ,,გრძელვადიანი კონტრაქტის შემთხვევაში, თუ არ დადგა ამ მუხლის პირველი ნაწილით გათვალისწინებული პირობა:
ა) დასაბეგრი ოპერაციის თანხა კალენდარული წლისათვის განისაზღვრება ფაქტობრივი შესრულების მოცულობის მიხედვით, რომელიც გაიანგარიშება გაწეული ხარჯების კონტრაქტით გათვალისწინებულ ერთობლივ ხარჯებთან შეპირისპირებით;
ბ) დასაბეგრი ოპერაციის მომენტად ითვლება არა უგვიანეს ყოველი წლის დეკემბერი".

ანალიზი:
შესაძლებელია გრძელვადიანი კონტრაქტის მონაწილე სუბიექტებმა მომსახურების გაწევა დაუკავშირონ არა კონტრაქტით გათვალისწინებული ვადის ამოწურვისას მიღებულ მომსახურებას, არამედ ცალკეულ ეტაპებს, რომლის დროსაც აგრეთვე ხორციელდება მომსახურების მიღება. ამ დროს დღგ-ით დასაბეგრი ოპერაციის თანხა განისაზღვრება ცალკეულ ეტაპზე მიღებული მომსახურების საკომპენსაციო თანხით.
გრძელვადიანი კონტრაქტისას, თუ მისი მოქმდების პერიოდში ადგილი არ აქვს მომსახურების გაწევის ფაქტს,  დასაბეგრი ოპერაციის თანხა განისაზღვრება ფაქტობრივი შესრულების მოცულობის მიხედვით და დასაბეგრი ოპერაციის მომენტი არის არა უგვიანეს ყოველი წლის დეკემბერი. 

         ფაქტობრივი გარემოება IV :  2010 წლის 14 ივნისს დამკვეთმა საწარმო           X-მა  მშენებელთან - საწარმო Y-თან გააფორმა სამშენებლო მომსახურების შესახებ ხელშეკრულება სამი წლის ვადით.                            
ხელშეკრულება ითვალისწინებს 10-სართულიანი საოფისე ნაგებობის მშენებლობას. მომსახურების მთლიანი ღირებულებაა 10 000 000 ლარი.           
მხარეები შეთანხმდნენ, რომ საოფისე ნაგებობის თითოეული სართულის მშენებლობის დასრულების შემდეგ დამკვეთის მიერ ხორციელდება დასრულებული საოფისე ნაგებობის სართულის ჩაბარება და შესაბამისი ანაზღაურების (1 000 000 ლარი) გადახდა.
შედეგი: მოცემულ პირობებში, უნდა ჩაითვალოს, რომ ცალკეული ეტაპის, კერძოდ,  საოფისე ნაგებობის თითოეული სართულის მშენებლობის დასრულების შემდეგ, საწარმო X-ისთვის მომსახურება გაწეულია და დღგ-ით დასაბეგრი ოპერაციის მომენტს წარმოადგენს საოფისე ნაგებობის თითოეული სართულის მშენებლობის დასრულების მომენტი, მიუხედავად იმისა, დამკვეთი განაცხადებს თუ არა თანხმობას დასრულებული საოფისე ნაგებობის სართულის ჩაბარებაზე.   

ფაქტობრივი გარემოება V:  2010 წლის 15 თებერვალს დამკვეთმა საწარმო            X-მა  მშენებელთან - საწარმო Y-თან გააფორმა სამშენებლო მომსახურების შესახებ ხელშეკრულება სამი წლის ვადით.                            
ხელშეკრულება ითვალისწინებს 10-სართულიანი საოფისე ნაგებობის მშენებლობას. მომსახურების მთლიანი ღირებულებაა 10 000 000 ლარი.
2010 წელს მშენებელმა განახორციელა სამშენებლო სამუშაოები, რაზეც გასწია ხარჯი 1 000 000 ლარი, ხოლო საგეგმო პარამეტრებით მშენებლობის მთლიანი ხარჯი წარმოადგენს 8 000 000 ლარს.
მხარეები შეთანხმდნენ, რომ საოფისე ნაგებობის მთლიანად დასრულების შემდეგ დამკვეთი ჩაიბარებდა ნაგებობას.
შედეგი: ასეთ შემთხვევაში, დღგ-ით დასაბეგრი ოპერაციის მომენტად ითვლება 2010 წლის 31 დეკემბერი, შესაბამისად, თუ საწარმო Y-მა მთლიანი ხარჯის (8 000 000 ლარი) 1/8 (1 000 000 ლარი) გასწია 2010 წლის 31 დეკემბრის მდგომარეობით, მთლიანი მისაღები თანხის (10 000 000 ლარი) სწორედ 1/8 წარმოადგენს ზემოთ მითითებულ შემთხვევაში დასაბეგრი ოპერაციის თანხას და ეს თანხა არის   1 000 000/8 000 000*10 000 000=1 250 000 ლარი.


ფაქტობრივი გარემოება VI:  ფაქტობრივი გარემოებები იგივეა, რაც ზემოთ მითითებულ მაგალითში, ამასთან, საგეგმო პარამეტრებით გათვალისწინებულმა ხარჯმა განიცადა კორექტირება და ნაცვლად 8 000 000 ლარისა შეადგინა 9 000 000 ლარი.
შედეგი: ასეთ შემთხვევაში საწარმო X დააზუსტებს დღგ-ით დასაბეგრი ოპერაციის თანხას და აღნიშნული თანხა იქნება  1 000 000/9 000 000*10 000 000=1  111111.11 ლარი.

(ვებ პორტალი წწწ.მატსნე.გოვ.გე 12.04.2012 ß.)

18. შემოსავლების სამსახურის კომენტარი საქართველოს საგადასახადო კოდექსის  168-ე მუხლის მე-4 ნაწილის "მ" ქვეპუნქტზე
საწარმოს ყველა აქტივის მიწოდება
საქართველოს საგადასახადო კოდექსის 168-ე მუხლის მე-4 ნაწილის "მ" ქვეპუნქტის თანახმად:
ჩათვლის უფლებით დღგ-ისგან გათავისუფლებულია: "დღგ-ის გადამხდელის მიერ საწარმოს ყველა აქტივის ან ამ საწარმოს დამოუკიდებლად მოქმედი ქვედანაყოფის მიწოდება ერთი ოპერაციის ფარგლებში დღგ-ის მეორე გადამხდელისათვის, თუ მიმწოდებელი და მიმღები მხარეები მიწოდებიდან 15 კალენდარული დღის განმავლობაში წერილობით ატყობინებენ საგადასახადო ორგანოს ასეთი მიწოდების შესახებ. დამოუკიდებლად მოქმედ ქვედანაყოფად ითვლება ერთმანეთთან ფუნქციურად დაკავშირებული ძირითადი საშუალებებისა და თანმხლები კომუნიკაციების ერთობლიობა, რომელიც დამოუკიდებლად ფუნქციონირებს და რომლის დამოუკიდებლად ფუნქციონირება არ არის დამოკიდებული მესაკუთრის შეცვლაზე".
 
 
ანალიზი:
       საქართველოს საგადასახადო კოდექსის 160-ე მუხლის "ა" ქვეპუნქტის თანახმად დამატებული ღირებულების გადასახადით (დღგ-ით) დაბეგვრის ობიექტია დასაბეგრი ოპერაცია. ამავე კოდექსის 161-ე მუხლის პირველი ნაწილის "ა" ქვეპუნქტის მიხედვით დღგ-ით დასაბეგრი ოპერაციაა "საქართველოს ტერიტორიაზე განხორციელებული საქონლის მიწოდება ან/და მომსახურების გაწევა".
    საქართველოს საგადასახადო კოდექსის მე-16 მუხლის პირველი ნაწილი განმარტავს, რომ "საქონლის მიწოდებად ითვლება პირის მიერ სხვა პირისათვის საქონელზე საკუთრების უფლების გადაცემა სასყიდლით (მათ შორის, საქონლის რეალიზაცია, გაცვლა, ხელფასის ან ნატურალური ფორმით ანაზღაურება) ან უსასყიდლოდ".
    საქართველოს საგადასახადო კოდექსის 167-ე მუხლის პირველი ნაწილის მიხედვით არსებობს დღგ-ისგან გათავისუფლება ჩათვლის უფლებით და ჩათვლის უფლების გარეშე. ამავე კოდექსის, 167-ე მუხლის მე-2 ნაწილის თანახმად, დღგ-ისგან გათავისუფლება ჩათვლის უფლებით გულისხმობს, რომ "ოპერაცია არ ექვემდებარება დღგ-ის დარიცხვას (არ იბეგრება) და გამოიყენება ჩათვლის უფლება".
    საქართველოს საგადასახადო კოდექსის 168-ე მუხლი მთლიანად ეთმობა დღგ-ისგან გათავისუფლების მარეგულირებელ ნორმებს, რომელიც გულისხმობს პირის უფლებას ისარგებლოს შეღავათით, გათავისუფლდეს გადასახდისაგან ან/და ამ უფლების გამოყენებით შეიმციროს დასაბეგრი ობიექტის მიხედვით გადასახდელი თანხის ოდენობა. ერთ-ერთი ასეთი შემთხევა, როდესაც პირი თვაისუფლდება დღგ-ისგან ჩათვლის უფლებით გაწერილია ამ კოდექსის 168-ე მუხლის მე-4 ნაწილის "მ" ქვეპუნქტით.
    თუ ერთი დღგ-ის გადამხდელად რეგისტრირებული პირი გარიგების საფუძველზე აწოდებს მეორე დღგ-ის გადამხდელად რეგისტრირებულ პირს, საწარმოს ყველა აქტივს,( ამ შემთხვევაში იგულისხმება, საქართველოს საგადასახადო კოდექსის მე-8 მუხლის მე-2 და მე-15 ნაწილების მიხედვით გათვალისწინებული, როგორც მატერიალურ ასევე არამატერიალურ აქტივები) და ამ აქტივებთან ფუნქციურად დაკავშირებულ სხვა აქტივებს, რომელიც ფუნქციურად ურთიერთდაკავშირებული ობიექტია ძირითად აქტივთან ან/და აწოდებს მოძრავ აქტივებს, რომელიც ძირითადი აქტივის შემადგენელი ნაწილია. ამასთან, აღნიშნული მიწოდება ხორციელდება ერთი ოპერაციის ფარგლებში, ანუ ერთჯერადად დღგ-ის გადამხდელად რეგისტრირებული პირისათვის და მიმწოდებელი და მიმღები მხარეები მიწოდებიდან 15 კალენდარული დღის განმავლობაში წერილობით ატყობინებენ საგადასახადო ორგანოს ამგვარი მიწოდების თაობაზე, ოპერაცია განიხილება ჩათვილს უფლებით დღგ-ისგან გათავისუფლებულ ოპერაციად.
      ამასთან, აღნიშნული ნორმა ორგანიზაციაზე მხოლოდ იმ შემთხვევაში შეიძლება გავრცელდეს, თუ ორგანიზაცია ეწევა ეკონომიკურ საქმიანობას და მისი ქონების ნაწილი ამ კოდექსის 30-ე მუხლის მე-4 ნაწილის თანახმად ითვლება საწარმოს ქონებად.
    მიმღები შესაძლებელია იყოს ნებისმიერი დღგ-ის გადამხდელი პირი.


ფაქტობრივი გარემოება I : შპს "X"-სა და შპს "Y"-ს შორის, (ორივე მათგანი არის დღგ-ის გადასახდის გადამხდელი პირი), გაფორმდა ხელშეკრულება, რომლითაც შპს "X"-მა გადაწყვიტა მიყიდოს შპს "Y"-ს ჰიდროელექტროსადგური, ამ შემთხევაში უძრავი ქონება - მატერიალური აქტივი, აგრეთვე ჰიდროელექტროსადგურთან ფუნქციურად დაკავშირებული აქტივები, როგორიც არის მაგალითად ჰესი, აღნიშნული ჰესი და აქტივები საწარმოს სხვა აქტივებისაგან დამოუკიდებლად ახდენენ ელექტროენერგიის წარმოებას. უძრავი ქონება თავისი დანიშნულებით წარმოადგენს ჰიდროელექტროსადგურის ფუნქციონერებისათვის აუცილებელ, ფუნქციურად ურთიერთდაკავშირებულ ობიექტს, ხოლო მოძრავი აქტივები - ჰიდროელეტროსადგურის ელექტრო-მექანიკური სისტემის შემადგენელ ნაწილებს და მის მომსახურებისათვის საჭირო მოწყობილობებს.
შედეგი: აღნიშნული ფაქტობრივი გარემოების არსებობისას და იმის გათვალისწინებით, თუ აქტივის მიმწოდებელი და მიმღები ასეთი მიწოდებიდან 15 კალენდარულ დღეში აცნობებენ საგადასახადო ორგანოს, ასეთი მიწოდების შესახებ, საქართველოს საგადასახადო კოდექსის 168-ე მუხლის მე-4 ნაწილის "მ" ქვეპუნქტის მიხედვით, განიხილება საწარმოს ყველ აქტივისა და დამოუკიდებლად მოქმედი ქვედანაყოფის მიწოდებად და ჩათვლის უფლებით დღგ-ისგან გათავისუფლებულ ოპერაციად.

ფაქტობრივი გარემოება II: დაუშვათ, შენობაში ფუნქციონირებს საზ.კვების ობიქტი. აღნიშნული შენობის ¼ ნაწილი, რომელიც ცალკე დამოუკიდებელ ფუნქციონირებად ქვედანაყოფს (საწარმოს, ბიზნესს) არ წარმოადგენდა ინდ.მეწარმის მიერ გასხვისებული იქნა სხვა პირზე, ამასთან პირმა რომელიც ახდენდა ამ ბიზნესის ოპერირებას განაგრძო გასხვისებული შენობის ფაქტობრივი ფლობა/სარგებლობა. გარკვეული პერიოდის შემდეგ, დანარჩენი ¾ ნაწილი ინდ. მეწარმემ მიყიდა "შპს"-ს, რითაც შეწყვიტა ქონების ¼ ნაწილით სარგებლობაც. ინდ. მეწრამემ ქონების თითოეული ნაწილის მიწოდება განიხილა დღგ-ით გათავისუფლებულ ოპერაციად და საქართველოს საგადასახადო კოდექსის 168-ე მუხლის მე-4 ნაწილის "მ" ქვეპუნქტის თანახმად არ დაბეგრა დღგ-ით.
      შედეგი: თუ ხდება ქონების ნაწილის და არა დამოუკიდებელი ფუნქციონირებადი ქვედანაყოფის მიწოდება, აღნიშნული გარემოება ვერ აკმაყოფილებს სსკ-ის 168-ე მუხლის მე-4 ნაწილის "მ" ქვეპუნქტით განსაზღვრულ პირობას, შესაბამისად ოპერაცია უნდა შეფასდეს, როგორც ქონების რეალიზაცია და დაიბეგროს დღგ-ით. საწარმოს დაერიცხება დღგ-ის კუთვნილი გადასახადი და დეკლარაციაში გადასახდის შემცირების შემთხვევაში დაჯარიმდება სსკ-ის 275-ე მუხლის შესაბამისად.   
ფაქტობრივი გარემოება III: დღგ-ის გადასახდის გადამხდელ პირებს შორის - შპს "X"-სა და შპს "Y"-ს შორის გაფორმდა ხელშეკრუელბა საწარმოს ყველა აქტივისა ან ამ საწარმოს დამოუკიდებლად მოქმედი ქვედანაყოფის მიწოდების თაობაზე, მხარეებმა ასეთი მიწოდებიდან 15 კალენდარული დღის განმავლობაში აცნობეს საგადასახადო ორგანოს განხორციელებული ოპერაციის შესახებ.


ანალიზი:
    აღნიშნული ფაქტობრივი გარემოების არსებობისას, თუ აქტივის მიმწოდებელი და მიმღები საწარმოს მიწოდებიდან 15 კალენდარულ დღეში აცნობებენ საგადასახადო ორგანოს, აღნიშნული მიწოდება საქართველოს საგადასახადო კოდექსის 168-ე მუხლის მე-4 ნაწილის "მ" ქვეპუნქტის მიხედვით, განიხილება საწარმოს დამოუკიდებლად მოქმედი ქვედანაყოფის მიწოდებად და ჩათვლის უფლებით დღგ-ისგან გათავისუფლებულ ოპერაციად.
    იმის გათვალისწინებით, თუ შემოწმებით დადგინდა რომ აღნიშნული აქტივის მიწოდება არ აკმაყოფილებს 168-ე მუხლის მე-4 ნაწილის "მ" ქვეპუქტით დადგენილ პირობებს, მაგრამ მიმწოდებლისა და მიმღების მიერ საგადასახადო ორგანოსათვის მიწოდებულია ინფორმაცა ასეთი მიწოდებიდან 15 კალენდარულ დღეში. მიმწოდებელს უფლება ეძლევა ამ ოპერაციის მიხედვით საგადასახადო ვალდებულება შეასრულოს საქართველოს საგადასახდო კოდექსის 275-ე მუხლით გათვალისწინებული სანქციის გარეშე, ხოლო მყიდველი უფლებამოსილია მიიღოს კუთვნილი დღგ-ის ჩათვლა ამ კოდექსის 174-ე მუხლის მე-3 ნაწილის "ე" და "ვ" ქვეპუნქტებით გათვალისწინებული შეზღუდვების გარეშე.

(ვებ პორტალი წწწ.მატსნე.გოვ.გე 12.04.2012 ß.)